bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 10
1 Kings 10
Gussi (EBIBILIA ENCHENU) 2020
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 11 →
1
Ekero eting’ana ya Seba aigwete chinkuma chia Sulemani igoro y’ayio akorete ase engencho y’erieta ri’Omonene, agacha komoteema ase okomoboria amang’ana amakong’u.
2
Agacha Yerusalemu amo nabasomba baye abange barenge kogenda komo; boigo nabwate chingamia chiabogoretie ebinsari ne chitahabu chinyinge mono, na amagena e rigori rinene. Na ekero aigete ase Sulemani, akamotebia amang’ana onsi arenge ase ebirengererio biaye.
3
Sulemani akamoiraneria amaborio aye onsi; nonya ne ring’ana erimo tiriabisekanete ase omoruoti, igo amanyete onsi na komoyorokia.
4
Na ekero eting’ana eria ya Seba akoorire korora obong’aini bwonsi bwa Sulemani, na enyomba eria aagachete,
5
na endagera yarenge korentwa ase emesa yaye, na buna abakonyi baye bamenyete, na buna abasomba baye baare komokorera, ne chianga chiabo babegete, na buna ababogoria babogoretie ebikombe, naende akarora buna omoruoti arenge gosamba ebing’wanso biaye ase enyomba y’Omonene, agakumia na koumata.
6
Eting’ana eria egatebia omoruoti, “Chinkuma nabeire nkoigwa ekero narenge ase ense yane igoro y’emeremo yao, na obong’aini bwao, nechi’ekeene bori.
7
Korende tinegenete amang’ana ayio nare koigwa goika ekero nachicha aa na kwerorera namaiso aane inche omonyene. Bono narorire ng’a tinatebetigwe nonya nekeng’ese ki’amang’ana aya. Obong’aini bwao, na obotenenku bwao biaetanirie amang’ana konya nkoigwa.
8
Abanto bao na abasomba bao aba bagotenena botambe ase obosio bwao na obong’aini bwao, mbare negesio ekenene.
9
Omonene, Nyasae oo, atogigwe, oria ogokigwe asore na okobekire ase ekerogo ki’oboruoti ki’Abaisraeli. Ekiagera Omonene anchete Abaisraeli botambe, agakobeka okaba omoruoti, erinde onyare konacha ekeene na oboronge.”
10
Erio eting’ana eria akaa omoruoti ebiegwa ebio arentete: Chitahabu chikiro chilifu isano (5,000), na ebinsari ebinge mono, na amagena e rigori rinene. Naende ebinsari tibiarentetwe kero kende gionsi ebinge koreng’ana buna biria eting’ana ya Seba yarenterete omoruoti Sulemani.
11
Chimeeri chia Hiramu, chiria chiarentete chitahabu korwa Ofiri, chikarenta naende korwa aroro chibao chi’emete ekorokwa alumugu chinyinge mono, na amagena e rigori rinene.
12
Korwa ase chibao chi’alumugu omoruoti akaroisia ebinto bi’enyomba y’Omonene, na ebi’enyomba y’omoruoti, naende akaroisia amakano na ebinto binde bikobugigwa nabateri. Chibao chi’emete buna eyio tichiana kororekana naende nonya ng’ake ase ense eye.
13
Omoruoti Sulemani akaa eting’ana ya Seba ebinto bionsi aganetie na aboretie aegwe. Amo nebinto ebio Sulemani akamoa ebinto binde ebinge buna omoruoti anarete korua ebiegwa. Erio eting’ana eria akairana, akagenda ase ense yaye amo nabasomba baye.
14
Etahabu yare korentwa ase Sulemani kera omwaka nigo yarenge goetania chikiro chilifu emerongo ebere na isato (23,000).
15
Boigo chitahabu chikarentwa korwa ase abaonchoreria b’ebinto, na baria barenge korenta ebinto korwa ase chinse chia isiko, na korwa ase abaruoti bonsi b’Arabia na abagambi bande barenge goakana ebango ase omoruoti.
16
Omoruoti Sulemani akagoncha ching’aya amagana abere, agachiooma ne chitahabu chisunyuntire, na kera eng’aya nigo yarenge koira chitahabu chikiro isato na ekeng’ese.
17
Naende akagoncha chinguba amagana atato agachiooma ne chitahabu chisunyuntire, na kera enguba nigo yarenge koira chitahabu ang’e chikiro ibere. Omoruoti agachibeka ime ase Enyomba ye Rinani ria Lebanoni.
18
Omoruoti akaroisia ekerogo ki’oboruoti, akagechabera amaino e chinchogu na agakeooma netahabu echenire.
19
Ekerogo keria ki’oboruoti nigo kiabwate ekeriinero kiarenge nebitambokero bitano na ekemo; ensemo ya nyuma ekerogo keria nigo kiamurumuntire igoro. Kera ensemo y’ekerogo mbiarengeo ebisiirero ase arenge gotoorera amaboko, na emegwekano ye chindo ebere yatenenirieo, oyomo ase kera ensemo.
20
Na emegwekano ye chindo ikomi na ebere yatenenirie aroro, oyomo ase kera ensemo ya kera egetambokero. Omogwekano bw’ekerogo buna ekio tona koroisigwa ase obogambi bonde bwonsi.
21
Ebikombe bionsi bi’okonywera bi’omoruoti Sulemani nigo biarenge ebie chitahabu, na ebikorero bionsi bi’Enyomba ye Rinani ria Lebanoni nigo biarenge bie chitahabu chichenire; binde tibiarenge bie chifeta. Ase amatuko a Sulemani efeta tiyabarire ng’a negento kie rigori.
22
Omoruoti nabwate chimeeri chiaye chia Tarisisi chiarenge goeta chinyancha amo ne chimeeri chia Hiramu. Ara rimo ase emiaka etato chimeeri chia Tarisisi nigo chiarenge gocha chiarenta chitahabu ne chifeta, na amaino e chinchogu, ne chingoge amo ne chinyoni chi’ebieni ebiya.
23
Ase igo omoruoti Sulemani akaba omonene kobua abaruoti bonsi b’ense ase obonda na obong’aini.
24
Abanto korwa ase chinse chionsi bagacha ase Sulemani, erinde baigwe obong’aini boria Nyasae abegete ime yaye.
25
Kera oyomo obo akaba okorenta ebiegwa biaye, ebinto bie chifeta, na ebie chitahabu, ne chianga, na ebirwanero, na ebinsari, ne chibarasi, ne chiyombo, ebinto ebinge mono, omwaka ase omwaka.
26
Omoruoti Sulemani agasangereria amo chigari ne chibarasi chikoriinwa; nigo abwate chigari elifu eyemo, na amagana ane (1,400) ne chibarasi chikoriinwa chilifu ikomi na ibere (12,000). Echinde ase echio nigo chiabegetwe ase emechie ye chigari, ne chinde chikabekwa Yerusalemu ang’e ase omoruoti amenyete.
27
Omoruoti akarenta chifeta chinyinge agwo Yerusalemu, chikabucha buna amagena, ne chibao chi’emecharake chiarenge chinyinge buna echi’emeko yarenge ase ense omweya.
28
Sulemani nigo arenge korenterwa chibarasi korwa Misiri na Kue; na abaonchoreria baye igo barenge gochirenta korwa agwo ase ogoakana rigori gete.
29
Kera egari yarenge korentwa korwa Misiri nigo yarenge goakanerwa rigori rie chisekeli chie chifeta amagana atano na rimo, na ebarasi nigo yarenge goakanerwa chisekeli rigana erimo, na emerongo etano. Na goetera ase abaonchoreria b’omoruoti abaruoti bonsi b’Abahiti na ab’Abasiiria nigo barenge kogora chigari ne chibarasi.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22