bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 21
1 Kings 21
Gussi (EBIBILIA ENCHENU) 2020
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Naboti Omoyesireeli nabwate omogondo bw’emesabibu agwo Yesireeli, ang’e nenyomba y’Ahabu, omoruoti bw’Abasamaria.
2
Ahabu agatebia Naboti, “Ing’a omogondo oyo oo bw’emesabibu, erinde nsimeke chinyeni, ekiagera nigo ore ang’e na mwane, nainche ninkoe omogondo onde omuya mono ribaga riaye, gose onye gokorora ng’a mbuya, ninkoe chibesa.”
3
Korende Naboti akamotebia, “Tiga Omonene atange amang’ana ayio, timbaisa gokoa omwando one naetwe ne chisokoro chiane.”
4
Ahabu akagenda inka bwoye nenkoro y’obororo, naende akagechigwa mono, ekiagera Naboti, Omoyesireeli oria, akanire ng’a takomoa omwando oye aetwe ne chisokoro chiaye. Ahabu akarara borere bwaye, akaonchora obosio bwaye gochia ase enyasi, akaba taria gento.
5
Korende Yesebeli mokaye agacha asare, akamoboria, “Nase ki enkoro yao ere nomoichano goika nonya nendagera otari koria?”
6
Ere akairaneria mokaye, “Nekiagera nakwana na Naboti Omoyesireeli, nkamoteiba ng’a ang’e omogondo oye bw’emesabibu, na inche imoe omogondo onde bw’emesabibu ribaga ri’oyoye, gose onye ogwancha imoe chibesa, korende akaanga, tancha kong’a omogondo oye bw’emesabibu.”
7
Yesebeli mokaye akamotebia, “Inee! Naye okogambera Abaisraeli, gose tari aye? Imoka! Orie endagera, tiga enkoro yao ebe nomosasoko; ninkonyorere omogondo bw’emesabibu o Naboti Omoyesireeli.”
8
Ase ayio omokungu oria akarika amarube, akabeka erieta ri’Ahabu na ekemanyererio kiaye ase amarube ayio, akayatoma gochia ase abagaaka, na ase abanene baria bamenyete amo na Naboti ase omochie oye.
9
Omokungu oria akarika ase amarube aria, “Raria okweng’ata gokorwe, na mobeke Naboti ase amasio ’abanto ase okomoa amasikani.
10
Naende mobeke abanto babere abatagwenereti, bamosoere oborimo, batebe ng’a oragereirie Nyasae na omoruoti. Erio momosokie isiko, momoake amagena goika akwe.”
11
Na abanto b’omochie, na abagaaka, na abanene b’omochie oyio, bagakora buna Yesebeli abatebetie. Buna koreng’ana arikire ase amarube aria atomete asebare,
12
bakararia okweng’ata, na bakabeka Naboti ase amasio ’abanto ase okomoa amasikani.
13
Abanto babere abatagwenereti bagacha, bagaikaransa kororia asare, bakamosoera ase amasio ’abanto, bagateba, “Naboti oragerere Nyasae na omoruoti.” Ase igo abanto bakamosokia isiko y’omochie, bakamoaka amagena goika agakwa.
14
Erio bagatoma amang’ana ase Yesebeli, bagateba, “Naboti oakirwe amagena okure.”
15
Ase obwango ekero Yesebeli aigwete ng’a Naboti oakirwe amagena okure, agatebia Ahabu, “Imoka, oire omogondo bw’emesabibu o Naboti, Omoyesireeli, oria angete gokoa omoe chibesa, ekiagera bono tari moyo, okure.”
16
Erio kegima, ekero Ahabu aigwete ng’a Naboti okure, akaimoka akagenda ase omogondo oria bw’emesabibu o Naboti Omoyesireeli, akayoira okaba oyoye.
17
Ring’ana ri’Omonene rigacha ase Elija, Omotisibi, rikamotebia,
18
“Imoka, otirimboke oumerane n’Ahabu, omoruoti bw’Abaisraeli, oyio omenyete Samaria. Rora nao are ase omogondo bw’emesabibu o Naboti, agwo ogendire koyoira obe oyoye.
19
Omotebie ng’a aya naro Omonene atebire: Aye nigo gwaita Naboti, naende kwairire omogondo oria obeire oyoo. Naende omotebie ng’a aya naro Omonene atebire: Aase agwo chisese chiamenerete amanyinga a Naboti, nao chiramenere nayao.”
20
Ahabu agatebia Elija, “Inee! Aye omobisa one, nkwanyorire.” Elija akairaneria, “Ee, nakonyorire, ekiagera aye kweoonirie aye omonyene gokora ayare amabe ase obosio bw’Omonene.
21
Rora, inche nindete amabe igoro yao; ningosirie kegima orueo, ninsirie korwa asore Ahabu kera omonto omosacha, omosomba na oyotari omosomba.
22
Ninkore enyomba yao ebe buna eya Yeroboamu, mosinto o Nebati, naende ebe buna enyomba ya Baasa, mosinto bw’Ahiya, ekiagera kwangechirie goika nabeire nendamwamu, naende kwagerire Abaisraeli bakorire ebibe.
23
Omonene otebire boigo igoro ya Yesebeli; Chisese inachiriere Yesebeli agwo ase oboremo bwa Yesireeli.
24
Omonto onde bwensi bw’enyomba y’Ahabu orakwere ase omochie ime, chisese nachimorie; na onde bwensi orakwere isiko aarabu, chinyoni chia igoro nchimorie.”
25
Omonto tari nonya noyomo orenge buna Ahabu, ere oyio bweoonetie ere omonyene gokora amabe ase obosio bw’Omonene, ekero Yesebeli mokaye amoseegetete.
26
Agakora kera okogechia ase ogotunyana emegwekano y’ogosasimwa, buna Abaamori bakorete, baria Omonene aseretie korwa ase amasio ’Abaisraeli.
27
Ekero Ahabu aigwete amang’ana aria, agatandora chianga chiaye, na akeboyia chigunia, na kweng’ata. Akararera chigunia, akaba omokanyeku ore nomoichano.
28
Ring’ana ri’Omonene rigacha ase Elija, Omotisibi, rigateba,
29
“Kwarorire buna Ahabu ekanyire ere omonyene, na obeire omoitongo ase obosio bwane? Ekiagera akorire igo, tinkorenta amabe ayio ase amatuko aye, korende nase amatuko ’omwana oye omomura ndarente amabe ayio ase enyomba yaye.”
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22