bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Kings 15
2 Kings 15
Zande
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Were ti gu 27 garã zogarago nga ga Yerobama bakindo aYisaraere, Azaraya nangia wiri Amasaya bakindo aYudo ki tona zoga rago.
2
Garako adu 16 ho ko atona zoga rago ni. Ko ki zogo rago tipa garã 52 Yerusarema yo. Rimo nako nangia Yekoraya ni boro Yerusarema.
3
Ko ki nimangi gu pai naru aru bangiri Yekova, a wa kina agu apai dunduko bako nangia Amasaya anamanga.
4
Ono i aroga nga agu tumbatumba arago ku sa yo te. Aboro atumo kindi ki nizo fuõngua ri tumbatumba arago.
5
Yekova ki mangi bakindo, si du ko adu ni boro ngbataka ki da ti rago kpioko. Ko ki niraki ni sa ko tii kparakpara bambu. Yotama nangia wiri bakindo ki du ku ri aborokporo, ki nizogo aboro ringara.
6
Were kura ga Azaraya apai, na agu apai dunduko ko anamanga, ati si ni keke he rogo gu Kitabu Peka pa agu apai Abakindo aYudo anamanga?
7
Azaraya ki kpi fuo atitako. I ki kpisidi ko fuo atitako rogo ga Dawidi bakporo. Yotama ki zogo rago ku ba ko nangia wiriko.
8
Ti gu 38 garã zogarago nga ga Azaraya bakindo aYudo, Zekaraya nangia wiri Yerobama ki zogo aYisaraere Somorona yo tipa diwi sita.
9
Ko ki nimangi gu pai nadu ni gbigbita ha bangiri Yekova, wa atitako anamanga ha. Ko ambu nga peka gu ingaapai nga ga Yerobama wiri Nebata te, nga gu ko anaingisa aYisaraere na ni i niingi pai.
10
Saruma wiri Yabesa ki ta bura kuti Yerobama, ki mangi ko kina ku bangiri aboro, ki imi ko, ki zogo rago ku ba ko.
11
Were kura ga Zekaraya mangaapai, mo ngere, si ni keke he rogo gu Kitabu Peka pa agu apai Abakindo aYisaraere anamanga.
12
Gere nangia gu ga Yekova pai ko agumba ha fu Yeu, ki ya, “Agu atitaro nikasunga auru ga aYisaraere mbatabakindo daho rikayo ka du ni biama.” Si ki ye ka du wo.
13
Saruma wiri Yabesa ki tona zoga rago ti gu 39 garã zogarago nga ga Uziya nangia bakindo aYudo. Ko ki zogo rago Somorona yo tipa diwi sa.
14
Menaema nangia wiri Gadi ki guari Tirusa yo, ki ye ku Somorona yo, ki mangi Saruma wiri Yabesa Somorona yo, ki imi ko, ki zogo rago ku ba ko.
15
Were kura ga Saruma mangaapai, na gu bura ko ata, mo ngere, si ni keke he rogo gu Kitabu Pekapa agu apai Abakindo aYisaraere anamanga.
16
Menaema ki mangi Tipesa na agu aboro naadu yo dunduko, na gaha bangbandarago, tona Tirusa yo ka ndu ku mbata yo; bambiko i aza nga ngbadimoho fu ko te, si du ko amangi he ti ni. Agu ade naadu yo dunduko na vuse, ko ki sipi rogo yo.
17
Ti gu 39 garã zogarago nga ga Azaraya bakindo aYudo, Menaema wiri Gadi atona zoga aYisaraere, ko ki zogo rago Somorona yo tipa garã bawe.
18
Ko ki nimangi gu pai nadu ni gbigbita ha bangiri Yekova. Ti gako arame dunduko ko ambu nga peka gu ingaapai nga ga Yerobama nangia wiri Nebata te, nga gu ko anaingisa aYisaraere na ni i niingi pai.
19
Pura nangia bakindo aAsuro ki ye na vura kuti ringara aYisaraere. Menaema ki fu taranda feda 1,000 fu Pura, ya i kodi beyo na ko ka nyakasa ngbi fu ko.
20
Menaema ki dungura gu mará re be aYisaraere, be agu yo dunduko nga aboro kumuko, aboro ni ba sa sa afu ra wa sekere feda 50, ki fu ra fu bakindo aAsuro. Si du bakindo aAsuro akaraga tiko ti ni, ka ko anye nga rogo ringara ya.
21
Were kura ga Menaema apai, na agu apai dunduko ko amangi, ati si ni keke he rogo gu Kitabu Peka pa agu apai Abakindo aYisaraere anamanga?
22
Menaema ki kpi fuo atitako. Pekaya ki zogo rago ku ba ko nangia wiriko.
23
Ti gu 50 garã zogarago nga ga Azaraya bakindo aYudo, Pekaya wiri Menaema ki tona zoga aYisaraere Somorona yo, ki zogo rago tipa garã ue.
24
Ko ki nimangi gu pai nadu ni gbigbita ha bangiri Yekova. Ko ambu nga peka gu ingaapai nga ga Yerobama wiri Nebata te, nga gu ko anaingisa aYisaraere na ni i niingi pai.
25
Peka wiri Remaraya, gako barutirivura, ki ta bura ko, ki imi ko Somorona yo, rogo gu nyanyaki ba du rogo ga bakindo bambu. Aboro adu na ko 50 nga aboro Girada. Ko ki imi ko, ki zogo rago ku ba ko.
26
Were kura ga Pekaya apai, na agu apai dunduko ko amangi, oni ngére, si ni keke he rogo gu Kitabu Peka pa agu apai Abakindo aYisaraere anamanga.
27
Ti gu 52 garã zogarago nga ga Azaraya bakindo aYudo, Peka wiri Remaraya ki tona zoga aYisaraere Somorona yo, ki zogo rago tipa garã 20.
28
Ko ki nimangi gu pai nadu ni gbigbita ha bangiri Yekova. Ko ambu nga peka gu ingaapai nga ga Yerobama wiri Nebata te, nga gu ko anaingisa aYisaraere na ni i niingi pai.
29
Ti gu rago nangia pa Peka bakindo aYisaraere, Tigirata-piresera bakindo aAsuro aye, ki di Iyona, na Abere-bete-maka, na Yanoa, na Kedesa, na Asora, na Girada, na Gariraya, gu ringara dunduko nga ga Nafatari. Ko ki ga na aboro agu abaakporo re ni zizi yo ku Asura yo.
30
Osea wiri Era ki ta bura kuti Peka wiri Remaraya, ki mangi ko, ki imi ko, ki zogo rago ku ba ko, ti gu 20 garã zogarago nga ga Yotama wiri Uziya.
31
Were kura ga Peka apai, na agu apai dunduko ko amangi, oni ngere, si ni keke he rogo gu Kitabu Peka pa agu apai Abakindo aYisaraere anamanga.
32
Ti gu ue garã zogarago nga pa Peka wiri Remaraya bakindo aYisaraere, Yotama nangia wiri Uziya bakindo aYudo ki tona zoga rago.
33
Garãko adu 25 ho ko atona zoga rago ni. Ko ki zogo rago tipa garã 16 Yerusarema yo. Rimo nako nangia Yerusa nangia wiri Sadoka.
34
Ko ki nimangi gu pai naru aru bangiri Yekova. Ko amangi he dunduko wa kina agu apai bako anamanga nangia Uziya.
35
Ono i aroga nga gu tumbatumba arago ku sa yo te. Aboro atumo ki nizo motumo fuõngua kindi ri tumbatumba arago. Ko nambakadi gu ngbadimo du ku ngbi yo ti ga Yekova bambu.
36
Were kura ga Yotama apai, na agu apai dunduko ko amangi, ati si ni keke he rogo gu Kitabu Peka pa agu apai Abakindo aYudo anamanga?
37
Ti gu rago re Yekova ki kedi Resini bakindo aSurio kuti aYudo na vura, na Peka wiri Remaraya.
38
Yotama ki kpi fuo atitako. I ki kpisidi ko fuo atitako rogo gu bakporo nga ga Dawidi nangia titako. Aza ki zogo rago ku ba ko nangia wiriko.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25