bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 28
Proverbs 28
Sukuma 2019
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
1
Ū nkenaagūji akabulugutaga nhambo nūūlū atīho mpeeja, alīyo a batūngīlīja bashisha ng'holò gītī shimba.
2
Ī sī ūlū yūkwīja bagome īkakwījaga a basugi, alīyo ūlū īlī na munhū ng'witegeleja na mani, īkwikala mu būlembeezu.
3
Ū nsugi wa kūluhya bahabī, atikīlile na mbūla ya nyaga īyo īkalekaga yakenaagūla shilīwa.
4
Abo bakaponyaga ī shilagīlo bakabakumīlījaga banhū ba malofu, alīyo abo bashidimile ī shilagīlo bakabalemejaga ī yabo.
5
A banhū babūbi batawitegelegije ū būtūngīlīja, alīyo abo bakankoobaga SEEBA babūmanile ūmo būlī gete.
6
Hambū hambū munhū ng'habī ūyo shimīzīle yakwe ītī na shilingo, kūtinda nsabi ūyo nzīla jakwe jilī jabūbi.
7
Ūyo akadimaga shilagīlo ng'wene ng'wana wa masala, alīyo ū wa kūdimana na balaku akangoolaga ū ise.
8
Ūyo akakwījaga sabo mu nzīla ja būnyeecha, akajibilingaga kūlwa kūnekela ūngī, ūyo alī na shigongo kū bahabī.
9
Ū munhū wa kwichibīja matū kū shilagīlo, ū ng'wenūyo nū kūlomba kwakwe kwa malofu.
10
Ū wa kūbatongeela batūngīlīja mu nzīla yabūbi, akūgwīla ū ng'wichongo lyakwe we ng'wenekīlī; alīyo abo batī na būbi bakwanukūla wingīji būsoga.
11
Ū nsabi ashikile kwibona wei ng'wenekīlī gīkī alī na masala, alīyo ū ng'habī ū ng'witegeleja andeebile ūmo alī gete.
12
A batūngīlīja ūlū būsola būpyeni būkabizaga ho būyegi būtaale no, alīyo a babūbi ūlū būpandīka nguzu, a banhū bakibisaga.
13
Ū wa kūbisa shibi shakwe Ītūbeela ī mihayo yakwe, alīyo ūyo ūshitambūūla na kūshileka akachīlagwa shigongo.
14
Alī na lubango ū munhū wa logohano kūlī SEEBA shikū jose, alīyo ū wa kūgang'hanaja ng'holò yakwe akagwaga mu mayanga.
15
Ūmo īlī shimba ūlū īkūpogomaga, nūūlū ndūba īkūdadūkīlaga banhū, h'ūmo alī nū nsugi ng'hūga ū kū banhū abo batī na gwa kwīta.
16
Ū nsugi ng'wiboneeji akabizaga agehelilwe witegeleja, alīyo ūyo atatogilwe kwanukūla sha kūfuma mu būnyeecha, akūlama shikū ningī.
17
Ūyo adidohelilwe mu ng'holò īkī wabūlaga munhū, akūbiza wa kwikala akūpeelaga sagala kūshisha kūcha kwakwe; atizilonga ose ose wa kūnguna.
18
Ū wa kashimīzīle katūngīlīgije akikalaga alang'hanilwe, alīyo ūyo nzīla jakwe jihūbīkile akūyagaala ajimīīle.
19
Ūyo akūlīmaga ilaale lyakwe akūpandīka shilīwa shingī, alīyo ū wa kūdīīlīla mihayo dūhū būkūng'wikalīla ū būhabī.
20
Ū munhū nsanyiwa akīīlūkīlagwa ningī, alīyo ūyo akakoobaga būsabi bo wangū wangū atūkīja kūgwakūla nsango.
21
Ū kwīta mhayo mu būsolanhya Ītī chiza, alīyo ū munhū ashikile kwīta ūyo gūtigeleelilwe gīkī apandīke nūūlū ka lūgūkūlū ka būgalī dūhū.
22
Ū munhū o lwahahi kū sabo alī na liso ibi, nīyo atiganikaga ī gīkī nang'hwe ashikile kūgwa mu būhabī.
23
Ūyo ūng'hama munhū, ū kū ng'halīlo akūpandīka mingī ī yawiza, kūtinda ū wa lūlīmi lūkondooku lwa kūgīmbīlīja.
24
Ūyo ūng'wiba shikolo ise nūūlū nina, ū kūnū akūhayaga gīkī, “Ū gwenūyū gūtī na būbi,” nkenaagūji ū ng'wenūyo.
25
Ū wa kūyūbapama biyī īkī igalīhīje akenhelejaga yombo, alīyo ūyo akansanyaga SEEBA Īkameelelaga ī mihayo yakwe.
26
Ū munhū wa kwisanya wei ng'wenekīlī mbūūlī, alīyo ū wa shimīzīle ya masala akapīlaga.
27
Ūyo akinhaga bahabī atūbiza na sha kūlula, alīyo ūyo ūlilimya miso gakwe ū kū bahabī akūdūkīlwa no.
28
A babūbi ūlū būpandīka nguzu, a banhū bakibisaga; alīyo a babūbi ūlū būyagaala, a batūngīlīja bakakwīlaga.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31