bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 10
Proverbs 10
Sukuma 2019
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 11 →
1
Īji jene sumo ja ng'wa Solomoni: Ū ng'wana wa masala akanyejaga ū ise, alīyo ū ng'wana ū mbūūlī akampīnīhajaga nina.
2
Ī sabo ya kūpandīka mu būnyeecha ītagunanhaga, alīyo ū būtūngīlīja būkapījaga mu kūcha.
3
Ū SEEBA atabalekanījaga a batūngīlīja bikale nzala, alīyo a babūbi akabahangījaga ū kwīshikīlīja īyo bīhahaalīlile.
4
A makono ga ngokolo kū milīmo gakahabīpyaga, a ga munhū nkamu gakasabyaga.
5
Ūyo akabilingaga shilīwa mu magesa, ng'wana ng'witegeleja ū ng'wenūyo; alīyo ūyo atogilwe tūlo mu magesa, ū ng'wenūyo ng'wana w'iponda soni.
6
Ū ntūngīlīja akihoolekelagwa kū ntwe, alīyo ū nomo gwa ng'hūnga gūkikalaga gookalile būduta.
7
Ū kūbizūkwa batūngīlīja gūlī mhayo gwa kwenha mbango, alīyo ī lina lya bakenaagūji līkūjimīīla.
8
A ba ng'holò ja masala bakadimaga shilagīlo; alīyo ū mbūūli wa kwikala ūloma dūhū akalabūkaga.
9
Ū munhū wa nhūngwa jigoloolile alī mhola ū mu kikalīle kakwe; alīyo ūyo akashimīzīlaga mu nzīla jiigoma gomile, akwigengeleka ūko būjiiwa.
10
Ūyo akalolaga banhū na liso lya kūshilima akenhelejaga wilemeelwa; nū mbūūli wa kwikala ūloma dūhū akalabūkaga.
11
Ū nomo gwa ntūngīlīja gūlī lūzwīlo lwa būpanga, alīyo ū nomo gwa ng'hūnga gūkikalaga gookalile būduta.
12
Ū kūkolwa kūkasooselaga wilemeelwa, alīyo ū būtogwa būkakundīkījaga būbi bose.
13
A masala galī mu nomo gwa ng'witegeleja, alīyo ū nang'ha gwa kūdīīmūlīla mbūūlī ha ngongo.
14
A banhū ba masala bakibīkīlaga witegeleja, alīyo ū nomo gwa mbūūlī gūkeegelejaga mayanga.
15
Ī sabo ya basabi h'ī ng'hambī yabo ya kūpīlīla, alīyo ū būhabī yene nhabaala ya bahabī.
16
Ī mheela ya batūngīlīja Īkabatūngīījaga mu būpanga, īsho bakapandīkaga ba malofu shikabatwalīīlaga mu shibi.
17
Ūyo akigwaga ya kūganikīlwa akoolekejaga biye nzīla ya būpanga, alīyo ūyo akadalahaga kūhūgūlwa, akabatajaga sagala a banhū.
18
Ūyo akabisaga ūmo abakolelilwe a banhū, ū nomo gwakwe gūkayombaga būlomolomo, nū wa kwikala ūbība būsīgani mbūūlī.
19
Ī mihayo ūlū yūkwīla nī shibi shitagayaga, aliyo ūyo akalang'hanaga lūlīmi lwakwe, alī na masala ū ng'wenūyo.
20
Ū lūlīmi lwa ntūngīlīja lūlī sabo niiza, alīyo ī ng'holò ya nkenaagūji Ītī na ngofyoolo.
21
Ū nomo gwa ntūngīlīja gūkalishaga banhū bingī, alīyo a babbūūlī bakachaaga kūlwa kūgayiwa witegeleja.
22
Ī ja ng'wa SEEBA jikenhaga būsabi, nīyo atongejaga ho na makoye.
23
Ū mbūūlī akayegelaga nhūngwa jabūbi, alīyo ū munhū ng'witegeleja akayejiagwa mihayo ya masala.
24
Īyo ayogohile ū ng'hūnga h'īyo īkangwīlaga, alīyo ū ntūngīlīja akinhagwa Īyo alī na ng'hūmbū nayo.
25
Ū nshūlūlū ūlū gūūhuyemba, gūlīkabīta gwabapyagūlaga a ba malofu; alīyo a batūngīlīja bīmīīla ilalī.
26
Ūmo īlī ng'asha kū mino nūūlū lyochi mu miso, nū ng'winogolelwa h'ūmo alī ū kū batūmi bakwe.
27
Ū logohano kūlī SEEBA lūkongejaga shikū ja būlamu, alīyo ī myaka ya bakenaagūji Īkagehiagwa.
28
Ū kwisagīlwa kwa batūngīlīja kūlī būyegi, alīyo ū kwisagīlwa kwa bakenaagūji kūkachaaga mpandagīlo.
29
Ī nzīla ya ng'wa SEEBA īlī ibūngīlo ū kū batūngīlīja, alīyo a babūbi īkabakenaagūlaga.
30
A batūngīlīja batūdubbūlwa na hado yaya, alīyo a ba malofu batikala ū mu sī.
31
Ū nomo gwa ntūngīlīja gūkasūlūlūchaga masala, alīyo ū lūlīmi lwa munhū ng'halalī lūkūtīnwa.
32
Ū nomo gwa ntūngīlīja gwīdeebile ī mitengeke, alīyo ū gwa ng'hūnga gwene ya malofu dūhū.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31