bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 12
1 Kings 12
Gussi (EBIBILIA ENCHENU) 2020
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
1
Rehoboamu akagenda Sekemu, ekiagera Abaisraeli bonsi konya bachiire aroro komobeka abe omoruoti.
2
Na ekero Yeroboamu, mosinto o Nebati, aigwete amang’ana ayio, akairana korwa Misiri aaria ase atamete gochia korwa ase omoruoti Sulemani. Abanto bakarangeria Yeroboamu, na ere amo nomosangererekano bwonsi bw’Abaisraeli bakagenda, bagatebia Rehoboamu,
4
“Iso igo akorete rikorogoto riaito rikaba ririto. Ase ayio bono aye orikore ribe rigusu, bwororobie emeremo eria emekong’u iso atobekerete, naintwe natogokorere.”
5
Rehoboamu akabatebia, “Genda inwe, na nyuma y’amatuko atato moirane gocha aa asende.” Ase ayio abanto bakagenda.
6
Erio omoruoti Rehoboamu akaboria ogosemia korwa ase abagaaka baria barenge gosemia Sulemani ise, ekero arenge moyo, akababoria, “Ngosemia ki mokong’a, erinde imbairanerie abanto aba?”
7
Abagaaka bakamoiraneria, “Onye koganetie gokorera abanto aba bono, oigwe okoboria kwabo na okwane amang’ana amaya asebare, erio barabwo nababe bakogokorera botambe.”
8
Korende Rehoboamu akaanga ogosemia kw’abagaaka baria na akarigia ogosemia korwa ase abamura baria bakinete komo, na bono barenge komokorera.
9
Akababoria, “Ngosemia ki morang’e? Ninki ndairanerie abanto aba bamboretie ng’a inyororobie chigurube chiria tata ababekerete?”
10
Abamura baria bakinete komo bakamotebia, “Aya naro oratebie abanto abwo bakoboretie ng’a bwororobie rikorogoto riria iso akorete ririto: Ekiara gi’okoboko kwane nigo kere ekenetu kobua ekebono gia tata.
11
Na bono rikorogoto riria rikong’u tata ababekerete, inche nigo ndarimente ribe ririto goetania. Tata nigo arenge kobang’wania ebiranya, korende inche nigo ndabe nkobang’wania ne chinkini chichomire chibonyi mesia.”
12
Yeroboamu amo nabanto bonsi bagacha ase Rehoboamu rituko ria gatato, buna omoruoti abatebetie ng’a bakore.
13
Omoruoti akairaneria abanto baria amang’ana ase obotindi, akaanga ogosemia kw’abagaaka baria.
14
Agakwana nabarabwo buna abamura baria bamosemetie, agateba, “Tata nigo akorete rikorogoto riaino rikaba ririto, korende inche nimbamentere ribe ririto goetania. Tata nigo arenge kobang’wania ebiranya, korende inche nigo ndabang’wanie ne chinkini chichomire chibonyi mesia.”
15
Ase ayio omoruoti taigwerete amang’ana ’abanto. Ayio nigo akorekanete n’Omonene, erinde ere anyare goikerania ring’ana riaye riria akwanete ase Yeroboamu, mosinto o Nebati, goetera ase Ahiya, omobani oria korwa Silo.
16
Ekero Abaisraeli bonsi baroche ng’a omoruoti nigo aangete kobaigwera, bakamoiraneria, bakamotebia, “Ngetari ki intwe tobwate ase Daudi? Titori nomwando na mosinto o Yese. Inwe Abaisraeli, genda kera omonto bwoye! Inwe abanto ba Daudi, erende inwe abanyene!” Ase igo Abaisraeli bakarua aroro agwo, bakagenda ase chinka chiabo.
17
Rehoboamu agatigwa okogambera Abaisraeli baria bamenyete ase emechie y’Abayuda yoka.
18
Erio omoruoti Rehoboamu agatoma Adorama, oria otenenerete emeremo y’okobetererigwa, gochia ase Abaisraeli, na barabwo bonsi bakamoaka amagena, agakwa; na Rehoboamu akaimoka bwango, akariina egari yaye, agatama gochia Yerusalemu.
19
Ase ayio Abaisraeli babeire bare mamincha na gosaria igoro ase enyomba ya Daudi goika rero iga.
20
Na ekero Abaisraeli bonsi baigwete ng’a Yeroboamu oiranire, bagatoma abanto bamorangerie ache ase omosangererekano, bakamobeka akaba omoruoti igoro ase Abaisraeli. Omonto onde tari otunyanete abanto b’enyomba ya Daudi, otatiga abanto b’egesaku kia Yuda boka.
21
Ekero Rehoboamu achete Yerusalemu, agasangereria abanto bonsi b’enyomba ya Yuda, na egesaku kia Benjamin, abanto chilifu rigana erimo na emerongo etano na etato, abamanyete korwana esegi, bagende korwania Abaisraeli na bairanie oboruoti ase Rehoboamu, mosinto o Sulemani.
22
Korende ring’ana ria Nyasae rigacha ase Semaya, omonto o Nyasae,
23
rikamotebia, “Tebia Rehoboamu, mosinto o Sulemani, omoruoti bw’Abayuda, otebie nabanto bonsi b’enyomba ya Yuda, na aba eya Benjamin, na abanto bande abatigari ng’a:
24
Aya naro Omonene atebire: Inwe timogenda korwania abanto bamino Abaisraeli. Irana kera omonto nka bwoye, ekiagera aya akorekire nigo akoretwe nainche.” Ase ayio abanto bakaigwera ring’ana ri’Omonene, bakairana gochia chinka chiabo, buna abatebetie.
25
Erio Yeroboamu akaagacha omochie Sekemu ase ense y’ebitunwa y’Efraimu, akamenya aroro, naende akarua agwo, akagenda akaagacha Penueli.
26
Yeroboamu akarengereria ase enkoro yaye ime, “Bono oboruoti igo borabaise koirana bogende ase enyomba ya Daudi.
27
Abanto aba baise kona kogenda korua ebing’wanso ase enyomba y’Omonene agwo Yerusalemu, chinkoro chiabo nigo chiramoiranere omonene obo Rehoboamu, omoruoti bw’Abayuda, na kobaramoiranere nigo barang’ite.”
28
Ekero omoruoti arengereretie amang’ana ayio, akaroisia korwa ase etahabu emegwekano ebere ye chimori, agatebia abanto, “Igo mogochandeka mono kona kogenda Yerusalemu. Inwe Abaisraeli, rora aiga chinyasae chiaino, echi chiabarusetie ase ense ya Misiri.”
29
Akabeka eyemo Beteli na eya kabere agwo Dani.
30
Egento eke gekagera bagakora ebibe, ekiagera abanto igo bagendete nonya ngoika Dani gosasima enyasae eyemo y’echio.
31
Naende Yeroboamu akaroisia aase aimokererete igoro agosasimerwa, agachora abakuani korwa ase egati y’abanto bonsi abwo batarenge Abalawi.
32
Yeroboamu agachika Rituko Rinene ase rituko ria ikomi na gatano ri’omotienyi o gatano na gatato, buna omogwekano bwe Rituko Rinene ase Abayuda. Ase egesasimero agwo Beteli ere omonyene akarua ebing’wanso ase emegwekano eria ye chimori aroisetie. Naende agwo Beteli akabeka abakuani b’aase aimokererete igoro agosasimerwa konya aroisirie.
33
Ase rituko ria ikomi na gatano, ase omotienyi o gatano na gatato, omotienyi achorete ere omonyene, akagenda ase egesasimero aroisetie, agatwara Rituko Rinene ase Abaisraeli na akariina ase egesasimero gosamba ubani.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22