bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Kings 24
2 Kings 24
Zande
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
1
Ti gako rago Nebukadenesara bakindo aBabero aye. Yoyakima ki du ni gako zogo garã ki du biata. Ko ki sa gako pai, ki sa mungu kuti ko.
2
Yekova ki kedi arikavura nga ga aKasado yo, na arikavura nga ga aSurio yo, na arikavura nga ga aMoabo yo, na arikavura nga ga aAmono yo, ki kedi yo kuti Yuda i gbarasi he, kuti gu sangba Yekova ko agumba ha ku ngba gako amoyambu nangia anebi.
3
Agi apai re aye ku ri aYudo ni rengo be sangba Yekova, ka roga yo ku sa yo bara bangiriko, bambiko gu ingaapai nga ga Manase, kina kuti agu apai ko amangi dunduko;
4
na tipa gu kure aboro wenesa ko auka gbua. Bambiko ko ahisi Yerusarema na kure aboro wenesa. Ka Yekova aida nga ka vu ko ti ni ya.
5
Were, kura ga Yoyakima apai, na agu apai ko amangi dú, ati si ni keke he rogo gu Kitabu Peka pa agu apai Abakindo aYudo anamanga?
6
Yoyakima ki kpi fuo atitako. Yoyakina ki zogo rago ku ba ko nangia wiriko.
7
Ka bakindo aEzipeto akura nga berewe rogo ringara Ezipeta ya, bambiko bakindo aBabero arogo agu ahe dunduko nga ga bakindo aEzipeto tona ti gu Di nga ga Ezipeta sa gu di nga Ferata.
8
Garã Yoyakina adu 18 ho ko atona zoga rago ni. Ko azogo rago Yerusarema yo tipa diwi biata. Rimo nako nangia Neuseta, wiri Erenatana boro Yerusarema.
9
Ko ki nimangi gu pai nadu ni gbigbita ha bangiri Yekova, a wa bako anamanga ha dunduko.
10
Ti gu rago re avuru Nebukadenesara bakindo aBabero aye kuti Yerusarema, ki ru nguru pati bakporo.
11
Nebukadenesara bakindo aBabero ki ye ku bakporo yo, ho avuruko aru nguru ni kuti ni.
12
Yoyakina bakindo aYudo ki kuru ka ndu koyo du bakindo aBabero ni, ko na nako a, na avuruko, na gako abazogo, na gako abarumbatayo a. Bakindo aBabero ki ga na ko ni zizi ko ho garã gako zogarago adu ni muambi.
13
Ko ki ga na gu kikiipaahe dunduko naadu rogo ga Yekova bambu, na gu kikiipaahe naadu rogo ga bakindo bambu, ki dewe agu aũsunge rukutu du ni dahabu dunduko, naadu rogo ga Yekova yekaru yo, Soromo bakindo aYisaraere amangi he, a wa Yekova agumba ha mbata.
14
Ko ki rogo aboro dunduko Yerusarema yo, na abazogo dunduko, na gu ngangarã aboro du, ni zizi yo, wa aboro 10,000, na abangbasia birĩ sunge na apangu dunduko. Boro anye nga yo wa sa te, kpara kina gu ngbatunga rungorungo aboro rungo arungo ki susi, nga ga ringara yo.
15
Ko ki ye na Yoyakina ku Babera yo; na na bakindo, na adia bakindo, na gako abarumbatayo, nga ngangarã aboro ringara. Ko azi yo ni zizi yo Yerusarema yo, ki ga na yo ku Babera yo.
16
Bakindo aBabero ki ndu na ngangarã aboro dunduko ni zizi yo ku Babera yo, wa aboro 7,000, na abangbasia birĩ sunge na apangu wa 1,000, nga agu yo naadu dunduko ni nyanyaki aboro rengbe tipa so vura.
17
Bakindo aBabero ki moi Matania ni bakindo nangia tame Yoyakina ku ba ko, ki sa rimoko nga Sedekiya.
18
Garã Sedekiya adu 21 ho ko atona zoga rago ni. Ko ki zogo rago Yerusarema yo tipa garã 11. Rimo nako nangia Amutara wiri Yeremaya boro Ribina.
19
Ko ki nimangi gu pai nadu ni gbigbita ha bangiri Yekova, a wa Yoyakima anamanga ha dunduko.
20
Bambiko pai aye ku Yerusarema yo na ku Y uda yo be ga Yekova zinga, daho ko abafu yo ni ku sa yo bara bangiriko. Sedekiya ki sa mungu kuti bakindo aBabero.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25