Isaiah 17

Chin (Mara Bible RV (BSI))

← Chapter 16 Jump to: Chapter 18 →

1He he Dâmaskâ kyh chhochhieliena bie a châ: Pachâ teh u, Dâmaskâ cha khihpi châ khao leipa aw ta, Raona a pathluna su a châ aw.

2Arôerâ khihpizy cha chhâzaw ta siesaipa châ ha ta, Mietaku zawzy tlaihna châ aw ta, Cha liata mietakuzy a byu aw ei ta, Ahy ta hmah pachisa aw veih ei.

3Epharai thokhy khihpi leipa ta, Dâmaskâ khinarâh leih aw ta, Aramia laibâhpazy cha Rônahna a pahlei hapa Izarei sawzy hawhta ama châ aw, Pheisaihzy Abeipa ta a tah.

4Cha noh liata, Zakaw rônahna cha panawhpa châ aw ta, A pôhpa thawhpa chhao a zaoh aw.

5Sâh hriatuhpa ta sapiahzy pahmaoh ta, A ku ta sâh suhzy a thliepa hawhta châ aw ta, Chyhsa ta Rephai Saikao liata Sâh suhzy kâmo a thohpa hawhta a châ aw.

6Ôli kô chakhyh nota, A kithlao a sâh chaipa liata a thei miano miathôh â nguapa hawhta, Theilâpa lyu khai tawhta, A chiah liata a thei miapalih miapangawh â nguapa hawhta, Cha liata kâmo thoh awpa a y aw, Abeipa Izarei Khazohpa ta a tah.

7Cha noh liata, chyhsa ta ano a Taotuhpa lâ moh aw ta, a mo ta Izarei Mo Pathaihpa cha a hmô aw.

8A ku ta a taopa maisâh lâ moh khao leipa aw ta, a kuparozy ta a taopa Aseri tôh tlyma ropahâhpa raona maisâhzy tlyma moh khao aw vei.

9Cha noh liata, ama khihpi a ipazy cha, Izarei sawzy vâta tho thih nata tlâh laki zy liata su amâ râsaipa hawhta châ aw ei ta, cha suzy cha roryhrapa ta a y aw.

10Na pachhana Khazohpa my ha chi ta, Nâ chhaina Lôpanô nâ thei khao leipa vâta, Tho pha chaipazy bôpa ta, Râh hro lâ tawhta kre chiah loh chi ta,

11Na bô noh ta palaiseihsapa ta, Na lo my ta a paw na papawsapa chhao ta, Pachârôhna nata tlâh thei khao lei awpa ta pasana noh liata, Kôveizy a leidia khai aw.

12Tilaipi a chatlaopa hawhta a chatlaopa Phopi hluhpizy cha ama hu a po na! Tisaih a aohpa hawhta a aohpa Râhzy cha ama hu a po na!

13Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

14Moh tua u, zâlâ ta chichhihpa eikhapi ta vaw y ta, Khihdei hlâta a lei ha tyh. Cha hawhpa cha miah hraotuhpazy tovyuh châ ta, Eima hmo a parutuhpazy hmô awpa cha a châ.

← Chapter 16 Jump to: Chapter 18 →