bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Kings 6
1 Kings 6
Gussi (EBIBILIA ENCHENU) 2020
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
1
Ase omwaka bw’amagana ane, na emerongo etano na etato, nyuma Abaisraeli kobarure ense ya Misiri, noro omwaka o kane bw’okogamba gwa Sulemani igoro y’Abaisraeli, ase omotienyi o Sivu, omotienyi o kabere, Sulemani agachaka koagacha enyomba y’Omonene.
2
Enyomba eria omoruoti Sulemani aagacherete Omonene nigo yarenge iga: Obotambe bwaye nobw’ekerengo ki’amaboko emerongo etano nomo, na obogare bwaye amaboko emerongo ebere, na obotambe bwaye gochia igoro amaboko emerongo etato.
3
Enyomba eria yaagachetwe bosio bwe Hekalu enyene nigo yarenge iga: Obotambe bwaye gochia ime nobw’ekerengo ki’amaboko ikomi, na obogare bwaye amaboko emerongo ebere, nigo bwareng’aine nobogare bwe Hekalu.
4
Sulemani akaroisia ase enyomba eria ebibao bi’emete; ebibao ebio tibiarenge koigorwa.
5
Naende akaagacha chinyomba chinde inse, chinyasi chiaye chichomeranirie ne chinyasi chi’enyomba enyene ase amakere na nyuma, akanachana ebinyomba imeo.
6
Obogare bw’ebinyomba bia inse nigo bwarenge bw’ekerengo ki’amaboko atano, na ebie rirongo ria kabere amaboko atano na rimo, na ebie rirongo ria gatato amaboko atano na abere. Nigo akorete ebitambokero bikabwatana nenyasi ye Hekalu ase kera rirongo, erinde emeriibo egosiira kera rirongo etoorere ase ebitambokero ebio, etari gosoigwa ase enyasi.
7
Ekero enyomba yaagachetwe, igo yaagachetwe namagena aseneirie agwo aase arenge kobaacherwa, erinde eriogi ri’enyundo, gose eri’egesire, gose eri’egekorero kende gionsi gi’ekioma tikeigugwa ase Hekalu ekero yaagachetwe.
8
Egesoero kegosoera ebinyomba bia inse nigo kiarenge ensemo ya sugusu ye Hekalu na goetera ase ebiriinero abanto nigo barenge koriina gochia ase rirongo ria kabere, na korwa aroro bariina gochia ase rirongo ria gatato.
9
Naboigo Sulemani akaagacha Hekalu, akayekoora. Akaroisia risang’ina ri’enyomba ne chibao chi’emecharake.
10
Oboagacho bw’enyomba inse nigo bwatunyaine Hekalu, na kera rirongo nigo riarenge nobotambe gochia igoro ekerengo ki’amaboko atano. Oboagacho obwo nigo bwabwateranetigwe ne Hekalu ne chibao chi’emecharake.
11
Ring’ana ri’Omonene rigacha ase Sulemani, rikamotebia,
12
“Amang’ana igoro y’enyomba eye okong’agachera bono nigo arabe iga: Korabwatie emeroberio yane echikire na koigwera amachiko aane onsi na koyakora, erio nainche ning’ikeranie ring’ana riane asore, riria nakwanete na Daudi iso:
13
Inche nigo ndamenye aroro ase egati y’Abaisraeli, tingotiga abanto baane Abaisraeli.”
14
Sulemani akaagacha enyomba eria na akayekoora buna iga:
15
Agatuba chinyasi chia ime y’enyomba yonsi korwa inse goika igoro ne chibao chi’emecharake, na inse y’enyomba akayetuba ne chibao chi’emetarakwa.
16
Akaagacha akanyomba ka ime bosio kegima ase Hekalu ime, kabe Aase Aachenu Mono. Obotambe bwaye nigo bwarenge bw’ekerengo ki’amaboko emerongo ebere; akanyomba karia akagatuba ne chibao chi’emecharake, korwa inse goika igoro.
17
Ensemo y’enyomba yarenge Hekalu enyene nigo yarenge y’ekerengo ki’amaboko emerongo ene.
18
Chibao chi’emecharake chiatubete enyomba ime nigo chiarenge nemegwekano y’ebirandi, na ey’ebisicha, yabaachetwe ase chibao echio. Yonsi nigo yatubetwe nemecharake, na igena rinde tiriarorekanete.
19
Ime ye Hekalu bosio kegima nigo aroisetie akanyomba aase Esanduku y’Okobwatana y’Omonene yarenge kobekwa.
20
Obotambe bw’akanyomba karia ka ime nigo bwarenge obw’ekerengo ki’amaboko emerongo ebere; naboigo obogare bwaye na obotambe bwaye gochia igoro, naende nigo kaoomire netahabu echenire. Bosio bw’akanyomba karia egesasimero gekaroisigwa, kegatubwa ne chibao chi’emecharake.
21
Sulemani akaooma Hekalu ime netahabu engiya. Chingataare chiaoomire netahabu chikabekwa ase egesieri bosio bw’akanyomba ka ime.
22
Nabo akaooma enyomba yonsi kegima netahabu; boigo akaooma egesasimero gi’Aase Aachenu netahabu.
23
Sulemani akaroisia emegwekano y’abakerubi babere korwa ase emete y’emezeituni, akayebeka agwo ase akanyomba ka ime.
24
Obotambe bwa kera orobaba rwa kera oyomo nigo bwarenge obw’amaboko atano; korwa ensinyo y’orobaba oromo goika ey’oronde nigo bwarenge obotambe bw’amaboko ikomi.
25
Omokerubi oria onde boigo nigo arenge bw’ekerengo ekio ekio. Abakerubi bonsi babere nigo barenge bareng’aine kegima ase ekerengo na bagwekaine ase ekieni.
26
Obotambe bwa kera omokerubi nigo bwarenge obw’amaboko ikomi.
27
Abakerubi abwo bakabekwa ase akanyomba karia bosio ime ye Hekalu. Chimbaba chiabo nigo chiaramboire; orobaba oromo rw’omokerubi oyomo rogaika enyasi ensemo eyemo, na oromo rw’oyonde rogaika enyasi ensemo ende; gati‐gati y’enyomba orobaba ronde rwa kera omokerubi rogakunana.
28
Abakerubi bonsi babere bakaoomwa netahabu.
29
Sulemani agachabera chinyasi chionsi chie Hekalu, na echi’akanyomba ka ime, nemegwekano y’abakerubi, na ey’emekendo, na ey’ebisicha, yabaachetwe ase chibao echio.
30
Inse ase ebinyomba ebio bibere akaooma netahabu.
31
Ebisieri bibere bikaroisigwa korwa ase chibao chi’emezeituni bikabekwa ase egesoero gi’akanyomba ka ime. Emetobwa nigo yatenenirie ensemo eyemo ya isano y’enyasi.
32
Ebisieri ebio bionsi bibere bi’emezeituni bigachaberwa nemegwekano y’abakerubi, na ey’emekendo, na ey’ebisicha, yabaachetwe ase chibao echio. Akaooma bionsi netahabu; boigo agasiarera abakerubi amo ne chibao chi’emekendo netahabu.
33
Naende emetobwa y’egesieri gie Hekalu enyene ekaroisigwa korwa ase chibao chi’emezeituni ere ne chikoona inye,
34
na ebisieri bibere bi’emetarakwa; kera egesieri nigo kiarenge ebing’ese bibere biare konyara koigorwa biaringanigwa.
35
Ebisieri ebio bigachaberwa nemegwekano y’abakerubi, na ey’emekendo na ey’ebisicha, yabaachetwe ase chibao echio, bikaoomwa buya netahabu igoro y’emegwekano eyio.
36
Naende Sulemani akaagacha chindwaki chi’eraaro ya ime. Chindwaro isato chie chindwaki echio agachiagacha namagena abaachire, na orwaro oromo akaroagacha ne chibao chi’emecharake.
37
Oboroso bwe Hekalu bokabekwa ase omotienyi o Sivu, ase omwaka o kane bw’okogamba gwa Sulemani.
38
Na ase omotienyi o gatano na gatato, omotienyi o Bulu, ase omwaka o ikomi nomo, oboagacho bwe Hekalu bokaera buna yaroberetigwe. Ase igo Sulemani akaira emiaka etano na ebere ase okoagacha enyomba eria.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22