bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 12
Proverbs 12
Sukuma 2019
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
1
Ūyo atogilwe ū kūhang'wa, ū ng'wenuyo atogilwe būmani; alīyo ūyo atatogagwa kūhūgūlwa mbūūlī ū ng'wenūyo.
2
Ū munhū wawiza akabizaga nganja ū kūlī SEEBA, alīyo ū SEEBA akangwisījaga nsango ū nsala sala.
3
Ū munhū atīko kwīmīīla na nguzu mu nzīla ja malofu, alīyo ū ntūngīlīja atūdūbbūlwa na hado yaya.
4
Ū nkīma wa nhūngwa jawiza alī shingilima ya ngoshi, alīyo ū nkīma w'iponda soni abange gītī būbozu ū mu maguha ga ngoshi.
5
A batūngīlīja balī na kahelele kagoloolile, alīyo ū būganikīji wa bahūnga wene bo nyalemba lembi.
6
Ī mihayo ya ba malofu Ījīlīīlile mu nyabūlagi, alīyo a batūngīlīja bakapījiagwa kayombele kabo.
7
A banhū ba malofu bakagwaga bajimīīla jimijimi, alīyo ī kaya ja batūngīlīja jikīmīīlaga pyī ī shikū.
8
Ū munhū akakumīlījiagwa kūlwa masala gakwe, alīyo a ba maganiko gasalīkile bakadalahagwa.
9
Hambū hambū ū munhū adalahwe alīyo alī na ntūmami a ha kaya, kūtinda ū wa kwigīmba būkūjiwa al'ū kūnū akūtobagwa nzala.
10
Ū munhū ntūngīlīja akadīlīlaga Ī mitugo jakwe; alīyo ū munhū wabūbi, ū wiboneeji bokwe h'ī shītwa sha shigongo ū kūlī we.
11
Ūyo akūlīmaga ilaale lyakwe akūpandīka shilīwa shingī, alīyo ū wa kūdīīlīla mihayo dūhū atī na masala.
12
A banhū ba malofu bakahahaalīlaga īsho bakapandīkaga banhū babūbi; alīyo ī miji ya batūngīlīja Īkatwajaga matwajo.
13
Ū munhū wabūbi akagwashiagwa na būbi bo mihayo yakwe, alīyo ū ntūngīlīja akapūlūgūkaga ū mu makoye.
14
Ū munhū akapandīkaga shawiza kūfuma mu kalūngalūngīle kakwe; h'ūmo nū nīmo gwa makono gakwe gūkampandīkīlaga inong'ho
15
Ū nchilū akabonaga Ī nzīla yakwe ītūngīlīgije, alīyo ū munhū wa masala akadegelekaga būhūgūlwa.
16
Ū mbūūlī akamanīkaga haho na haho ūlū ūkolwa, alīyo ū munhū wa masala akalekejaga nūūlū ūsondagūlwa.
17
Ū nkaanīji wa ng'hana akafunyaga būkaanīji būgoloolile, alīyo ū nkaanīji maama akahayaga ya būlomolomo.
18
Ī mihayo ya kūhayiwa mu wiyangūhīlīja īkachimaga gītī lūshū, alīyo ū lūlīmi lwa bitegeleja lūkalagūlaga.
19
Ū nomo ūyo gūkahayaga ya ng'hana gūkūshinga ho ilalī, alīyo ū lūlīmi lūhwahwa lūlī na būlamu būguhī.
20
Abo bakahelaga mihayo mibi balī na būlemba lembi ū mu ng'holò jabo, alīyo a batūūji ba mhola balī na būyegi.
21
Gūtīho gwabūbi gwa kūbagwīla batūngīlīja, alīyo a ba malofu balī nayo mingī ī ya kūbahemeeja.
22
Ū SEEBA agūkolilwe no ū nomo ū ng'hwahwa, alīyo abayegelile abo bakashimīzīlaga mu ng'hana.
23
Ū munhū wa masala akikalaga abūlang'hanile ū būmani bokwe, alīyo ī ng'holò ja babbūūlī jikaboolechaga ū būchilū ūbo alī nabo.
24
A makono ga nkamu kū milīmo h'ayo gakabizaga masugi, alīyo ū winogolelwa būkagelejaga mu būsese.
25
Ī ng'holò ya shibbamhū Īkang'wenhelejaga ū munhū konzololoka ū mīlī, alīyo ū mhayo gwa būtogwa gūkang'winhaga būzalabanu.
26
Ū munhū ntūngīlīja akilang'hanaga ū mu kasolele ka būnwani, alīyo ī nzīla ja bahūnga jikabatūngīījaga mu kūjimīīla.
27
Ū ng'oolo akalemeelagwa nūūlū koocha nyama ya ndimu īyo wabūlūgaga, alīyo ū ntūmami ng'witegeleja, ajikūgije no ī sabo jakwe
28
Ū mu nzīla ya būtūngīlīja būlīmo būpanga, nīyo ū mu kashimīzīle kenako Īlīmo mhola ya būja na būja.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31