bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 26
Proverbs 26
Sukuma 2019
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
Ūmo seluji ītigeleelilwe mu shikū ja līīmi isebu, nī mbula ītigeleelilwe mu magesa, h'ūmo īlī nū munhū mbūūlī, nang'hwe atigeleelilwe ikūjo.
2
Ūmo gulumambī īkiyūngūūlīlaga ng'wigūlya, nūūlū tūjū ūmo īkatūlanījaga kuluba jayo; nī lizumo īlo lītī mu ng'hana līlī gīko, nalyo lītalembeelaga.
3
Ī falasa īmanilwe tambū, hama ī nzobe īkanyamulagwa bo lijaamu mu nomo; lelo ū ngongo gwa mbūūlī gwene gūmanilwe nang'ha.
4
Ū mbūūlī yaya kūnshokeja mhayo kūlenganīla na būchilū bokwe, nguno nang'ho ūkūbiza gīt'ūmo alī ū we.
5
Ū mbūūlī nshokejage gīt'ūmo būlī ū būchilū bokwe, ūlū ītī chene akwibona ng'wenekīlī gīkī alī na masala.
6
Ū wa kūtūma nhūng'wa mu nkono gwa mbūūlī, akibbutaga magūlū gakwe wei ng'wenekīlī, na akiyingījaga mu mayanga.
7
Ūmo gatī na nīmo magūlū ga nemehazu, h'ūmo lūlī nū lūsumo lwa kūfuma mu nomo gwa mbūūlī.
8
Ū mbūūlī ū kūng'winha ikūjo, Ītikīlile na kūtunga iwe mu lūtaago.
9
Lūsumo kūfuma mu nomo gwa mbūūlī lūtikīlile na ling'hwa līlī mu nkono gwa nkolwa walwa.
10
Ū wa kūlagana nīmo na mbūūūlī nūūlū na mīti ose ose, atikīlile na nasi wa kūlasa sagala sagala na kūlabūla banhū mu būtūdīlīla.
11
Ūmo mvwa īkashokelaga kūlya malūki gayo, nū mbūūlī akashokaga gīko ū mu būchilū bokwe.
12
Wabīta kūmona ūyo imanile wei ng'wenekīlī gīkī alī na masala? Hambū hambū ū mbūūlī, nguno ū mulī ng'wene ūdūgije kūkunga ka kwisagīlwa nūūlū ka ngota, kūtinda ū mulī ng'wenūyo.
13
Ū ng'winogolelwa akahayaga, “Īlīho shimba ū mu nzīla; shimba yasalile īkwikalaga yūpogoma mu mapanda!”
14
Ūmo lwigī lūkagalūka galūkaga lūlī ha bawaba jalo, nū ng'winogolelwa gīko, akūmanūgalūka galūka dūhū a ha būlīīlī bokwe.
15
Ū ng'winogolelwa ashikile kūchima ū nkono gwakwe ū mu shiseme sha shilīwa, alīyo ūlemeelwa ū kūgūbūūcha kūgwenha ū kū nomo!
16
Ū ng'winogolelwa imanile wei ng'wenekīlī gīkī alī na masala, kūtinda nūūlū banhū mpungatī abo bakashoshaga mu witegeleja.
17
Ū wa kwiyingīja mu yombo Ītang'wigeleelilwe, atikīlile na munhū wa kūdutūūla matū ga mvwa ītī yakwe.
18
Ūmo munhū atūgije akaponangījaga mashitinde ga moto na masonga ga būsūngū bo kūbūlaga,
19
h'ūmo alī nū munhū wa kūnembagūla nzenganwa ng'wiye; hūna ong'wīla, “Naalūchembaga ka koocha dūhū!”
20
Ūlū jitīho ng'hwī ū moto gūkajimaga, ūlū būtīho būsīīgani ū wilemeelwa būkashilaga.
21
Ūmo galī a makala ū kū moto, nū mumo jilī ng'hwī kū moto, h'ūmo alī nū munhū wa yombo ū mu kūsoosela wilemeelwa.
22
Ī mihayo ya nsīīgani minonu gītī nhonge yachaajaga mu būūkī, īkang'wingīlaga ū munhū yanwengeela.
23
Ūmo būlenji wiza būkabilagwa higūlya ya shiseme sha malongo mabi, h'ūmo gūlī nū nomo ūyo gūkafunyaga mihayo mikondooku alīyo ī ng'holò mbi.
24
Ū ng'wanishi akibisaga mu nzīla ya kalūngalūngīle kakwe, alīyo gashi ū mu g'holò yakwe abīīkile būlomolomo.
25
Nūūlū īnone na kinehe ī mihayo yakwe yaya ū kūnzunīlīja, nguno ū mu ng'holò yakwe shilīmo sha malofu mbika mpungati.
26
Ū wanishi bokwe nūūlū būkabiza wibisile mu nzīla ya nyasala sala, alīyo ū būbi bokwe būkwigengeleka dūhū ū mu banhū.
27
Ū munhū ūlū ūsīmba ichango akūgwīla mo wei ng'wenekīlī, nūūlū munhū ūhadīka kūpilingitya iwe itaale, līkūpilingita līshokile lize līng'hine wei ng'wenekīlī.
28
Ū lūlīmi lūhwahwa lūtabatogilwe abo lūkabaminyaga, nū nomo gwa mihayo mikondooku ya kūgīmbīlīja gūkabeejaga būkenaagūji būtaale.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31