bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Kings 25
2 Kings 25
Zande
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Si adu wa gere ti ribua garã gako zogarago, ti bawe diwi, ti rameru bawe, Nebukadenesara ki ye nangia bakindo aBabero, ko ni tiko na gako rimbasa aborosovura dunduko, kuti Yerusarema, ki zi bataya pati he. I ki dua gbata pati he kirikiri.
2
Si du i aru nguru kuti bakporo dati gu 11 garã zogarago nangia ga Bakindo Sedekiya.
3
Ti gu ribua rame nga ga biama diwi gberãngbi ki moi pai gbe bakporo yo, ka riahe adu nga ho be aboro gu ringara re wa sa ya.
4
Aboro ki siri ngapa bakporo, aborovura ki oro yuru ngba gu gene ngbadimo naadu dagba angapa bakporo ue, naakuru pati ga bakindo ati. Ono aKasado adu pati bakporo kirikiri. Bakindo ki ndu ngba gene ku kpasakpasa rago yo.
5
Ono ga aKasado rimbasa aborosovura ado fuo bakindo, ki dusia ko ku rogo kpasakpasa rago Yereo yo. Gako rimbasa aborosovura ki gbandaka pati ko dunduko.
6
Si du i azi bakindo, ki ndu na ko koyo du bakindo aBabero ni, ku Ribera yo. Ko ki gbarasi ngbanga fu Sedekiya.
7
I ki imi awiri Sedekiya kina ku bangiriko, ki imi bangiri Sedekiya, ki vo ko ni azogbo, ki ga na ko ku Babera yo.
8
Ni bisue diwi, ti rameru saba nangia 19 garã zogarago nga ga Nebukadenesara, nangia bakindo aBabero Nebuzaradana ki ye ku Yerusarema yo, nangia baira ababandarago, nangia vuru bakindo aBabero.
9
Ko azokodi ga Yekova bambu, na ga bakindo bambu, na abambu Yerusarema yo dunduko; ko ki zokodi bakikindigi abambu dunduko.
10
Gu rimbasa aborosovura nangia ga aKasado dunduko, nga agu yo naadu na baira ababandarago, i ki kuadi ngapa bakporo pati Yerusarema kirikiri.
11
Nebuzaradana baira ababandarago aga na gu yangara aboro nga agu yo nanye bakporo yo ni zizi yo, na agu yo naoro koyo du bakindo aBabero ni na gu yangara rimbasa aboro a.
12
Ono baira ababandarago ki mbu gu rungorungo aboro ringara, rungo arungo ki susi, i du ni abakombira bakakue ni ababanda aati a.
13
Agu adangba bambu du ni sirigi naadu rogo ga Yekova bambu, na abamaaasaani na gu bazundati du ni sirigi nga gu naadu rogo ga Yekova bambu, aKasado ki kuadi he akuadi rukutu, ki ga na kina gu nga sirigi ku Babera yo.
14
I aga na aakoro na aúndukuda ahe, na aubisawe na abaarikare, na agu aúsunge dunduko du ni sirigi nga gu i anamanga sunge na ni yekaru yo,
15
na aúkpanawe, na akurungbu. Gu naadu ni dahabu baira ababandarago aga na ni, wa si adu ni dahabu, na gu naadu ni feda, wa si adu ni feda.
16
Agu adangba bambu ue, na bazundati na abamaaasaani, nga gu Soromo amangi he tipa ga Yekova bambu; gu sirigi du ti agi aúsunge re, baroãha agasi ba ringbisaha.
17
Basona gu dangba sa adu wa bagiza mbiribe 18, kpakpari sirigi ki sungu ku ri he; basona kpakpari adu wa bagiza mbiribe biata, kpia zuzu he wa ndavu adu ti kpakparihe kirikiri dunduko, na arambaaramba he dunduko adu ni sirigi. Gu ue dangba re ki du na arambaaramba sirigi a wo.
18
Baira ababandarago ki zi Seraya nangia baira aboromotumo, na Sefanya gu ue boromotumo, na agu ababanda ngbadimo naadu biata.
19
Ko ki zi barumbatayo sa bakporo yo nga gu ko naadu ku ri aborosovura; na aboro bisue dagba agu yo nanabi kpakpu bakindo, ko abi yo bakporo yo; na bakeapai nangia ga barutiri rimbasa aborosovura naadungura aboro ringara, na akumba ringara wa aboro 60, ko abi yo bakporo yo a.
20
Nebuzaradana nga baira ababandarago ki ga na agi yo re, ki ye na yo fu bakindo aBabero ku Ribera yo.
21
Bakindo aBabero ki ta yo, ki imi yo Ribera yo ringara Amata yo. Si du i aga na aYudo ti ni ni zizi yo rogo gayo ringara.
22
Ono tipa agu aboro nanye Yuda yo, nangia agu yo Nebukadenesara bakindo aBabero ambu yo, ko ki moi Gedaria wiri Aikama ku ri yo, nangia baira abazogorago, Aikama nangia wiri Safana.
23
Were ho abarutiri rimbasa aborosovura agi he ni, ya bakindo aBabero moi Gedaria ni baira abazogorago, i na gayo aboro, i ki ye koyo du Gedaria ni ku Mizepa yo. Rimoyo du re: Yisamaere wiri Netania, Yoanana wiri Karea, Seraya wiri Tanumeta boro Netofa, Yazanaya wiri boro Maka a. I aye na gayo aboro a.
24
Gedaria ki zunga he fu yo na fu gayo aboro, ki ya fu yo, “Ka oni gúnde nga be avuru aKasado ya. Oni r ki rogo gi ringara re, ki nimangi pa bakindo aBabero, oni ki du zezeredi.”
25
Ono si adu wa gere ti saba diwi, Yisamaere ki ye nangia wiri Netania, Netania nangia wiri Erisama, Erisama nangia ngbatunga abakindo, ko na aboro bawe fuo ko, ki so vura na Gedaria, ki imi ko, ko na agu aEbere na aKasado naadu na ko Mizepa yo.
26
Aboro dunduko ki guari ki ndu ku Ezipeta yo, umba pa yo na bakikingidi pa yo, abarutiri rimbasa aborosovura a, bambiko i adu na gunde be aKasado.
27
Si adu wa gere, ti gu 37 garã Yoyakina adu ni zizi ko ti ni, nangia bakindo aYudo, ti 12 diwi, ti rameru 27, Evira-merodeka bakindo aBabero ambu Yoyakina bakindo aYudo ko kuru bambukisa yo; ti kina gu garã Evira-merodaka atona zoga rago ti ni.
28
Ko ki nifura na ko wenengaĩ, ki moi gako mbatabakindo ku ri agu ambatabakindo nga ga agu abakindo naadu na ko Babera yo.
29
Si du Yoyakina auru gako aremu bambukisa. Ko ki niri riahe bara bangiri bakindo dedede, a wa ko adu ni ungako.
30
Ono tipa gako úngba, kura ahe adu kina ho bakindo anafu fu ko kindi, rengbe tipa uru fu ko dedede, a wa ko adu ni ungako.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25