bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 22
1 Kings 22
Gussi (EBIBILIA ENCHENU) 2020
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Abasiiria na Abaisraeli bakagenderera ase emiaka etato batarenge nesegi barabwo ase barabwo.
2
Korende ase omwaka o gatato Yehosafati, omoruoti bw’Abayuda, akagenda ase omoruoti bw’Abaisraeli.
3
Omoruoti bw’Abaisraeli agatebia abasomba baye, “Inwe momanyete ng’a Ramoti o Gileadi noyoito. Inee! Naki rende twakirire‐kiri, totarayoirania korwa ase amaboko ’omoruoti bw’Abasiiria?”
4
Erio akaboria Yehosafati, “Nogende amo nainche, torwanie Ramoti o Gileadi?” Yehosafati akamoiraneria, “Ee, ningende amo naye, na abanto baane amo nabanto bao, ne chibarasi chiane amo ne chibarasi chiao.”
5
Naende akamotebia, “Ritang’ani tiga toborie Omonene igoro y’amang’ana ayio.”
6
Erio omoruoti bw’Abaisraeli agasangerereria ababani ang’e amagana ane amo, akababoria, “Nkogenda nde korwania Ramoti o Gileadi, gose yaya?” Barabwo bakamoiraneria “Genda, ekiagera Omonene nabeke omochie oyio ase okoboko kwao aye omoruoti.”
7
Korende Yehosafati akaboria, “Inee! Omobani onde bw’Omonene tari aiga, tonyare koboria goetera asare?”
8
Omoruoti bw’Abaisraeli akairaneria Yehosafati, “Omonto oyomo natigarete toranyare koboria Omonene goetera asare, nere Mikaya, mosinto o Imula, korende inche nigo imogechete, ekiagera ere tari kobana amang’ana amaya igoro yane, korende namabe oka.” Yehosafati akamotebia, “Aye omoruoti, tobaisa gokwana igo.”
9
Erio omoruoti bw’Abaisraeli akarangeria omosomba oye oyomo, akamochika, “Genda bwango orente Mikaya, mosinto o Imula!”
10
Bono omoruoti bw’Abaisraeli na Yehosafati, omoruoti bw’Abayuda, nigo baikaransete ase ebirogo biabo bi’oboruoti agwo ase ekeooreri ang’e negeita gia Samaria, babegete chianga chiabo chi’obonene, na ababani baria bonsi nigo barenge korua obobani bwabo ase amasio ’abaruoti baria.
11
Zedekia, mosinto o Kenaana, akeroiseria chingunchara chi’ebioma, agakwana, “Aya naro Omonene atebire: Ase chingunchara echi nobetere Abasiiria goika basirigwe kegima.”
12
Ababani baria bonsi bakabana amang’ana ayio ayio, bagateba, “Genda Ramoti o Gileadi, noyobue. Omonene nayobeke ase okoboko kwao aye omoruoti.”
13
Omonto oria otometwe gochia korangeria Mikaya akagenda akamotebia, “Rora, amang’ana ’ababani bande nigo are ayamo, akoria eira y’egesio ekiya ase omoruoti; tiga ring’ana riao ribe erimo namang’ana abo; naye boigo okwane amang’ana okoria eira y’egesio ekiya ase omoruoti.”
14
Korende Mikaya agateba, “Ekeene, buna Omonene are moyo, ring’ana Omonene arantebie, nario ndakwane.”
15
Ekero achete ase omoruoti, omoruoti akamoboria, “Inee! Mikaya, nkogenda tore korwania Ramoti o Gileadi, gose totige?” Nere akamoiraneria, “Genda, obue! Omonene nabeke Ramoti o Gileadi ase okoboko kwao aye omoruoti.”
16
Omoruoti akamotebia, “Ng’ara karenga nkogotebia bwetianie ng’a ontebie ekeene gioka ase erieta ri’Omonene.”
17
Mikaya akairaneria, “Narora Abaisraeli bonsi besiarerete igoro y’ebitunwa buna ching’ondi chitabwati omorisia, na Omonene agantebia: Aba tibabwati omoraai obo, tiga kera oyomo airane, agende nka bwoye ore nomorembe.”
18
Na omoruoti bw’Abaisraeli agatebia Yehosafati, “Tinagotebia ng’a ere takobana amang’ana amaya igoro asende, korende namabe oka?”
19
Naende Mikaya akagenderera gokwana, agateba, “Ase ayio, igwa ring’ana ri’Omonene. Inarora Omonene oikaransete ase ekerogo kiaye ki’obonene, na emeganda yonsi y’abamalaika eteneine ensemo yaye y’okorio na ey’okobee.
20
Na Omonene akaboria: Ning’o ogochia koebereria Ahabu, erinde agende Ramoti o Gileadi abuerwe aroro? Oyomo agakwana egento ekemo, na oyonde egento kende.
21
Erio omoika ogacha ogatenena bosio bw’Omonene ogateba: Ninche ndamoebererie.
22
Omonene akaboria omoika oria: Nase enchera ere naki oramoebererie? Omoika oria okairaneria: Igo nkoimoka ngende, imbe omoika bw’obong’ainereria ase emenwa y’ababani bonsi b’Ahabu. Omonene akayotebia: Genda omoebererie ase enchera eyio. Nobue.
23
“Ase ayio, rora bono, Omonene obekire omoika bw’obong’ainereria ase omonwa bw’ababani abwo bonsi, ekiagera ochikire ng’a nonyore egesio ekebe.”
24
Erio Zedekia, mosinto o Kenaana, agaika ang’e ase Mikaya, akamoaka oroe ase orosea, akamoboria, “Naki omoika bw’Omonene okora orua asende, erinde okwana naye?”
25
Mikaya akamoiraneria, “Aye norore rituko riria oratame na gosoa ase ekenunchi bwebisa.”
26
Omoruoti bw’Abaisraeli agateba, “Bwata Mikaya momoiranie ase Amoni omonene bw’omochie na ase Yoashi, omwana bw’omoruoti,
27
mobatebie ng’a omoruoti otebire: Beka omonto oyio ime ase echela, momong’ate endagera na amache goika ing’irane ase omorembe.”
28
Mikaya akamoiraneria, “Onye gokoirana kore nomorembe, rirorio Omonene takwanete goetera asende,” Naende agateba, “Inwe abanto bonsi, igwa amang’ana aya.”
29
Bono omoruoti bw’Abaisraeli na Yehosafati, omoruoti bw’Abayuda, bakagenda korwania Ramoti o Gileadi.
30
Omoruoti bw’Abaisraeli agatebia Yehosafati, “Inche nigo ngwekona ase ogwetuba timanyekana, erio ngende ase esegi, korende aye obeke chianga chiao chi’oboruoti.” Na omoruoti bw’Abaisraeli agekona ase ogwetuba tamanyekana, akagenda ase esegi.
31
Bono omoruoti bw’Abasiiria konya ochikire abateneneri baye emerongo etato, na babere, be chigari, akabatebia, “Timobaisa korwana na monto onde bwensi, abe omoke gose omonene, korende morwane nomoruoti bw’Abaisraeli bweka.”
32
Ekero abateneneri be chigari baroche Yehosafati, bagateba, “Ere ekeene nomoruoti bw’Abaisraeli.” Ase ayio bakaonchoka bakarwana nere, na Yehosafati akarera rimo.
33
Na ekero abateneneri be chigari baroche ng’a ere tarenge omoruoti bw’Abaisraeli, bakaonchoka, bagatiga komobwatia.
34
Korende omonto oyomo akaruta omogwe ase okorengia, akarasa omoruoti bw’Abaisraeli ase ribaga riarenge gati y’engobo y’ekioma ase egekuba kiaye. Erio omoruoti agatebia omogendia bw’egari yaye, “Onchora egari ondusie aa ase esegi, ekiagera narasirwe mono omobere one.”
35
Esegi eria ekaba entindi mono ase rituko riria, na omoruoti agatenenigwa na gosiirwa ase egari yaye, origereretie Abasiiria. Rigachia koba mogoroba agakwa, na amanyinga akarua ase orogoma ase abetetwe agaiteka gochia nyaro y’egari.
36
Na ekero erioba riabeire ang’e kogwa, okoraria gokaigugwa ase abarwani b’esegi, kogateba, “Kera omonto tiga agende ase omochie oye na ase ense yaye!”
37
Erio omoruoti agakwa, akairwa Samaria, agatindekwa aroro.
38
Abanto bagasiberia egari eria agwo ase ritibo ria Samaria, ne chisese chikamena amanyinga aye, na abakungu abatayayi bagesiberia ase ritibo riria, buna Omonene konya akwanire.
39
Bono amang’ana ande onsi igoro y’Ahabu, na aya onsi akorete, na enyomba y’amaino e chinchogu eria aagachete, na emechie yonsi eria aagachete, nigo arikire ase Ebuku y’ogokora kw’Abaruoti b’Abaisraeli.
40
Ahabu akarara ase chisokoro chiaye chiararete, na Ahasia, omwana oye omomura, akaba okogamba ase ribaga riaye.
41
Yehosafati, mosinto bw’Asa, agachaka kogambera Abayuda ase omwaka o kane bw’okogamba kw’Ahabu, omoruoti bw’Abaisraeli.
42
Yehosafati nigo arenge nemiaka emerongo etato, na etano, ekero achagete kogamba; ere akagamba emiaka emerongo ebere na etano agwo Yerusalemu. Ng’ina nigo arenge korokwa Asuba, mosubati o Silihi.
43
Yehosafati akabwatia chinchera chionsi chi’Asa ise, taonchogete na gochitiga; agakora ayare amaronge ase amaiso ’Omonene. Korende nonya naboigo aase aimokererete igoro agosasimerwa tatagoretwe, na abanto bakagenderera korua ebing’wanso na gosamba ubani aroro.
44
Boigo Yehosafati agakora omorembe nomoruoti bw’Abaisraeli.
45
Bono amang’ana ande onsi Yehosafati akorete, na okobua kwaye aorogetie, naende buna arwanete chisegi, nigo arikire ase Ebuku y’ogokora kw’Abaruoti b’Abayuda.
46
Agasiria korwa ase ense eria abasacha baria abanyaka barenge korigania ase obosooku, baria batigarete ase amatuko ’Asa.
47
Omoruoti tarenge agwo Edomu, korende nomokonyi oyomo orenge kogamba ase ribaga ri’omoruoti.
48
Yehosafati akaroisia chimeeri chia Tarisisi, chiarenge kogenda Ofiri korenta chitahabu, korende tichiagendete, ekiagera chiasarekerete agwo Esioni‐Geberi.
49
Erio Ahasia, mosinto bw’Ahabu, agatebia Yehosafati, “Tiga abasomba baane bagende amo nabasomba bao ase chimeeri.” Korende Yehosafati akaanga.
50
Yehosafati akarara ase chisokoro chiaye chiararete, agatindekwa ase chiatindegetwe ase Omochie o Daudi, sokororia yaye; na Yehoramu, omwana oye omomura, akaba okogamba ase ribaga riaye.
51
Ahasia, mosinto bw’Ahabu, agachaka kogambera Abaisraeli agwo Samaria ase omwaka o ikomi na gatano na kabere bw’okogamba kwa Yehosafati, omoruoti bw’Abayuda; ere akagambera Abaisraeli emiaka ebere.
52
Agakora ayare amabe ase amaiso ’Omonene, akabwatia chinchera chia ise, na echia ng’ina, na echia Yeroboamu, mosinto o Nebati, abwo bagerete Abaisraeli bagakora ebibe.
53
Agakorera Baali, akayesasima, na buna ise akorete, akagechia Omonene, Nyasae bw’Abaisraeli, goika ere akaba nendamwamu.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22