bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 31
Proverbs 31
Sukuma 2019
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
1
Mihayo ya Ntemi Lemueli; būhangi ūbo akalangwa na nina.
2
Ee ng'wana wane! Ee Ng'wana wa nda yane! Bebe Ng'wana wa kūlahīla kwane,
3
Ūtizūmalīla nguzu jako kū bakīma; a benabo bakakenaagūlaga batemi, yaya ū kūlogeja nzīla jako kūbo.
4
Ee Lamueli, gūtī gwa batemi ū gwenūyo, ing'wa walwa lītī lya batemi; a basugi batigeleelilwe kwikala bahahaalīlile mapūūya,
5
batizūleewa kūshisha kwība Īyo īlagīlilwe mu shilagīlo, nose kwīkenaagūla īyo yigeleelilwe kūbaguna abo balī mu būluhi.
6
Ū walwa nekelage ūyo ajile mu kūyagaala, a mapūūya ga banhū abo basheedekejiwe makoye.
7
A benabo balekelage bayūng'wa bīība ū būhabī wabo, booya kwikala bakwizūkagwa būsunduhazu wabo.
8
Ū nomo gwako ni gūbagunage abo batī na būdūla bo kwigunanha boi benekīlī, a bagayiwa alīyo batadūgije kwilwīlīīla ū mu mihayo īyo Ībigeleelilwe.
9
Ūhabūla ū kūyomba, nū būlamuji ūfunya mu būtūngīlīja; balwīlīīlage a bahabī na bagayiwa ū mu mihayo īyo ībigeleelilwe.
10
Nani ūyo adūgije kūpandīka nkīma wa kūtoola w'ikūjo? Ū nkīma wa gīko ū mpango gwakwe ntaale no kūtinda lubi.
11
Ī ng'holò ya ngoshi yīnsanije mu būshikanu bose, nose atīko kūbiza na būgehelwa mu shose shose.
12
Pyī ī shikū ja būlamu bokwe akang'wītīlaga yawiza ū ngoshi, ndūhū gwabūbi nūūlū gūmò.
13
Wa kūyūkooba booya bo ng'holo na būlūba, watūmama na makono gakwe mu būyegi būtaale.
14
Abange gītī meeli ja basūlūja, Ī shiliwa akenhaga kwīngīīla kūle.
15
Akipunaga giiti dilū makīngo, wandya kūgolanya shilīwa sha banhū ba mu kaya yakwe; a batūmami bakwe a bakīma wabahelela ī ya kwīta.
16
Akabonaga ilaale wideedeng'hanya chiza tame, hūna walīgūla kūfuma mu sabo ja kūpandīka bo nguzu jakwe, walīlīma wahamba mo mizabibu.
17
Ūlū wandya kūtūmama milīmo akilumaga lya sīlīlī atī na lwenya; a makono gakwe galī na nguzu jigi.
18
Adeebile gīkī ū būsūlūja bokwe būkenhaga solobo, hūna lūūlū ī tala ya ha ng'wakwe Īkakeeyūlaga būjikū tandū īlībaka.
19
Akadimaga na makono gakwe ikumbò lya kūduutīja būlūba, hūna wayībilimya ī nduutyo kūnū ayūmīīlile.
20
A makono gakwe agagoloolile kūbanukūla a bahabī, a makono gakwe galī ng'waje kūbagunanha a bagayiwa.
21
Nūūlū mu makanza ga mbeho Ītanzwanjaga ī kaya yakwe; nguno pye a banhū ba mu kaya yakwe balī na shizwalo shaza sha mu shikū ja mbeho.
22
Ī myenda ya kwamba ha būlīīlī bokwe akabeejaga misoga, ī shizwalo shakwe sha kitaani yawiza Īsangije na būlūba bo nzulunge.
23
Ū ngoshi akūjiwe no ū mu mabanza ga mu nzengo, ūlū wigashaga hamò na a banamhala a basugi ba sī.
24
Ū nkīma ng'wenūyo akabeejaga shizwalo sha kūjinja sha būlūba wa kitaani, nī mishipi akabajingījaga wei a basūlūja.
25
Ī shizwalo shakwe nguzu n'ikūjo, nī ya shikū ja kū būjiiwa akikalaga ayīlindīīlile mu būyegi.
26
A mahooya gakwe ga masala, ū lūlīmi lwakwe lūkafunyaga malange gigelile kūsanyiwa.
27
Ī myatīla ya ha ng'wakwe ayīdīlīlile chiza no, atalyaga shilīwa sha kwenhelwa igashije dūhū.
28
A baana bakwe bakabūūkaga kūnūmba na kūnombela mbango, nū ngoshi wakwe, nīyo ū ng'wene akankumīlījaga kūnū alīhaya,
29
“A bakīma abo bakīītaga misoga balī bingī, alīyo ū bebe ūbaheebile pye a bose.”
30
Ū būsoga būkalembalembaga, nū wiza shilī shikolo sha kūbīta. Alīyo ū nkīma ūyo ang'ogohile SEEBA shiigelile akumīlījiwe ū ng'wenūyo.
31
Ng'winhage ī linong'ho īlo ligeleelilwe būnoge bokwe, nī milīmo yakwe īkumīlījiwe hape kū būtongi wa banhū bose.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31