bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 13
Proverbs 13
Sukuma 2019
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
1
Ū ng'wana wa masala akigwaga būlangi bo ng'wa īse, alīyo ū ndalahi atadīlīlaga būhūgūji.
2
Ū munhū akashilūmbaga ī shawiza kūfuma mu kalūngalūngīle kakwe; alīyo a bahūnga ī ng'hūmbū jabo jilī ha wiboneeji.
3
Ūyo ilang'hanile ū nomo gwakwe akapījaga būpanga bokwe, alīyo ū wa kwiyangūhīlīja kūyomba, akiyenhelaga makoye.
4
Ū ng'winogolelwa akikūmbagwa alīyo atapandīkaga, alīyo ū nkamu kū milīmo Ī ng'hūmbū jakwe jikashikīīlaga.
5
A batūngīlīja babūkolilwe ū būlomolomo, alīyo a bahūnga bakenhaga ya minala n'iponda soni.
6
Ū būtūngīlīja būkanang'hanaga ū wa nhūngwa jigoloolile, alīyo ū būbi būkangwishaga ū munhū wa shibi.
7
Munhū ashikile kwigīmba gīkī nsabi, alīyo gashi atī na shose shose; hama alīho ūngī wa kūbiza gītī atī nsabi, alīyo hū nsabi kalalamba.
8
Ū nsabi akapījiagwa sabo yakwe, alīyo ū ng'habī atī na sha kūng'wīta ogohe.
9
Ī lisana lya ntūngīlīja līkongejaga kūng'weka, alīyo ī tala ya nkenaagūji Īkajimiagwa.
10
Ū wikumīlīja būkabyalaga yombo, alīyo a masala galī mu banhū abo bakazunyaga kūganikīlwa.
11
Ī sabo ya būnyeecha Ītadīīlaga ū kūkamīīla, alīyo ū wa kūbilinga ī hela hado hado, akajikwījaga nose.
12
Ū kwisagījiwa ūlū kūdīīla kūshikīīla Īkasaataga ī ng'holò, alīyo ū kūshikīlīgījiwa ng'hūmbū ū gwene ntī gwa būpanga.
13
Ū wa kūdalaha kūtongwa akūbiza n'igasa wei ng'wenekīlī, alīyo ūyo ūshidīlīla shilagīlo akūpandīka mheela niiza.
14
A malange ga banhū ba masala lūlī lūzwīlo lwa būpanga, kūlwa kūngalūcha munhū atizūgwa mu lūtu lwa kūmūlaga.
15
Ū kwitegeleja chiza kūkinhaga kūyegelwa na banhū, alīyo ī nzīla ya bagomi ndaamu no.
16
Būlī ng'witegeleja akatūmamaga na masala, alīyo ū mbūūlī akaboolechaga hape ū būchilū bokwe.
17
Ū ntūmījiwa ū ng'hūnga akagwaga mu makoye, alīyo ū nsanyiwa ūlū ūlagījiwa akatūūlaga ho mhola.
18
Ūyo ūdalaha būhūgūlwa akahabīpaga na kūgwa mu magooke, alīyo ūyo akazunyaga kūhang'wa, akagūngūhiagwa.
19
Ū gwa kūshikīlījiwa īsho munhū ashiikūmbilwe, gūlī nonu ū mu ng'holò; alīyo a babbūūlī batatogagwa ū kūlekana nī yabūbi.
20
Ūyo akayeelaga na banhū ba masala akapandīkaga masala; alīyo ū nwani ng'wiye wa babbūūlī alī mu makoye ū ng'wenūyo.
21
Mihayo mibi īkabalondeelaga a ba shibi, alīyo ī mheela ya batūngīlīja Īlī kwīlūkīlwa mbango.
22
Ū munhū wawiza akalekaga wingīji kūlwa shibyalīlwe sha baana bakwe, alīyo ū munhū wa shibi ī sabo yakwe akībilingaga yaaja na batūngīlīja.
23
Ū ngūnda gwa ng'habī gūshikile kūponeka shilīwa shingī, alīyo akūtaagījiwa dūhū kūlwa wiboneeji.
24
Ūyo atadimaga inasu atantogilwe ū ng'wanokwe, alīyo ūyo antogilwe akang'hūgūlaga na būkomeezu.
25
A batūngīlīja bakalyaga gīt'ūmo ng'holò jabo jitogelilwe, alīyo ī nda ya nkenaagūji Īkadīīlaga nzala.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31