bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 4
Proverbs 4
Sukuma 2019
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 5 →
1
Baana bane, kigwagi a kalangīle ka ng'wa sīng'we, ng'ūdegeleka mu būkalalwa mupandīke witegeleja.
2
Nalīng'winha malange madeekanu, yaya ū kūshilekanīja ī shilagīlo shane.
3
Ū nene aho nataalī nyada ū mu kaya ya ng'wa baba, nataalī nīgīnī, na ng'wana ūmò dūhū ū kūlī mayū,
4
ū baba akanilanga ūniwīla gīkī, “Ī mihayo yane ībaladage na ng'holò yako yose; Ī shilagīlo shane ūshidime, ūkūlama.
5
Pandīkaga masala, ūbize na būdeeba; ūtizīyība ī mihayo yane, nūūlū ūtizūgalūka wīleke.
6
Yaya ū kūgaleka a masala, nago gakūkūlang'hana, gatogagwe nguno gakūkūbalada.
7
A masala galī higūlya ya yose, alilūūlū, pandīkaga masala; nūūlū ni kūjimīīja ī shingī pyī, alīyo būpandīkage ū witegeleja.
8
A masala gakūjage, gakūkwenhela shingilima; gūmīīlage na būkalalwa, gakūkwingīja ng'wikūjo.
9
Gakūkūtūūlīla ihima lya būlenji ū kū ntwe gwako, na gakūkūzwīka ngikili y'ikūjo.”
10
Ng'wanone degelekaga wīyanukūle Īyo nalīyīhaya, hūna ī myaka ya būlamu wako Īkūbiza mingī.
11
Nalīkūtonga mu nzīla ya masala, na kūkūtonga mu kashimīzīle kagololoku.
12
Ūkūshimīza na shitilonga sha kūkūchaama ū mu kaīle kako, nūūlū ūpeela ūtipama.
13
Īyūmīīlage īyo ūkūtongagwa, yaya ū kwīlekela, ilang'hanage mu welwa ng'holò, nguno ū wenūbo būpanga wako.
14
Ūtizūtūūla lūpambala lwako mu nzīla ja banhū ba malofu, yaya nūūlū kūshimīzīla mu nzīla ya babūbi.
15
Yogohage, yaya ū kūbītīla mo, galūkaga wīleke ūje ūko ūjile.
16
Nguno a benabo batalaalaga kūshisha bīīte yabūbi; īkatalaga ī tūlo kūshisha bagwishe munhū.
17
Ī shilīwa bakapandīkīlaga mu nzīla ja malofu; ī divai bakang'waga kūlwa wiboneeji wabo.
18
A kashimīzīle ka batūngīlīja kabange gītī būūpe w'ikīngo lya mu dilū, Īlo līkongejaga kwaaka, kūshisha mu makanza ga līīmi, mu būtang'anhīzu w'isana.
19
Alīyo ī nzīla ya ba malofu Ībange gītī giiti sha gamha; batīko kūshiitegeleja īsho shikabipamyaga.
20
Ng'wanone, īdīlīlage Īyo nalīyīhaya; ī mihayo yane īdegelekage mu welwa ng'holò.
21
Ītizīnga ū kū būtongi wako, Ībaladage ū mu ng'holò yako;
22
nguno īlī būpanga ū kū banhū abo bakīpandīkaga, ū kūlī munhū īlī būzubūku bo mīlī ngima.
23
Ilang'hanage ī ng'holò yako kūkīla shose, nguno h'ū lūzwīīlo lwa būpanga wako.
24
Wīnjage ū būhūūganu ū mu nomo gwako, a mahoya gabūbi gatizikuumya na nomo gwako.
25
A miso gako gagoloole wīmà a kalolele, ūkalalīle ya kū būtongi dūhū.
26
Lang'hanaga ūmo mhambala jako jikūbītaga, ūsole nzīla jigoloolile.
27
Yaya kūgalūka galūka kūja kū nkono gwa būlyo nūūlū gwa lūmoso, ū lūpambala lwako lūlang'hanage ū kū yabūbi.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31