bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Kings 14
2 Kings 14
Zande
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
1
Were ti gu ue garã zogarago nga ga Yoasa wiri Yoaza bakindo aYisaraere, Amasaya nangia wiri Yoasa bakindo aYudo atona zoga rago.
2
Garãko adu 25 ho ko atona zoga rago ni. Ko ki zogo rago Yerusarema yo tipa garã 29. Rimo nako nangia Yoadana ni boro Yerusarema.
3
Ko ki mangi gu pai naru aru bangiri Yekova, ono wa titako nangia Dawidi te. Ko amangi pai a wa kina bako anamanga nangia Yoasa.
4
Ono ko aroga nga tumbatumba arago ku sa yo te. Aboro atumo ki nizo fuõngua ri tumbatumba arago kindi.
5
Si adu wa gere, ho ngbi adu ni ni nyakasinyakasi he ku be ko, ni ba sa ko ki imi gu gako amoyambu naimi bako nangia bakindo.
6
Ono ko aimo nga awiri abairmaboro te; kuti gu pai dũ ni keke he rogo kitabu rugute yo nga ga Mose, wa Yekova arugu he, ki ya, “I aimo nga abaagude ku ba awiriyo te, watadu i aimo nga agude ku ba abayo a te. Ono aboro ni ba sa sa ka kpida kina pa gayo ingapai.”
7
Amasaya ki imi aEdomo rogo Ngboongboorago Tikpo wa aboro 10,000, ki zi Sera ngba vura, ki yambu rimoho nga Yoketere daku areme.
8
Amasaya ki kedi asunge koyo du Yoasa ni, nangia wiri Yoaza, Yoaza angia wiri Yeu, bakindo aYisaraere. Amasaya ki ya, “Moyé, aningérebangiraninamo.”
9
Yoasa bakindo aYisaraere ki kedi sunge koyo du Amasaya ni bakindo aYudo, ki ya, “Gu sakokoso naadu Rebanona yo akedi sunge koyo du gu ngua kedara ni naadu Rebanona yo, ki ya, ‘Mo fú wiro fu wire ni diako.’ Nyarinde asusi yo naadu Rebanona yo, ki simbi sakokoso ku sande.
10
Ono mo agbarasi Edome rengo, ngbaduro ki nitumba ro sa abiatise. Mo sámbua tiro tipa ha, ki nye ku kpuro yo; bambiko tipagine mo ka zingisa pai ti ni si mbusi ro, mo ki ti, kina ro, na aYudo h?”
11
Ono Amasaya adega nga tuko sa gu pai te re. Si du Yoasa bakindo aYisaraere ki ndu. Ko na Amasaya bakindo aYudo ki ngere bangiriyo Bete-semese yo, nga ga aYudo bakporo.
12
AYisaraere ki di be aYudo. I ki gbandaka ni ba sa sa ku rogo gayo bamburoko.
13
Yoasa bakindo aYisaraere ki zi Amasaya Bete-semese yo. Amasaya adu ni bakindo aYudo nangia wiri Yoasa, Yoasa nangia wiri Azaya. Yoasa bakindo aYisaraere ki ye ku Yerusarema yo, ki kuadi ngapa bakporo Yerusarema tona ti Ngbadimo Efuraima sa Ngbadimo Tukpuhe, wa bagiza mbiribe 400.
14
Ko ki rogo adahabu na feda dunduko, na agu aũsunge dunduko i abi rogo ga Yekova bambu yo, na baiga kikiipaahe ku bakindo yo, na agu aboro i adika yo ni ngbaanga, ki karaga tiko ku Somorona yo.
15
Were kura ga Yoasa apai nga gu ko anamanga, na pa gako ngarã, na wa ko aso vura na Amasaya bakindo aYudo, ati si ni keke he rogo gu Kitabu Peka pa agu apai Abakindo aYisaraere anamanga?
16
Yoasa ki kpi fuo atitako, i ki kpisidi ko Somorona yo fuo abakindo aYisaraere. Yerobama ki zogo rago ku ba ko nangia wiriko.
17
Amasaya nangia wiri Yoasa bakindo aYudo ki raki fuo kpio Yoasa wiri Yoaza bakindo aYisaraere tipa garã 15.
18
Were kura ga Amasaya mangaapai, ati si ni keke he rogo gu Kitabu Peka pa agu apai Abakindo aYudo anamanga?
19
I ki ta tabura ko Yerusarema yo, ko ki nioro ku Rakisa yo. Ono i akedi aboro fuo ko ku Rakisa yo, ki imi ko yo.
20
I ki ye na kangbako ri afarasi, ki kpisidi he Yerusarema yo fuo atitako rogo gu bakporo nga ga Dawidi.
21
Aboro Yuda dunduko ki di Azaraya ki moi ko ni bakindo ku ba bako nangia Amasaya, garãko adu 16.
22
Azaraya adua Erata, ki karaga ha fu Yuda, fuo kpi bakindo fuo atitako.
23
Ti gu 15 garã zogarago nga ga Amasaya nangia wiri Yoasa bakindo aYudo, Yerobama nangia wiri Yoasa bakindo aYisaraere ki tona zoga rago Somorona yo. Ko ki zogo rago tipa gará 41.
24
Ko ki nimangi gu pai nadu ni gbigbita ha bangiri Yekova. Ko ambu nga peka gu ingaapai nga ga Yeroba ma nangia wiri Nebata te, nga gu ko anaingisa aYisaraere naniiniingipai.
25
Koakaraga ga aYisaraere bangbandarago fu yo tona ti bangbanda Amata yo sa Baime Araba, kuti sangba Yekova, nga ga aYisaraere Mbori, nga gu ko agumba pa ha ku ngba gako moyambu nga Yona wiri Amitai, nangia nebi, nga gu ko naadu Getefere yo.
26
Bambiko Yekova abi gu gberãngbi nga ga aYisaraere, ya si adu ni kere he gbe; bambiko boro anye nga yo te, watadu zogozogo ni na raniri ni a te. Mounda adu nga ho fu aYisaraere a te.
27
Ono Yekova agumba nga ha ya ko agbandaka rimo aYisaraere auru kpotosende no te, ono ko abatasi yo ku be Yerobama nangia wiri Yoasa.
28
Were kura ga Yerobama apai, na agu apai dunduko ko anamanga, na pa gako ngarã, wa ko aso vura, na wa ko akaraga Damaseke, na Amata fu aYisaraere, nga agu abaakporo naadu ni ga Yuda mbata, ati si ni keke he rogo gu Kitabu Peka pa agu apai Abakindo aYisaraere anamanga?
29
Yerobama ki kpi fuo atitako, nga abakindo aYisaraere. Zekaraya ki zogo rago ku ba ko nangia wiriko.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25