bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 8
Proverbs 8
Sukuma 2019
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
1
Angū, a masala gatahīlīkaga gwa gwa gwa? Ū witegeleja būtikalaga būkūhamukaga n'ilaka?
2
A masala galīho būlī hene a ha nzīla ja mu magūlya, būlī ha nzīla maaka galīho galindanile;
3
a ha mibita ya kwingīlīla mu mizengo galīho, gakūhamukaga n'ilaka:
4
Bing'we banhū, nalīng'witana; pye a banhū nalībahīlīka n'ilaka lyane.
5
Bing'we ba lūtūgà, chagūkagi; bachilū, bizagi na būdeeba.
6
Nidegelekagi nalī na mihayo mitengeke ya kūlūngalūnga; ū nomo gwane gūkahayaga mihayo ītūngīlīgije.
7
Ū nomo gwane gūkasomboolaga ya ng'hana, nguno ū nomo gwane gūtītogilwe Ī ya malofu.
8
Pyī ī mihayo ya kūfuma mu nomo gwane ītūngīlīgije; gūtīho ūyo gwigoma gomile, nūūlū gwa nyahūnga.
9
Ū kū bitegeleja pyī ī yose Ītūngīlīgije, ū kū badeeba ītī na kabi nūūlū hado.
10
Solagi katongeelele kane, yaya kūdutwa hela; mupandīke būmani kūtinda zahabu jawiza,
11
nguno a masala galī na mpango ntaale kūtinda lubi ū mu shose īsho ūlashiikūmve, shitīho sha kūlenganīla nago.
12
Ū nene masala nakikalaga hamò na witegeleja, hama nalī na būmani, nū būdeeba nalī nabo.
13
Ū kūng'ogoha SEEBA kūlī kūbūkolwa ū būbi; ū wikumīlīja nabūkolilwe, nū būdoshi nī nhūngwa jabūbī, pye na a mahooya ga nyahūnga.
14
Būhūgūji na masala madekanu shenīsho shane, nene hū nalī būmani, hangī nalī na būdūla.
15
A batemi bakasugaga kūlwa nguno yane, na a batongeeji bakatūūlaga shilagīlo shitūngīlīgije kūlwa nguno yane.
16
A basugi bakasugaga kūlwa nguno yane, na a batongeeji ba sī jose
17
abo banitogilwe nū nene nabatogilwe, na a babo bakanikoobaga bakanipandīkaga.
18
Ū nene nalī nabo ū būsabi, nī likūjo nalī nalyo; nī sabo īyo ītī ya kūjimīīla, pyī nū kwīlūkīlwa nalī nako.
19
Ī linong'ho lyane isoga no kūtinda zahabu h'ūmo ībeelele, īsho shikafumaga mulī nene shilī na mpango ntaale kūtinda hela ījo jikakumīlījiagwa.
20
Nakashimīzīlaga mu nzīla ya būtūngīlīja, mu kashimīzīle kagoloolile;
21
abo banitogilwe nakabalekelaga sabo kūlwa wingīji wabo, nī shisho bakibīkījaga nakashongejaga.
22
Ū SEEBA naalī hamò nang'hwe a ha wandījo bo milīmo yakwe, aho ītaalī kūbiza ho ī milīmo yakwe Ī ya kūfuma kale.
23
Ū nene natūūlilwe ho kūfuma kale ya weleelo bose, kūfuma ha wandījo, aho sī ītaalī kūbiza ho.
24
Naabyalwa kwīngīīla aho manyanza gataalī kūbiza ho, aho jitaalī kwilonga nzwīlo ja minzī mingī.
25
Naabyalwa ī ngūlū ī ndo nī nhaale jitaalī kūlembeela ha mapandī gajo;
26
numho ataalī kwīsūmba Ī sī na a matogolo gayo, nūūlū lūbuubu lose lose lwa mu sī.
27
Naalīho aho alīlītūūla ī ligūlū ha wikalo walyo; aho alītūūla lūbīmbī lwa higūlya ya būjiba bo nyanza.
28
Na a haho alīgatūūla ng'wigūlya a malunde, nī nzwīlo ja mu gatī ya būjiba ūjitūūlīla būlang'hani jiikale jilīho,
29
aho alīyīpīndīlīja lūbīmbī lwa kwīlang'hana ī nyanza, a minzī gatizūshikīlanhya Ī shilagīlo shakwe; pye na a haho akūtūūlaga misingi ya sī.
30
Ū nene naalī ntūmami ntaale, wa kwikala hamò nang'hwe, būlī lūshikū waniyegelaga; būl'ikanza nikalaga na būyegi ū kū būtongi bokwe,
31
nakwīyegelaga pyī ī sī yakwe, na a baana bakwe nakūbayegelaga.
32
Alilūūlū baana bane, nidegelekagi; balī na lubango abo bajidimile Ī nzīla jane.
33
Giigwagi a malange mubize na masala; yaya ū kūgagumanīja.
34
Ū munhū wa kwīdīlīla Ī mihayo yane alī na mbango, ū wa kwikala ha mibita yane būlī lūshikū alī nzūgūlū matū alindanile ha milyango yane.
35
Nguno būlī ng'wene ūyo ūnipandīka ū nene, wapandīkaga būpanga, na akūbiza nganja ū kūlī SEEBA.
36
Alīyo būlī ng'wene ūyo ūduuma kūnipandīka, akwiminya wei ng'wenekīlī; bose pye abo banikolilwe batogilwe icha.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31