bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 21
Proverbs 21
Sukuma 2019
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 22 →
1
Ī ng'holò ya ntemi īlī mu nkono go ng'wa SEEBA gītī myongo ya minzī, akīīlogejaga hose hose ūko ūtogelwa wei ng'wenekīlī.
2
Pyī ī nzīla ja munhū jitūngīlīgije ū kūlī we ng'wenekīlī, alīyo ū SEEBA akajipimaga ī ng'holò.
3
Ū SEEBA akashanukūlaga ī shītīle Ī shigoloololile na sha būtūngīlīja, kūtinda shitambò.
4
A miso ga nyadooshi nī ng'holò ya wikumīlīja, h'ī mihayo īyo ībayegije a babūbi, alīyo shibi ī shenīsho.
5
A maganiko ga bagaliili gakabagunanhaga kūpandīka sabo ningī, alīyo ū wiyangūhīlīja būkabyalaga ng'wana mīsī.
6
Ī sabo ya kūpandīkwa bo lūlīmi lūlomolomo, ībange gītī ikūngūkū līlībīta, hama gūlī ntego gwa kūbūlaja.
7
Ū wibonya wa banhū babūbi būkūbapyagūla bashile ho, nguno balemile ū kwīta īyo Ītūngīlīgije.
8
Ī nzīla ya munhū ūyo alī mu kwihīga ītagoloolile; alīyo ū munhū ūyo atī na shilingo, Ī nhūngwa jakwe jitūngīlīgije.
9
Hambū hambū kūyikala kū kuluba ya kano wishishinīkaga, kūtinda kwikala mu numba īmò na nke wako ng'halalī.
10
Ū munhū wa nhūngwa ja malofu akikalaga ahahaalīlile yabūbi, atīko kūnchīla shigongo nūūlū nzenganwa ng'wiye.
11
Ū w'ibengwe ūlū winhwa nsango, a ba lūtūgà bakūpandīka masala, ū munhū wa masala ūlū ūtongwa akadeebaga.
12
Ū Ntūngīlīja ajibonile dūhū Ī kaya ja bahūnga, nīyo a bahūnga akabakenaagūlaga.
13
Ū munhū wa kūchibīja matū gakwe atizūbigwa a bahabī ūlū bakūlīlaga, nang'hwe līkūshika ikanza lya kūlīla atizilonga wa kūng'wigwa.
14
Ī shakwinha sha kūfunyiwa bo mbisīla shikapojaga būpelanu, nū būdaki nūūlū būkabiza būtaale, būkalembeelaga a h'inong'ho lya kūfunyiwa bo swee swee swe.
15
Ū būtūngīlīja ūlū būtūmama, bakayegaga a batūngīlīja; alīyo a bīīti ba mihayo ya malofu bakagwīlagwa boobà.
16
Ū munhū wa kūtala wīnga mu nzīla ya witegeleja, akwimanīla alī ng'wibità lya bafu.
17
Ū munhū ūyo atogilwe kūyeja mīlī akūhabīpa, nū yūyo atogilwe walwa na shizeeze atalaasaba.
18
A bahūnga bakūbiza shihongeelo kūlwa batūngīlīja, na a babo batatogilwe kūzunya kūlwa ba nhūngwa ngololoku.
19
Hambū hambū kūja kwikala kū matogolo kūtinda kwikala na nke wako ng'halalī hangī ng'wayī.
20
A banhū ba masala bakibīkījaga ū mu kaya jabo sabo niiza na shizeeze shabūyaga, alīyo ū mbūūlī akagabbulaga wamala pyī īsho akapandīkaga.
21
Ūyo akakoobaga būtūngīlīja na kūchīla shigongo, akapandīkaga būpanga na būtūngīlīja hamò n'ikūjo.
22
Ū munhū wa masala akadumīlaga nūūlū nzengo gwa banhū ba nguzu, wakambagūla ng'hambī ja kūpīlīla Ījo bajisanije.
23
Ūyo agūlang'hanile ū nomo gwakwe nū lūlīmi lwakwe, ilang'hanile atizūgwa mu makoye.
24
Ū munhū ng'wikumīlīja na ng'wibonya, ū ng'wenūyo ī lina lyakwe akitanagwa, “Ng'wibengeleja;” nūwe hangī ndooshi bo soso.
25
Ū ng'winogolelwa akabūlagagwa na kwikūmvwa kwakwe, nguno a makono gakwe galemile ū kūtūmama.
26
Akadīīlaga līīmi tole wikūmbagwa apandīke shose shose, alīyo a batūngīlīja bakinhanaga mu būtūūgugīla.
27
Ī shitambò sha banhū babūbi sha malofu no, Ī no no no ū mfunya washo ūlū alī n'iganiko ibi.
28
Ū nkaanīji nomolomo akūkenaagūka, alīyo ī mihayo ya ng'wigwi īlī ya kūshinga.
29
Ū munhū wabūbi akihaamalajaga ū būshū bokwe, alīyo ū munhū wa nhūngwa jigoloolile, akajiideedeng'hanyaga ī nzīla jakwe.
30
Gūtīho gwa kūnemeela ū SEEBA, gabize masala nūūlū witegeleja, nūūlū kahelele ka maganiko.
31
Ī falasa īkagolanyiagwa yagaaliilwa yalindīīla lūshikū lwa būlūgū, alīyo ū būtindi būlī kūlī SEEBA.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31