bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 4
1 Kings 4
Gussi (EBIBILIA ENCHENU) 2020
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
1
Omoruoti Sulemani igo agamberete Abaisraeli bonsi,
2
na abanene abarenge komokonya nabwo aba: Asaria, mosinto o Zadoki, nere orenge omokuani;
3
Elihorefu na Ahiya, basinto ba Sisa, nabwo barenge abariki; Yehosafati, mosinto bw’Ahiludi, nere orenge omoriki bw’amang’ana are gokoreka;
4
Benaya, mosinto o Yehoyada, nere orenge omochiki bw’abarwani esegi; Zadoki na Abiatari, nabwo barenge abakuani;
5
Asaria, mosinto o Nathani, nere orenge omoteneneri igoro ase abanene baria; Zabudi, mosinto o Nathani, nere orenge omokuani, naende nigo arenge omosani bw’omoruoti;
6
Ahisari, nere otenenerete enyomba y’obogambi; Adoniramu, mosinto o Abuda, nere otenenerete emeremo yagwenerete gokorwa.
7
Sulemani nachorete abanto abanene ikomi na babere abarenge gosangereria endagera na koyerentera omoruoti amo nab’enyomba yaye. Kera oyomo ase aba ikomi na babere nigo arenge korenta endagera eisaine koriegwa ase omotienyi oyomo ase omwaka.
8
Aya naro amarieta ’abanto abwo: Beni‐Huri agatenenera ense y’ebigoro y’Efraimu;
9
Beni‐Dekeri agatenenera emechie ya Makasi, na Shaalabimu, na Beti‐Semesi, na Eloni, na Beti‐Hanani.
10
Beni‐Hesedi agatenenera emechie y’Aruboti na Soko, na ense yonsi ya Hefa;
11
Beni‐Abinadab agatenenera Nafati‐Dori yonsi (nere onyuomete Tafati, omoiseke o Sulemani);
12
Baana, mosinto bw’Ahiludi, agatenenera emechie ya Taanaki na Megido, na Beti‐Sehani yonsi, eyio eikerete Saretani, irianyi ya Yesireeli, na korwa Beti‐Sehani goika Abeli‐Mehola, na ng’umbu ya Yoki‐Meamu.
13
Beni‐Geberi agatenenera Ramoti o Gileadi, na Emechie ya Yairi Omomanase agwo Gileadi, na orogongo rw’Arigobu agwo Basani. Igo atenenerete emechie emerongo etano nomo emenene yagiteire chindwaki, na ebiita biabo nigo biarenge nemekorogoto.
14
Ahinadabu, mosinto o Ido, agatenenera orogongo rwa Mahanaimu;
15
Ahimasi agatenenera orogongo rwa Nafutali (nere onyuomete Basemati, omoiseke o Sulemani);
16
Baana, mosinto o Husai, agatenenera orogongo rw’Aseri na omochie o Bealoti;
17
Yehosafati, mosinto o Parua, agatenenera orogongo rwa Isakaru;
18
Simei, mosinto bwa Ela, agatenenera orogongo rwa Benjamin;
19
Geberi, mosinto bwa Uri, agatenenera ense ya Gileadi yarenge kogamberwa na Sihoni, omoruoti bw’Abaamori, na Ogi, omoruoti o Basani. Nigo arenge omoteneneri oyomo bweka ase ense eyio yonsi.
20
Abayuda na Abaisraeli nigo barenge abange mono, buna omokenye o nyancha; barabwo bakaria na konywa, bakaba bakwegokia.
21
Sulemani akaba okogambera amaruoti onsi, gochakera orooche rw’Eufarati na goikera ense y’Abafilisti, na goikera orobebe rwa Misiri. Abanto bonsi b’oboruoti bwaye nigo barenge komorentera ebango na bakaba bakomokorera ase obogima bwaye bwonsi.
22
Endagera Sulemani arenge korenterwa ase rituko erimo nigo yarenge: obosie obonuke, ebitonga amagana atato, na obosie bonde, ebitonga amagana atano na rimo,
23
ne chiombe ikomi chinoru chiare gotugerwa nyomba, ne chiombe chiare korisia getii, emerongo ebere, na ching’ondi rigana erimo, ne chinsune, ne chingabi, na amang’o, ne chinyoni chinoru.
24
Sulemani nigo arenge kogambera chinse chionsi chiare bosongo y’Eufarati, korwa Tifusa goika Gasa. Ase igo nigo arenge kogambera abaruoti bonsi abarenge bosongo y’Eufarati, nigo arenge nomorembe ne chinse chionsi chiamoetanaine.
25
Abayuda na Abaisraeli nigo bamenyete nomorembe korwa Dani goika Beeri‐Seba; kera omonto nigo arenge nemezeituni yaye na emeko yaye, ase emiaka yonsi Sulemani abagamberete.
26
Sulemani nabwate ameri e chibarasi chilifu emerongo ene chiarenge kong’usa chigari, ne chibarasi chiare koriinwa, chilifu ikomi na ibere.
27
Abateneneri baria abanene nigo barenge korenta chindagera ase omoruoti Sulemani na ase abanto bonsi abarenge koragera bwoye. Kera oyomo obo nigo are korenta endagera eisaine koriegwa ase omotienyi oyomo ase omwaka, endagera tiyarenge kobora.
28
Kera omonto nigo arenge korenta esairi na obonyansi aase biaganeirie ase chibarasi chiare kong’usa chigari amo ne chibarasi chinde.
29
Nyasae akaa Sulemani obong’aini ne chisemi goetania ekerengo; okomanya kwaye nigo kwarenge okonge, koreng’ana buna obonge bw’omokenye ore ase engegu y’enyancha.
30
Obong’aini bwa Sulemani nigo bwabuete obw’abanto bonsi ba Moocha na obw’Abamisiri bonsi.
31
Igo arenge omong’aini kobua abanto bonsi, kobua Etani Omoezara, na Hemani, na Kalikoli, na Darida, basinto ba Maholi; ne chinkuma chiaye chikagenda goika ase ebisaku bionsi biamoetanaine.
32
Boigo nakwanete emereng’anio chilifu isato; na amatera aye nigo arenge elifu eyemo, na atano.
33
Ere nigo arenge goteba igoro y’emete yonsi, emenene buna emecharake ya Lebanoni na ebimeri ebike buna hisopo eyekomera ase chindwaki. Boigo agateba igoro ye ching’iti, ne chinyoni, ne ching’iti chikwagura, ne chinswe.
34
Abanto bakarwa ase chinse chionsi, bagacha koigwa obong’aini bwa Sulemani, na abaruoti bonsi b’ense bagatoma abanto bagachia komoigwa.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22