bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 9
1 Kings 9
Gussi (EBIBILIA ENCHENU) 2020
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
1
Ekero Sulemani konya akoorire koagacha enyomba y’Omonene, na enyomba y’oboruoti, na aande onsi ase anchete koagacha,
2
Omonene akamoorokera eria kabere buna amoorokerete agwo Gibeoni ritang’ani.
3
Omonene akamotebia, “Naigure ogosaba kwao na okoboria kwao kw’oboitongo. Naatananire na gochena enyomba eye kwaagachire, nabekire erieta riane ribe aroro kare na kare. Amaiso aane na enkoro yane mbibe aroro ase chingaki chionsi.
4
Korabwatie chinchera chiane, buna Daudi iso achibwatetie, ase enkoro endonge na ase obwegenwa; na onye kogokora onsi aya nagochikire, na kobwata emeroberio yonsi echikire;
5
rirorio inche ninkong’ie ekerogo kiao ki’oboruoti igoro ase Abaisraeli kare na kare, buna narierete Daudi iso eira, ngateba: Takobora nonya ng’ake korwa ase ororeria rwao omonto oraikaranse ase ekerogo ki’oboruoti ki’Abaisraeli.
6
Korende inwe na abanto be chinderia chiaino komoreonchore na montige, naende timorenda amachiko aane na emeroberio yane nabaeire, korende mogende gokorera chinyasae chinde na gochisasima,
7
rirorio ninsirie Abaisraeli korwa ase ense eria nabaeire, na enyomba eye naatananire na koyechena ase engencho y’erieta riane ninyetige, tinkoyerigereria namaiso aane. Abaisraeli nababe omorabaaro ne ring’ana rigokwanwa nabanto b’ebisaku bionsi.
8
Enyomba eye nebe rituuri riatagokire, na kera omonto ogoeta aase agwo naichanigwe na gokumia, na ekero monto onde akoboria: Nase ki Omonene akorire aya iga ase ense eye na ase enyomba eye?
9
Nigo barairanerie: Nekiagera barabwo batigete Omonene, Nyasae obo, oria orusetie chisokoro chiabo korwa ase ense ya Misiri, naende bakabwatana ne chinyasae ching’ao, bagachisasima na gochikorera. Amang’ana ayio agerire Omonene orentire amabe aya onsi igoro asebare.”
10
Sulemani akaira emiaka emerongo ebere ase okoagacha chinyomba chiria ibere, enyomba y’Omonene na ey’oboruoti.
11
Hiramu, omoruoti o Turo, konya oeire Sulemani chibao chi’emecharake, na echi’emetarakwa, amo ne chitahabu ase ekerengo aganetie. Nyuma y’ayio omoruoti Sulemani akaa Hiramu emechie emerongo ebere yarenge ase ense ya Galili.
12
Korende ekero Hiramu achete korwa Turo korora emechie eria, tiyamogogetie.
13
Akabora, “Emechie eye kwang’eire, oyominto, naki ere?” Ase eyio igo ekorokwa ense ya Kabuli goika rero iga.
14
Hiramu konya otomeire omoruoti chitahabu chikiro chilifu inye (4,000).
15
Oyo noro omoroberio bw’emeremo Sulemani abetereretie abanto bakore: Akababeka koagacha enyomba y’Omonene, na enyomba yaye omonyene, na Milo, na orwaki rwaetanaine Yerusalemu, na emechie ya Hasori, na Megido, na Geseri,
16
(Farao, omoruoti o Misiri, konya ochire korwania Geseri na koyosakora, naende akayosamba nomorero. Agaita abanto ba Kanani baria bamenyete aroro, na koyorua buna ekeegwa ki’ogosokia omoiseke oye abe moga Sulemani.
17
Bono Sulemani akaagacha Geseri naende). Boigo akaagacha Beti‐Horoni ya maate,
18
na Baalati, na Tamari ore ase erooro, ase ense eria,
19
na emechie yonsi ye chikungo, eria Sulemani abwate, na emechie ye chigari chiaye, na eye chibarasi, na oboagacho bonde bwonsi Sulemani aganetie koagacha agwo Yerusalemu, na agwo Lebanoni na ase ense yonsi y’oboruoti bwaye.
20
Abanto aba Sulemani abetereretie gokora emeremo, nigo barenge abe chinderia chi’abanto b’ense ya Kanani, abwo Abaisraeli batanyarete kobua na gosiria kegima. Abanto abwo tibarenge Abaisraeli. Nigo barenge Abaamori, na Abahiti, na Abaperisi, na Abahivi, na Abayebusi. Abanto abwo bakagenderera koba abasomba, nabo bare goika rero iga.
22
Korende Sulemani takorete Abaisraeli bakaba abasomba. Barabwo nigo barenge abarwani b’esegi, na abakonyi b’oboruoti, na abachiki baye b’abarwani, na abatang’ani b’abarwani, na abachiki baye be chigari ne chibarasi chikoriinwa.
23
Abateneneri abanene igoro y’emeremo ya Sulemani nigo barenge abanto amagana atano, na emerongo etano; abwo nigo batenenerete abanto barenge gokora emeremo eria.
24
Korende mosubati o Farao akarua ase Omochie o Daudi, agatiira gochia komenya ase enyomba yaye eria Sulemani konya amoagacheire; nyuma y’ayio Sulemani akaagacha Milo.
25
Ara gatato ase omwaka Sulemani nigo arenge korua ebing’wanso bi’ogosambwa na ebing’wanso bi’omorembe ase egesasimero keria aagacherete Omonene. Boigo aba ogosamba ubani ase Omonene. Ase igo agakoora emeremo y’okoagacha enyomba y’Omonene.
26
Omoruoti Sulemani akaroisia chimeeri agwo Esioni‐Geberi ere ang’e na Eloti, ase omosomo bw’Enyancha Embariri, ase ense ya Edomu.
27
Hiramu agatoma abanto baye baria bamanyete emeremo ye chinyancha, bagasang’ana nabanto ba Sulemani.
28
Barabwo bakagenda goika Ofiri, bakarenta korwa aroro chitahabu, chikiro chilifu ikomi na inye, na amagana atano (14,500), bakairera omoruoti Sulemani.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22