bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 16
Proverbs 16
Sukuma 2019
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
1
A kahelele ka maganiko kalī mu ng'holò ya ng'wa munhū, alīyo ī ya kūyomba na lūlīmi, īkafumaga kūlī SEEBA.
2
Ū munhū pyī ī nzīla jakwe jitī na būbi ū kūlī we ng'wenekīlī, alīyo īyo yibisile mu gatī ū SEEBA ayīmanile ūmo īlī.
3
Ntūūlīlage SEEBA pyī īyo ūkīītaga, hūna ī mihayo yako īyo ūlīyīhela īkūshikīīla.
4
Ū SEEBA ayītūūlile pyī ī mihayo kūlenganīla na kahelele kakwe we ng'wenekīlī, na a ba malofu kūlwa lūshikū lwa kūkenaagūlwa.
5
Ū SEEBA abakolilwe pye a bikumīlīja mu ng'holò. Shiigelile gūmanīkage hape gīkī, Batūgūpūlūgūka ū nsango.
6
Ī shibi shamala kwīnjiwa mu nzīla ya kūchīla shigongo na kūsanya; ū munhū akalekanaga na būbi kūlwa kūng'ongoha SEEBA.
7
Ī nzīla jako ūlū jūnyeja ū SEEBA, na a banishi bako akūbīīta bikale nang'ho mu mhola.
8
Hambū hamhū kūbiza na shigehu hamò na būtūngīlīja, kūtinda kūshikwīja mu nzīla ja wiboneeji.
9
Ū munhū akahelaga mu ng'holò yakwe ī mihayo īyo ayiganikile, alīyo ū SEEBA hū ntongeeji wa kataamīle ka magūlū gakwe.
10
Ū nomo gwa ntemi gūkayombaga mu būdūla bo kūfuma ng'wigūlū, hūna lūūlū ū nomo gwakwe gūtigeleelilwe kūhūba ū mu kalamulīle.
11
Ī ngelekelo ījo jitūngīlīgije nī gapani ja ng'wa SEEBA; pye a mawe ga kūpimīla būdito agatūūlile ho wei.
12
Mhayo gwa malofu no a batemi ū kwīta yabūbi, nguno ī lisumbī lya būtemi shiigelile lyīmīīle mu nzīla ya būtūngīlīja.
13
A batemi ībayegije ī milomo ya batūngīlīja, na bankūngije ū munhū ūyo akahayaga ya ng'hana.
14
Ū būpelanu wa ntemi būbange gītī ntūmījiwa abūūkije lūfu, alīyo ū munhū wa masala akūbūpoja.
15
Ū mu kūūzalabana kwa būshū bo ntemi būlīho būpanga, ū būyegi bokwe būbange gītī ilunde lya mbula ya mu mīsa.
16
Īlī chiza no ū kūpandīka masala kūtinda zahabu, hama īlī hambū hambū kūpandīka witegeleja kūtinda hela.
17
Ī likūūwa lya ng'hana kūlwa batūngīlīja līlī kūlekana na būbi, ūyo akilang'hanaga mu shimīzīle yakwe alang'hanile būpanga bokwe.
18
Wikumīlīja būkandyaga kūsuga hūna wingīla būkenaagūji, nū kūgwa gūkalondeelaga moyo gwa kwigūngūhya.
19
Hambū hambū kūbiza ng'widohya mu moyo na kūbiza hamò na baluhiwa, kūtinda kūbiza na bikumīlīja mukūgabanhaga sha mu wiboneeji.
20
Ūyo wīdīlīla īyo akūtongagwa Ī mihayo īkūmeelela, ū wa kūnsanya SEEBA alī na mbango.
21
A banhū ba ng'holò ja masala bakahayiagwa badeeba a benabo, hama ī mihayo ya kūyeja Īkagītaga kūnona a malange.
22
Ū witegeleja wene lūzwilo lwa būpanga ū kū banhū abo balī nabo, alīyo ū būchilū būkabenhelaga nsango a babbūūlī.
23
Ī ng'holò ya munhū wa masala Īkagūlangaga ū nomo gwakwe ī ya kūyomba; ū nomo gwakwe gwayūbeeja akalangīle.
24
Ī mihayo ya kūyeja ībange gītī ilela lya būūkī; īkatūūlaga būnonu ū mu būpanga, na a maguha gakapīlaga.
25
Īlīho nzīla īyo munhū ashikile kwībona gīkī ītūngīlīgije, alīyo gashinaga ū kū ng'halīlo Ījile mu kūcha.
26
Ū ntūmami akatūmamiagwa nda yakwe, kūnū ū lūtuubo lwakwe lūkūnkomigaga.
27
Ū munhū ng'haali akadosaga yabūbi, na a kalūngalūngīle kakwe kakabbiishaga gītī moto.
28
Ū munhū wabūbi akasooselaga wilemeelwa, ū nsīīgani nkenaagūji wa būnwani.
29
Ū ng'wibonya akankonga kongaga nzenganwa ng'wiye, hūna wantongeela mu nzīla ītī yawiza.
30
Ūyo akalolaga banhū kūnū ūbakandīla liso, alī na nje gwabūbi ū ng'wenūyo, nū wa kūyūbamyolela nomo nang'hwe alī n'iganiko ibi.
31
Ī nzwīlī jape kū ntwe yene ngikili y'ikūjo, jikapandīkagwa mu nzīla ya būtūngīlīja mu kikalīle.
32
Ū munhū ng'wiyūmīlīja wawiza kūtinda ngosha wa makaya, nū yūyo adūgije kūbūhangīja būpelanu bokwe, antindile ūyo alī na būdūla bo kūheeba nūūlū nzengo ngima.
33
Ī mbale īkatūlījiagwa na banhū, alīyo a kalamulīle kaayo pye a kose kafumile kūlī SEEBA.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31