bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 13
1 Kings 13
Gussi (EBIBILIA ENCHENU) 2020
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
1
Ase ogochika kw’Omonene omonto o Nyasae akarua ase ense ya Yuda. Ere agacha Beteli ekero Yeroboamu ateneine ase egesasimero gosamba ubani.
2
Na ase ogochika kw’Omonene omonto oria agaaka eriogi, akarera mamincha y’egesasimero, agateba, “Obee! Aye egesasimero, aye egesasimero! Omonene otebire iga: Rora, omwana omomura naiborwe ase enyomba ya Daudi, erieta riaye Yosia; ere nang’wansere igoro yao aye egesasimero, abakuani b’aase aimokererete igoro, baria bagosambera ubani igoro yao na amauga ’abanto nasamberwe igoro yao.”
3
Omonto oria o Nyasae akarua ekemanyererio ase rituko riria, agateba, “Eke nakio ekemanyererio Omonene akwanire: Rora, egesasimero eke nagetandoke, ne ribu riria rire igoro yaye riiteke.”
4
Ekero omoruoti Yeroboamu aigwete ogokwana okwo kw’omonto oria o Nyasae, koria arentete maminncha y’egesasimero agwo Beteli, akarambora okoboko kwaye korwa ase egesasimero, agateba, “Bwata omonto oyo!” Okoboko koria kwaye aramborete gochia ase omonto oria gokooma pa, goika tanyarete naende gokoringa.
5
Egesasimero boigo kegatandoka, ne ribu rigaiteka koreng’ana buna ekemanyererio keria giatebetwe nomonto oria o Nyasae ase ogochika kw’Omonene.
6
Omoruoti agatebia omonto oria o Nyasae, “Sorora Omonene na onsabere inyore ogwancherwa, erinde okoboko kwane kogwene.” Na omonto oria o Nyasae agasorora Omonene, na okoboko kw’omoruoti gokaba buna kwarenge ritang’ani.
7
Erio omoruoti agatebia omonto oria o Nyasae, “Inchuo togende nyomba mwane, otimokere aroro, onyore chinguru naende, nainche ninkoe ekeegwa.”
8
Omonto oria o Nyasae akairaneria omoruoti, “Noisa kong’a ekeng’ese ki’obotenenku bwao, tinkogenda amo naye, gose tinkoria endagera gose konywa amache aase aiga.
9
Naboigo nachikwa n’Omonene goetera ase ring’ana riaye. Ere agantebia: Tobaisa koria endagera ende yonsi, gose konywa amache, gose tobaisa koiranera ase enchera eria gwachiereteo.”
10
Ase ayio agaetera enchera eng’ao, tairanera ase enchera eria acherete agwo Beteli.
11
Narenge omobani omogotu oyomo omenyete agwo Beteli. Abana baye abamura bagacha, bakamotebia amang’ana onsi omonto oria o Nyasae akorete ase rituko riria agwo Beteli, bakamotebia na amang’ana akwanete nomoruoti.
12
Ise abamura baria akababoria “Nchera ki agenda?” Na abamura baye bakamworokia enchera omonto oria o Nyasae orwete ense ya Yuda agendete.
13
Omobani oria omogotu agatebia abamura baye, “Imbekere etigere egeikaransero.” Erio bakabekera etigere egeikaransero, na omobani oria akariina etigere eria,
14
akabwatia omonto oria o Nyasae, akamonyora oikaransete inse y’omote onga buna omotontera, akamoboria, “Naye omonto oria o Nyasae ochicha korwa ense ya Yuda?” Omoto oria akairaneria, “Ee, ninche.”
15
Omobani oria omogotu agatebia omonto oria o Nyasae, “Inchuo togende nka bwone, torie endagera.”
16
Korende omobani oria orwete ense ya Yuda akamoiraneria, “Tinkoirana amo naye, gose tingwancha ondoisie nyomba mwao; tinkoria endagera amo naye gose konywa amache aase aiga.
17
Naboigo nachikwa n’Omonene goetera ase ring’ana riaye, agantebia: Tobaisa koria endagera gose konywa amache aase aria, gose tobaisa koirana enchera gwachiereteo.”
18
Omobani oria omogotu akamotebia, “Nainche igo inde omobani buna aye, na omomalaika nigo achigetwe n’Omonene agantebia: Genda omoiranie ache amo naye goika nyomba mwao, arie endagera na konywa amache.” Korende igo amotebetie oborimo.
19
Ase ayio omonto oria o Nyasae akairana amo nomobani oria omogotu, akaria endagera na konywa amache ase enyomba yaye.
20
Na ekero barenge baikaransete ase emesa, ring’ana ri’Omonene rigacha ase omobani oria omogotu, oria omoiranetie;
21
ere agaaka eriogi, akarera ase omonto oria o Nyasae orwete ense ya Yuda, akabora, “Omonene otebire ng’a kwangire koigwera ring’ana riaye, naende torendeti ogochika koria Omonene, Nyasae oo, agochigete.
22
Ribaga ri’ayio kwairanire, naende kwarire endagera na kwanyure amache aase aiga. Aya Omonene agokanetie ng’a tokora igo. Ekiagera gwakorire igo, omobere oo gokwete tokonyara kobekwa ase chimbeera chie chisokoro chiao.”
23
Ekero omobani oria omogotu akoorire koria na konywa, akabekera etigere egeikaransero ase omobani oria airanetie araikaranse.
24
Na ekero omobani oria orwete ense ya Yuda arenge ase orogendo inchera, akaumerana nendo, ero ekamoita agakwa. Omobere oye ogatugutwa ase enchera, na etigere na endo chigatenena mbarabare ase omobere oria.
25
Abanto bagaeta aase aria, bakarora omobere otugutire ase enchera, na endo eteneine mbarabare ase omobere oria. Barabwo bakagenda bagateba amang’ana ayio ase abanto b’omochie, agwo ase omobani oria omogotu amenyete.
26
Na ekero omobani oria omoiranetie korwa inchera, aigwete amang’ana ayio, agateba, “Oyio nomonto oria o Nyasae bwangete koigwera ring’ana ri’Omonene; ase ayio, n’Omonene omorua ase endo, nero yamotandoire na komoita, koreng’ana buna Omonene amotebetie.”
27
Erio agatebia abamura baye, “Imbekere etigere egeikaransero.” Nabarabwo bagakora bo.
28
Ere akagenda, akanyora omobere otugutire ase enchera, na etigere na endo chiteneine mbarabare ase omobere oria. Endo tiyariete omobere oria, gose tiyaitete etigere eria, gose koyetandora.
29
Omobani oria akaimokia omobere oria bw’omonto o Nyasae, akayobeka ase etigere igoro, erio akayoirania gochia ase omochie oye omonyene, akamoreera na akamotindeka.
30
Ere akabeka omobere oria ase embeera yaye omonyene, na barabwo bakamoreera, na kera oyomo agateba, “Obee! Momura ominto!”
31
Ekero akoorire komotindeka agatebia abamura baye, “Ekero nainche ndakwe, montindeke ime ase embeera eyio ase omonto o Nyasae atindekire; mwarerie amauga aane mbarabare ase amauga aye.
32
Ekeene, amang’ana aria araretie buna achigetwe n’Omonene, agasoera egesasimero agwo Beteli, naende agasoera aase aimokererete igoro agosasimerwa aria ase emechie ya Samaria, goika aikeranigwe.”
33
Nonya ayio onsi abete, Yeroboamu taonchogete korwa ase chinchera chiaye chimbe, korende akagenderera kobeka abakuani b’aase aimokererete igoro agosasimerwa korwa ase egati y’abanto bande bonsi. Omonto onde bwensi arigetie, nigo amwatananete koba omokuani bw’aase aria aimokererete igoro.
34
Amang’ana ayio nigo abete ebibe ase enyomba ya Yeroboamu, na akagera ekanachwa na egasirigwa kegima korwa ase ense.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22