bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Kings 23
2 Kings 23
Zande
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 24 →
1
Si du bakindo Yosiya ki kedi sunge, i ki dungura ga Yuda abaakumba na ga Yerusarema yo koyo du ko ni dunduko.
2
Bakindo ki ndu ku rogo ga Yekova bambu yo, na aboro aYudo dunduko fuo ko, na araki Yerusarema yo dunduko na aboromotumo, na anebi a, na aboro dunduko, umba pa yo na bakikindigi pa yo a. Ko ki gedi agu apai dunduko ku tuyo yo nga ga gu kitabu mokido i abi rogo ga Yekova bambu yo.
3
Bakindo ki ru pati dangba bambu, ki zunga he fu Yekova, ka apeka kina Yekova, ka ka kuti gako arugute, na gako dezirepai, na gako rugaapai, na kpotoko yo du, na mbisimoko du, ka amanga agu apai nga ga gu mokido re wa du he ni keke he rogo gu kitabu re. Aboro dunduko ki idi pa gu zungahe re.
4
Bakindo ki rugu Erekiya nangia gbiamotumo, na agu aboromotumo nga ga ue ríkayo, na ababanda ngbadimo, i kusi aũsunge dú du rogo ga Yekova yekaru yo yo nga gu i amangi tipa Bara, na tipa Asera nga ngbama, na tipa rimbasa aũngbangbaturũ dunduko. Ko ki zokodi he zegi gii Yerusarema yo rogo agu aati nadu pavuru Kidirona, ki tindi kukehe ku Betere yo.
5
Bakindo ki rogo ga airisi kpiaahe aboromotumo ku sa yo, nga agu yo abakindo aYudo akpara yo sa zo fuõngua ri tumbatumba arago rogo agu abaakporo nga ga Yuda, na pati Yerusarema kirikiri. Ko ki rogo agu aboro anazo fuõngua fu Bara, na fu uru, na fu diwi, na fu akerekuru, na fu rimbasa aúngbangbaturũ a.
6
Ko ki kusi Asera nga ngbama tii ga Yekova bambu yo, ku gii Yerusarema yo, ku pavuru gu wiridi nga Kidirona, ki tira ha ridiridi wa nvutu, ki uka gu nvutuhe re ku ri murã kungba aboro.
7
Ko ki kuadi agu abambu ku sande nga ga airabari akumba naadu rogo ga Yekova bambu yo, yo ade anatuka asiasi aroko ni tipa Asera nga ngbama.
8
Ko ki kusi aboromotumo dunduko rogo abaakporo Yuda yo, ki gbarasi gu tumbatumba arago, yo aboromotumo anazo fuõngua ni, tona Geba yo daku Bera-saba yo. Ko ki kuadi tumbatumba arago naaau ti barima ti ngbadimo Yosua nangia bazogo bakporo, naadu ku garebe yo ti ngbadimo bakporo.
9
Wa si avura du wo, agu aboromotumo nangia ga tumbatumba arago yo, i aye nga ku pati bamotumo nga ga Yekova du Yerusarema yo te, ono i ari gu kpokuta adu nga na agbooro ti ni ya, na kina awirinayo.
10
Ko ki gbarasi Tofeta, nga gu du ngboongboorago yo nga ga awiri Inoma, ya ka boro mangi nga wirini nga kumba watadu de, ni susi rogo we fu Moreke ya.
11
Ko ki rogo agu afarasi ku sa yo abakindo aYudo akoara ra fu uru, ti barima ku rogo ga Yekova bambu yo, pati gu bambu nangia ga Natana-mereke nangia moyambu, nga gu nadu vurukporo. Ko ki zo angbagidavura nga ga uru na we.
12
Agu abamotumo naadu ku ri bambu yo nga ga gu vuru bambu du ku ari nga ga Aza, nga gu abakindo aYudo amangi he, na agu abamotumo Manase amangi he rogo agu avurukporo naadu ue nadu pati ga Yekova bambu, bakindo akuadi he, ki ta ha mbusumbusu, ki mi nvutuhe ku rogo wiridi nangia Kidirona.
13
Bakindo ki gbarasi gu tumbatumba arago naadu pati Yerusarema ku uroyo, naadu pati bagangara bagbarasahe yo ku sudiyo, gu Soromo bakinao aYisaraere adua ha tipa Asetorete gu gbegberẽ kere he nga ga aSidono, na tipa Kemose gu gbegberẽ kere he nga ga aMoabo, tipa Mirekoma a nga gu gbegberẽ kere he nga ga awiri aAmono.
14
Ko ki kuadi duadua ambia rukutu, ki dewe Asera nga ngbama ku sande, ki hisi baha na meme aboro.
15
Ku ri agi apai re bakindo Yosiya akuadi gu bamotumo naadu Betere yo ku sande, na gu tumbatumba rago nga gu Yerobama wiri Nebata amangi he, ngagu ko anaingisa aYisaraere i niingi pai, kina gu bamotumo re na tumbatumba rago ko akuadi he. Ko ki zo tumbatumba rago ki tira ha ridiridi wa nvutu, ki zo Asera nga ngbama.
16
Wa Yosiya akaraga tiko, ko abi agu amurã naadu ri bagangara yo. Ko ki kedi asunge, ki rogo agu ameme naadu rogo amurã yo, ki zo ho auru bamotumo, ki gbarasi he, kuti sangba gu pai ga Yekova kumba agumba, nga gu ko nagumba pa agi apai re.
17
Yosiya ki ya, “Kpia gini he nga gu mi abi?” Aboro bakporo ki ya fu ko, “Murá ga Mbori kumba du, naaye Yuda yo, ka taka pande pa agu apai mangi mo kuti gu bamotumo nga ga Betere awere.”
18
Ko ki ya, “Oni mbú ko ho, ka boro wo nga ti memeko ya.” Si du i ki mbu amemeko kina rogo gu baha, na ameme gu nebi a naaye Somorona yo.
19
Agu abambu dunduko nangia ga tumbatumba arago naadu rogo agu abaakporo du Somorona yo, nga gu abakindo aYisaraere amangi he ka gara ga Yekova zinga kuti yo, Yosiya ki rogo ho ku sa yo, ki mangi he ni kina gu mangaapai wa kina gu ko amangi Betere yo.
20
Ko ki imi agu aboromotumo naadu yo, nga ga tumbatumba arago yo, ri abamotumo, ki zo meme aboro ku auru he. Ko ki karaga tiko ku Yerusarema yo.
21
Bakindo ki rugu aboro dunduko, niya, “Oni mbakadi pumbo susiri fu Yekova gaoni Mbori, wa du he ni keke he rogo gi kitabu mokido re.”
22
Ni rengo i amanga nga ngbatunga pumbo susiri wa gure tona ti rago abasapungbanga naazoga aYisaraere te, watadu ti agu arago nangia ga abakindo aYisaraere, watadu ga abakindo aYudo a te.
23
Ono ti gu 18 garã zogarago nga ga bakindo Yosiya, i ambakadi gu pumbo susiri re fu Yekova Yerusarema yo.
24
Ku ri gure, Yosiya akusi agu yo nangia agumba sangbaatoro, na abinza ku sa yo, na aterafima, na kpiaahe na gu kere gbegbere ahe dunduko nga gu i abi he ringara Yuda yo na Yerusarema yo, ya ko nyakasi agu apai nga ga rugute naadu ni keke he rogo gu kitabu Erekiya boromotumo abi rogo ga Yekova bambu yo.
25
Bakindo adu nga mbata wa ko te, naasa tiko fu Yekova na kpotoko yo dũ, na mbisimoko dũ, na omeko du, kuti sangba ga Mose rugute. Bakindo adu nga wa ko fuo ko a te.
26
Wa si avura du wo, Yekova asa nga gako ngariangaria zinga te, nga gu gako zinga narungudi kuti Yuda, bambiko gu wingba Manase agara gako zinga kuti ko na ni.
27
Yekova ki ya, “Mi aróga aYudo bara bangire ku sa yo, a wa mi arogo aYisaraere. Mi agíndiga gi bakporo re, nga gu mi asia ha, nga Yerusarema, na gu bambu mi aya tipa ha, Rimore adu yo.”
28
Were kura ga Yosiya apai, na gu pai ko amanga dunduko, ati si ni keke he rogo Kitabu Peka pa agu apai Abakindo aYudo anamanga?
29
Ti gako arago Faro-neko nangia bakindo aEzipeto ki ndu ka so vura na bakindo aAsuro pavuru gu di nga Ferata. Bakindo Yosiya ki ndu ka so vura na ko; ho Faro-neko abi ko ni, ko ki imi ko Megido yo.
30
Avuruko ki tindi kangbako rogo ngbagidavura Megido yo, ki yega na ko ku Yerusarema yo, ki kpisidi ko rogo gako mura. Aboro ringara ki di Yoaza nangia wiri Yosiya, ki mbedi ko, ki sa ko ni bakindo ku ba bako.
31
Garã Yoaza adu 23 ho ko atona zoga rago ni. Ko ki zogo rago Yerusarema yo tipa diwi biata. Rimo nako nangia Amutara wiri Yeremaya naadu Ribina yo.
32
Ko ki nimangi gu pai nadu ni gbigbita ha bangiri Yekova, wa kina gu pai atitako anamanga dunduko.
33
Faro-neko ki ba ko ku bambukisa Ribera yo du ringara Amata yo, ya ka ko zogo nga rago Yerusarema yo ya. Ko ki ya aboro ringara ru he fu kina ko wa ataranda feda 100, na taranda dahabu sa.
34
Faro-neko ki moi Ereyakima ni bakindo nangia wiri Yosiya, ku ba Yosiya nangia bako, ki sa rimoko nga Yoyakima. Ono ko aga na Yoaza ku sa yo. Yoaza ki da ku Ezipeta yo, ki kpi yo.
35
Yoyakima ki fu gu feda na gu dahabu re fu Faro. Ono ko amoi gu rúhe re ku ri aboro ringara i fu he kuti sangba gu rugute nga ga Faro-neko. Ko ki rogo gu feda na dahabu re be aboro ringara, ga aboro ni ba sa sa wa du pa gayo rúhe, ka fu he fu Faro-neko.
36
Garã Yoyakima adu 25 ho ko atona zoga rago ni. Ko ki zogo rago Yerusarema yo tipa garã 11. Rimo nako nangia Zebida wiri Pedaya boro Ruma.
37
Ko ki mangi gu pai nadu ni gbigbita ha bangiri Yekova, wa kina agu apai atitako amangi.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25