bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 11
Proverbs 11
Sukuma 2019
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 12 →
1
Ū SEEBA ajikolilwe ī gapani ja būnyeecha, alīyo ganyegije a mapimīlo ga būdito ayo gatūngīlīgije.
2
Ūlū būbiza ho wikumīlīja, na a magooke gakilongaga; alīyo ū widohya būkajīlanījaga na masala.
3
Ū būsanyiwa wa batūngīlīja būkabatongeelaga, alīyo abo batī basanyiwa bakakenaagūlagwa būlomolomo wabo.
4
Ī sabo ītī na solobo ū mu lūshikū lwa kūkundūlīlwa būpelanu, alīyo ū būtūngīlīja būkapījaga ū mu kūcha.
5
Ū būtūngīlīja wa banhū abo batī na shisembo, būkabagoloolelaga nzīla; alīyo a babūbi bakagwishiagwa na būbi wabo benekīlī.
6
Ū būtūngīlīja wa ba nhūngwa jigoloolile būkabapījaga, alīyo abo batī ha ng'hana, bakagwishiagwa na kwikūmvwa kwabo kwabūbi.
7
Ū wabūbi ūlū ūcha nū kwisagīlwa kwakwe kwashilaga, pyī īyo wīyisagīlagwa kūfuma mu būdūla bokwe īkajimīīlaga.
8
Ū ntūngīlīja akīnjiagwa ū mu makoye, ū nkenaagūji akadumbukīlaga mo.
9
Ūyo atī na logohano kūlī Mulungu akabipyaga bazenganwa bo nomo gwakwe; alīyo a batūngīlīja bakapīlaga kūlwa witegeleja.
10
A batūngīlīja ūlū yūbabeelela Ī mihayo gūkayegaga ū nzengo; a babūbi ūlū bayagaala, mhūndū ja būyegi jikazīlīng'hanyaga.
11
Ū nzengo gūkakūjiagwa ūlū batūngīlīja bīlūkīlwa mbango, alīyo gūkakenaagūkaga kūlwa nguno ya nomo gwa bahūnga.
12
Ū wa kūngayīlīja nzenganwa ng'wiye atī na masala, alīyo ū munhū ng'witegeleja alūlang'hanile ū lūlīmi lwakwe.
13
Ū nsīīganī akafumbagūlaga mihayo ya mbisīla, alīyo ū nsanyiwa akikalaga Īlang'hanile ī mihayo.
14
Ī lihanga ūlū lyūgaya baganikīji līkagwaga, alīyo ūlū līlī na bayangūji bingī numho līlī mhola.
15
Ūyo wiyeega kūlwa nguno ya munhū ngeni akūlabūka, alīyo ūyo ūlema kwidima nang'hwe nkono gwa kūng'wilahīlīla, akwikala mhola.
16
Ū nkīma ng'wiza ng'holò akapandīkaga ikūjo, alīyo a bagosha ba nguzu bakagelelaga ha būsabi dūhū.
17
Ū munhū wa shigongo akigaliilaga wei ng'wenekīlī, alīyo ū ng'wiboneeji akiyenhelaga mayanga wei ng'wenekīlī.
18
Ū munhū wa nhūngwa jabūbi akapandīkaga mheela ya būnyeecha, alīyo ūyo akahambaga būtūngīlīja, Ī linong'ho lyakwe līlī lya ng'hana.
19
Ū munhū ntūngīlīja akapandīkaga būpanga; alīyo ūyo akalondeelaga yabūbi, akashikaga ng'wicha.
20
Ū SEEBA abakolilwe a ba ng'holò ng'hūnga, alīyo abayegelile abo nzīla jabo jitī na shilingo.
21
Shiigelile gūmanīke hape gīkī, A babūbi batūgūpūlūgūka ū nsango; alīyo a batūngīlīja bakūpīla.
22
Ūmo īlī sīīlī ya zahabu ha lyūlū lya ngulubī, h'ūmo būlī nū būsoga ū kūlī nkīma ūyo atī ng'witegeleja.
23
Ī ng'hūmbū jakwe ū ntūngīlīja jikang'wingījaga mu wiza, alīyo ū munhū wa malofu atī na kwisagīlwa kūngī ūlū ītī kūgwa mu būpelanu.
24
Alīho munhū akinhaga na ng'holò īmò, alīyo hū wiseema ū kūsaba; hama alīho ūngī atinhaga biye, alīyo h'akongejaga kūhabīpa.
25
Ū munhū ng'wiza ng'holò akongeja ū kūsaba, nū yūyo akinhaga biye minzī, nang'hwe akwinhwa minzī.
26
Ū misi wa shilīwa akadūkīlagwa na banhū, alīyo ū wa kūbajingīja mu wiyaabī, akihoolekelagwa mbango.
27
Ūyo akabūkoobaga wiza mu būkalalwa akayegelagwa na banhū, alīyo ī yabūbi īkangwīlaga ūyo akīkoobaga.
28
Ūyo ūsanya būsabi bokwe akūgwa, alīyo ū ntūngīlīja akafulumaga gītī idūūtū idoto.
29
Ū wa kwikala ūyoja kaya yakwe atūpandīka ī sabo ya wingīji, nīyo ū mbūūlī akūbiza ng'witūmamīja kū banhū ba masala.
30
Ī litwajo lya ntūngīlīja gūlī ntī gwa būpanga, alīyo ūyo alī na masala akadutaga banhū kūlī we.
31
A batūngīlīja ūlū banukūla mheela jabo mu sī, al'a ba malofu na a ba shibi bakūgela he lūūlū a bene!
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31