2 Kings 20

Zande

← Chapter 19 Jump to: Chapter 21 →

1Ti agu arago re Izikiya adu na kaza naandu sa kina kpio. Yesaya ki ye koyo du ko ni nangia nebi nangia wiri Amosa, ki ya fu ko, “Ya Yekova wẽ. ‘Mo rúgu pa kpuro; bambiko mo nikakpi, mo abata nga te.’ ”

2Si du Izikiya ki sa kpakpu ko kuti vuro bambu, ki nikpari fu Yekova, ki ya,

3“Ako Yekova, mi nazungadi ro, mo tíngidi he awere wa mi anata bara bangiro rogo rengo na ziazia kpotore yo, ki nimangi agu apai nangba angba bangiro.” Izikiya ki nikpari akpara gbe ni aume.

4Si adu wa gere, mbata Yesaya nikada bebere bakporo yo, ga Yekova pai ki ye koyo du ko ni, ki ya,

5“Mo karaga tiro, ki ya fu Izikiya nga bazogo gimi aboro, Ya Yekova wẽ, nga ga Dawidi Mbori nangia titaro, mi gi ga kpe. Mi nibi aumero. Mo ngére, mi ahusa ro. Fuo rame biata mo nikandu ku tii ga Yekova bambu yo.

6Mi akíisa ga rame na agara 15 Mi abátasa ro be bakindo aAsuro na gi bakporo re a. Mi abanda gi bakporo re, mbiko gimi pai, na mbiko ga gi moyambu pai nga Dawidi a.”

7Yesaya ki ya, “Oni di mekemeke zuzu vurumo. I di he ki moi he ti gu pipihe re, ko hu.”

8Izikiya ki ya fu Yesaya. “Gini pai nikadu ni yuguyugupai ya Yekova nika husa re, ya mi andu ku tii ga Yekova bambu yo ti biata rame?”

9Yesaya ki ya fu ko. “Gere adu ni yuguyugupai foro he Yekova, ya Yekova amánga gi pai foro gumba ko ho re: kirima uru andu ku mbata yodagba mine bawe? watadu karaga tihe ku sa vo wa dagba ndue bawe?”

10Izikiya ki karaga ha ki ya, “Si nga ipupi pai fu kirima uru ka ndu ku mbata yo wa dagba ndae bawe ai, ono kirima uru karaga tihe ku sa yo wa dagba ndue bawe.”

11Yesaya ki poi ku ari fu Yekova nangia nebi Ko ki karaga kirima uru wa dagba ndue bawe, ti kpakpu ũringbisa pa saa nga ga Aza si niye ku ri he.

12Ti gu rago re Berodaka-bnradana nangia wiri Baradana, bakindo aBabero ki kedi aboro na awaraga na gainahe fu Izikiya; bambiko ko agi he ya Izikiya adu na kaza

13Si ki ngba ti Izikiya gbi ko ki yimu gu bambu fu yo dunduko gako wene afuoahe adu yo na feda, na dahabu, na fuõngua, na kikiipa nzeme, na bambu gako aãvuru, na agu ahe dunduko nadu rogo gako bambuiga kikiipaahe yo; he adu nga dimo kpuko yo, na rogo gu rago ko azogo, nga gu Izikiya ayugo nga ha fu yo ya te.

14Yesaya nangia nebi ki ye koyo uu Bakindo Izikiya ni, ki ya fu ko. “Gini pai gumba agi akumba re foro? Wari ye yo ni konodu mo ni?” Izikiya ki ya. “I niye tuturu rago yo, nga Babera.”

15Yesaya ki ya, “Gini he i nibi dimo kpuro yo?” Izikiya ki karaga ha ki ya. “I nibi agu ahe dunduko du dimo kpure yo. A nga he ho sa dagba gimi kikiipaahe yo mi nihe yugo ho fu yo te.”

16Yesaya ki ya fu Izikiya, “Mo gi gu pai gumba Yekova.

17Mo ngere, rago nada, ya agu ahe du dimo kpuro yo du, na agu ahe atitaro aigi he ku bambuigahe yo dati gi uru re, i atinda ha ku Babera yo. Wiri he anye nga ho wa sa te, wo poi Yekova.

18Agu awiro nikaenga ti kina ro, nga agu yo mo ka vunga yo, i aga na yo ku sa yo. I adu ni airazangada ku bakindo yo nga ga Babera ko.”

19Izikiya ki ya fu Yesaya, “Wenepai nga gu pai gumba mo nga ga Yekova.” Ko ki ya, “Wo du he te? ka zereda adu ti gimi arame na rengo?”

20Were kura ga Izikiya apai, na pa gako ngará na wa ko ambakadi munga, na fukusa munga a, ki ye na ime ku rogo bakporo, ati si ni keke he rogo gu Kitabu Peka pa agu apai Abakindo aYudo anamanga?

21Izikiya ki kpi fuo atitako. Manase ki zogo rago ku ba ko nangia wiriko.

← Chapter 19 Jump to: Chapter 21 →