bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 5
1 Kings 5
Gussi (EBIBILIA ENCHENU) 2020
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
1
Hiramu, omoruoti o Turo ekero aigwete ng’a Sulemani oakirwe amaguta na obeire omoruoti ribaga ria ise, agatoma abasomba baye asare, ekiagera Hiramu botambe igo anchete Daudi.
2
Na Sulemani agatoma amang’ana ase Hiramu, akabora,
3
“Nomanyete ng’a Daudi tata tanyarete koagacha enyomba ase ogosasimera erieta ri’Omonene, Nyasae oye, ekiagera ababisa nigo barenge komorwania chisegi chinsemo chionsi, goika ekero Omonene ababegete inse ase obogambi bwa Daudi.
4
Korende bono Omonene, Nyasae one, ong’eire obotoereru korwa ase kera ensemo; ababisa tibari aande, gose amabe ande onsi.
5
Omonene nigo atebetie Daudi tata: Omwana oo oria ndabeke abe ase ekerogo kiao ki’obonene nyuma yao, nere orang’agachere enyomba aase mogosasimera erieta riane. Ase ayio, naganirie koagacha enyomba aase togosasimera erieta ri’Omonene, Nyasae one.
6
Na bono aye, chika abanto bangechere emete emecharake ya Lebanoni. Abasomba baane mbabwatane nabasomba bao ase emeremo eyio, na inche ning’akane abasomba bao eng’eria ende yonsi orabeke. Nomanyete ng’a abanto baane tibamanyeti kogecha emete buna abanto ba Sidoni.”
7
Ekero Hiramu aigwete amang’ana a Sulemani, akaba nomogoko omonene, akabora, “Omonene atogigwe rituko ria rero, oyo oeire Daudi omwana omomura omong’aini agambere abanto aba abange.”
8
Erio agatoma amang’ana ase Sulemani, agateba, “Naigure amang’ana gwatomire asende; igo inde ang’e gokora onsi aya oganetie ase amang’ana ’emete emecharake na emetarakwa.
9
Abasomba baane mbayetirimbokie korwa ase Lebanoni gochia ase enyancha, nainche ninyebeke amo inyesibe, eirwe nenyancha echeng’enenete, goika aase oganetie. “Aase agwo nao erasansorerwe, na aye oyerusieo. Erio ong’isanekerie okogania kwane ase okobaa abanto baane endagera yabo.”
10
Hiramu akaa Sulemani emete, emecharake na emetarakwa buna Sulemani aganetie.
11
Sulemani akaa Hiramu obosie bw’engano ebitonga chilifu amagana abere (200,000) koba endagera ase abanto b’enyomba yaye, na amaguta amitire korwa ase amazeituni chilita chilifu isano na ibere, na amagana abere (7,200). Ebinto ebio Sulemani akaba okoa Hiramu ase kera omwaka.
12
Omonene akaa Sulemani obong’aini buna amorierete eira. Omorembe okaba ase egati ya Hiramu na Sulemani, na aba babere bagakora okobwatana gw’okoigwana.
13
Omoruoti Sulemani agakora omoroberio bw’abanto chilifu emerongo etato (30,000) korwa ase Abaisraeli bonsi, akababeka bakore emeremo yagwenerete gokorwa.
14
Agaatanana abanto aba ase ebiombe bitato, kera ekeombe gekaba abanto chilifu ikomi. Kera ekeombe gekaba kegokora emeremo agwo Lebanoni ase omotienyi oyomo na kobeera inka ase emetienyi ebere. Adoniramu akabekwa gotenenera emeremo eyio yagwenerete gokorwa.
15
Boigo Sulemani nabwate abanto chilifu emerongo etano na ebere (70,000) abarenge kobogoria chigurube, na abanto chilifu emerongo etano na etato (80,000) abarenge kobaacha amagena agwo ase ebitunwa.
16
Naende Sulemani nabwate abanto chilifu isato na amagana atato (3,300) batenenerete abanto barenge gokora emeremo.
17
Omoruoti akabachika babaache amagena amanene aye rigori rinene, erinde oboroso bw’enyomba bobekwe amagena abaachire buya.
18
Naboigo abaagachi ba Sulemani, na aba Hiramu amo nabanto b’omochie o Gebali bagakora emeremo y’okobaacha na gosenia amagena na koroisia chibao ase oboagacho boria.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22