bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 30
Proverbs 30
Sukuma 2019
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Mihayo ya ng'wa Aguli ng'witūnja o ng'wa Yakehi; būhangi. Ū munhū ng'wenūyū akang'wīla Itieli; alichene, Itieli na Ukali.
2
“Ū mu banhū bose ū nene natamanile mhayo; ū mu banhū bose pye, natī nabo ū witegeleja ūbo wigeleelilwe kū banhū.
3
Nataalī ū kwilanga a masala, nūūlū ū Ng'wela nataalī ū kūūmana.”
4
Nani wabīta kūlinha ng'wigūlū hūna wika hangī? Nani ūyo wabīta kūbilinga nyaga ūgūtūūla mu shiganza sha nkono gwakwe? Nani wabīta kūbunga minzī mu ng'wenda gwakwe? Nani ūyo wajitūūla pyī ī mbīmbī ja sī? Ī lina lyakwe nani, nū ng'wana wakwe nani ī lina? Aliniwīlage ūlū ūmanile!
5
Būlī mhayo go ng'wa Mulungu gūtī na shilingo, hū ng'wene alī lūmūda kū banhū abo bakapeelelaga mulī we.
6
Yaya ū kongeja shose shose a ha mihayo yakwe, atizūkūhama akooleche gīkī ūlī nomolomo.
7
Ee SEEBA, nalīkūlomba mihayo ībīlī, ūtizūnilemeja aho nataalī kūcha.
8
Ū būhwahwa nū būlomolomo nīngījage būnisegenele; ūtizūninha būhabī nūūlū būsabi, ninhage shiliwa sha būlī lūshikū dūhū.
9
Natizūkūtumbūūkīla nakakūlema nalīhaya, “Nani nang'hwe ū SEEBA?” Nūūlū natizūhabīpa nakandya kwiba, nalyenheleje kūsondagūlwa ī lina lya ng'wa Mulungu wane.
10
Ū ntūmami yaya kūnsīīga mhayo ntaale wakwe, nguno akūkūzuma ūpandīke makoye mataale.
11
Balīho banhū abo bakabazumaga basaabo, nūūlū kūbalūmba baninaabo yaya;
12
bangī bakibonaga gīkī balī beela, alīyo batīneejiwa ū būsoso wabo;
13
bangī balī na liso lya nyadooshi pyī ī shikū, ba kalolele ka nyadalahi;
14
bangī a mino gabo gabange gītī machimu mūūgī, a magigo gabo mūūgī gītī shū; ga nīmo gwa kūbalīīla bahabī na a bagayiwa ū mu sī bashile pyī ū mu banhū.
15
Ū Mbipi alī na bashīke babīlī, bakikalaga būlīla balīhaya, “Ninhage! Ninhage!” Shilīho shinhū shidatū shitafulaga, alichene, shilī shinè īsho shitamanile kūhaya gīkī, “Niigeja!”
16
Kūlimu, nda ya ngūmba. Sī īyo itafulaga minzī, na moto ūyo gūtahayaga gīkī, “Niigeja lūūlū!”
17
Ī liso lya munhū wa kūndalaha ise na kūng'wibengeleja nina, līkūsokolwa makūngūūlū mu mahululu, līkūliiwa mabeeshi.
18
Īlīho mihayo idatū īyo Īkanikamaajaga ū nene, īnè īyo īnitabanije kwīmana.
19
A kalalīle ka ng'hoonà ng'wigūlya, na a kashoolomele ka nzoka ha shiganga, nū mumo meli īkajīlaga higūlya ya mahuuli ga nyaza īsalile, na nhūngwa ja ngosha na munhya.
20
A kajīle ka nkīma nshihani katikīlile na munhū kūmala kūlya hūna wipyagūla ū kū nomo, hanuma ūhaya, “Ū nene natītile būbi bose bose!”
21
Ī sī īkadetemiagwa mihayo idatū, īlī īnè īyo ītadūgije kwīyiyūmīlīgīja.
22
Ū nsese kūbiza ntemi, nū mbūūlī ūlū ūlya wigūta,
23
nū nkīma ūyo walī atī na wa kūntogwa ūlū ūtolwa; na nkīma nsese ūlū ūmpilūla nina būgonzo.
24
Ū mu sī shilīho shibūmvwa shidoololo shinè, alīyo shilī na masala mingī no.
25
Jilīho soomhi ījo jitī na nguzu, alīyo jikibīīkīlaga shilīwa ū mu makanza ga chū,
26
jilīho na mhīmbī jitī na būdūla būtaale, alīyo jikibeegejaga ū wikalo wajo mu mahalo,
27
na njige najo jitī na ntemi, alīyo ūlū jandya lūgendo jikajīlanījaga mabità mabità.
28
Kalīho ka shigonà ako kadūgije kūding'wa nūūlū mu nkono, alīyo ūkūkasangīla ng'wikūlū lya ntemi.
29
Shilīho shibūmvwa shidatū īsho shilī na kashimīzīle ka nyataale, shinè shilī na kajīle ka lūgiili giili.
30
Īlīho shimba, h'ī ya nguzu mu shiinū jose, ī yoi ītashokaga numa kū būtongi wa shose shose;
31
hama īlīho na ng'hungulume, nyigīmba gīmbi; na ngulyati ya mbūli īlīho; alīho na ntemi ūyo akikalaga apīndiwe na bashilikale bakwe.
32
Ūlū wabīta kwīta mihayo ya nyabbūūlī wigūngūhya bebe ng'wenekīlī, nūūlū hamo wabīta kwiganika kūhaya kwīta yabūbi, tūūlaga nkono a ha nomo gwako!
33
Nguno ūmo mabeelè gakafunījaga magūta ūlū gusegeeswa, nū mumo nindo īkamyolelagwa yazwa mininga, h'ūmo būlī nū būpelanu, nabo ūlū būsooselwa būkenhaga yombo.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31