bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 19
1 Kings 19
Gussi (EBIBILIA ENCHENU) 2020
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
1
Ahabu agatebia Yesebeli amang’ana onsi Elija akorete, buna aitete ababani bonsi nomoro.
2
Erio Yesebeli agatoma omonto ase Elija, akamotebia, “Tiga chinyasae ching’e egesusuro ekenene, na goetania ekio, onye ankio ase engaki enga buna eye tingokora obogima bwao bobe buna obw’oyomo bw’abwo gwaitete.
3
Elija akoboa, akaimoka agatama ase ogotooria obogima bwaye, agaika Beeri‐Seba ase ense ya Yuda. Agatiga omosomba oye aroro,
4
na ere omonyene akagenda ase erooro orogendo rwe rituko erimo, agaikaransa inse y’omote okorokwa omoretemu, agesabera ng’a akwe, akabora,” “Bono Omonene, aya aisanire, ira obogima bwane, ekiagera inche tindi omuya kobua chisokoro chiane.”
5
Ase obotuko obwo Elija akarara inse ase omote oria omoretemu, na aroro omomalaika agacha akamokuna akamotebia, “Boka orie!”
6
Ere akarigereria, akarora ang’e nase omotwe oye omogati ogekeire igoro ase omorero bw’amakara na amache are ase egetoono. Akaria na akanywa, erio akarara.
7
Naende omomalaika oria bw’Omonene agacha eria kabere, akamokuna, akamotebia, “Imoka orie, ekiagera orogendo norotambe okogenda.”
8
Elija akaboka, akaria, akanywa, na ase chinguru chi’endagera eyio akayegendera ase engaki y’amatuko emerongo ene, omobaso na obotuko, agaika Horebu, egetunwa kia Nyasae.
9
Aroro agasoa rikuruma ime, akararao ase obotuko boria. Ring’ana ri’Omonene rigacha asare, rikamoboria, “Elija, ninki ogokora ime aa?”
10
Akairaneria, “Nabeire ne risemi asore aye Omonene, Nyasae bw’Emeganda, ekiagera Abaisraeli batigire okobwatana kwao kw’ogotianania, batagoire ebisasimero biao, naende baitire ababani bao nemioro. Inche bweka natigaire; na bono nigo bakorigia basirie obogima bwane.”
11
Omonene akamotebia, “Soka ogende, otenene ase egetunwa igoro agwo ase obosio bwane inche Omonene!” Erio Omonene agaeta agwo, na omwaga ore ne chinguru ogatandora ebitunwa na gwata amagena ’ebitare agwo ase obosio bw’Omonene, korende Omonene tarenge ime ase omwaga oria. Na ekero omwaga oerire, omotengecho bw’ense ogacha, korende Omonene tarenge ase omotengecho oria.
12
Na ekero omotengecho oerire, omorero ogoka, korende Omonene tarenge ime ase omorero oria, na nyuma y’ayio eriogi rike ri’obotoereru rigacha.
13
Na ekero Elija aigwete eriogi riria, agatuba obosio bwaye negetambaa kiaye gi’okwambara, agasoka isiko, agatenena ase egesoero kie rikuruma riria; na agwo eriogi rigacha asare, rigakwana, rikamoboria, “Elija, ninki ogokora aiga?”
14
Akairaneria, “Nabeire ne risemi asore aye Omonene, Nyasae bw’Emeganda, ekiagera Abaisraeli batigire okobwatana kwao kw’ogotianania, batagoire ebisasimero biao, na baitire ababani bao nomoro, na inche bweka natigaire, nabarabwo igo bakorigia obogima bwane babosirie.”
15
Omonene akamotebia, “Irana, ogende enchera yao goika ase erooro ya Damesiki; na ekero oraike aroro, oake Hasaeli amaguta, omobeke abe omoruoti igoro y’Abasiiria.
16
Naende Yehu, mosinto o Nimusi, omoake amaguta, omobeke abe omoruoti igoro y’Abaisraeli; na Elisha, mosinto o Safati, korwa Abeli‐Mehola omoake amaguta, abe omobani ase ribaga riao.
17
Na onde bwensi oratame atooreke korwa ase omoro bwa Hasaeli naitwe na Yehu; na onde bwensi oratame atooreke korwa ase omoro o Yehu naitwe n’Elisha.
18
Korende nonya naboigo, nintigare nabanto chilifu isano na ibere b’Abaisraeli bonsi, baria batabegete amaru abo inse ase ogosasima Baali, gose koyenyunyunta.”
19
Ase ayio akarua agwo, akagenda akanyora Elisha, mosinto o Safati, okoremia chiombe; ebisangio bie chiombe ikomi na bibere nigo biarenge bosio bwaye. Ere omonyene nigo arenge negesangio gia ikomi na kabere. Elija agaeta agwo, akarutera Elisha egetambaa kiaye ambarete
20
Elisha agatiga chiombe chiria, akaminyoka gochia ase Elija, akamotebia, “Tiga ngende konyunyunta tata na baba ase okobatiga, erio nkobwatie.” Elija akamotebia, “Irana ogende, nomanyete aya nagokoreire.”
21
Erio agatiga Elija, akairana, akanyenya chiombe chiaye ibere, akaiyeka chinyama ase omorero bw’amakorogoto aria, akaa abanto chinyama chiria, nabarabwo bakaria. Erio akaimoka akabwatia Elija, akaba okomokorera.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22