bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 10
Matthew 10
Ika 2018 Bible
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
1
Ya kẹ Jizọsị nọ kpọ ndị nsọnmazụụn a mmẹbụọ, ye wẹ ikẹn w'e gi chụpụ eje-mmọn lẹ ikẹn w'e gi zụọ ụdị emu ile lẹ ọrịa ile.
2
Ndịnị wụ ẹfan ndị-ozi mmẹbụọ hụ pụ-ichẹn: onyẹ ibuzọ wụ Saịmọnụ hụn w'a kpọ Pita, Andrụ nwẹnẹ ẹ, Jemisi nwa Zẹbẹdi lẹ Jọnụ nwẹnẹ ẹ,
3
Filipu lẹ Batolomi, Tamọsị lẹ Matiu (Matiu hụn te a na ụgwọ-isi), Jemisi nwa Alịfịọsụ lẹ Tadịọsụ,
4
Saịmọnụ hụn te rị ndị gi ẹka-ikẹn e mẹ ni wẹ chụpụ ndị Rom rị a kị alị wẹ lẹzi Judas Iskarọtụ hụn re Jizọsị ogẹn ikpanzụụn.
5
Ya Jizọsị nọ ye madụ mmẹbụọnị ikẹn, zipụ wẹ: ọ sị wẹ, “Ejẹnkwọlẹ ni d'e kunrun ndị wụlẹni ndị Ju; abanyekwọlẹ ni obodo ọwụlẹ rị alị Sameria.
6
Ka jẹnmẹ ni d'e kunrun atụnrụn Izrẹlụ huni.
7
Ụnụ jẹnkọnị, e zi ni oziọma, a sị, ‘Alị-eze elu-igwee a rịgụọ nsue.’
8
Zụọ nị ndị emu, kpọtiẹn ni ndị nwụnhụnnị, zụọ nị ndị oti, chụpụ nị eje-mmọn. Ụnụ nwọnhẹn ẹ ọfẹ, ye n'ẹ ọfẹ.
9
Ewerilẹ ni egho ọwụlẹ.
10
Ebulẹ ni ẹkpa; ewerilẹ ni ẹwuru mọbụ akpụkụ ọzọ cheni hụn ụnụ yi; ebulẹ ni ọkpọ. Makẹni, o furu ni wẹ e ye ndị-ọrụn ihiẹn wẹ gi e bi.
11
“Obodo ọwụlẹ ụnụ banye, kẹ hụn hi ogbe kẹ hụn mẹ ẹkẹrẹ, chọrị nị onyẹ furuni. Nọdị nị iwe ẹ d'e ru ogẹn ụnụ e gi gha obodo ahụn pụ.
12
Ụnụ bankọnị imẹ ụlọ hụ, kele ni wẹ, sị, ‘Ya rịnị ụnụ mma.’
13
Omẹni ndị rị ụlọ hụ e furughọ nke-esi, ụw'ọma ụnụ kele a bọ wẹ; kanị omẹni efuruni wẹ, ụw'ọma ụnụ kele e kinhẹnni ụnụ.
14
Onyẹ ọwụlẹ mọbụ obodo ọwụlẹ nabanhanlẹni ụnụ mọbụ jụ n'o gọnkọ ozi ụnụ ntịn, gha nị iwe onyẹ hụ mọbụ obodo hụ pụ, ụnụ e tichanpụ ẹjan rị ụnụ ụkụ tọn'a.
15
Ezioku kẹ m rị a gwa ụnụ, o sikọ d'a ka obodo hụ njọ karị alị Sodọm lẹ Gomora Ụhụọhịn Ikin-ikpe.
16
“Lee n'ẹ, m zikọ ụnụ kẹ atụnrụn wẹ ziye imẹ igunrun ẹwọrọ. E gi ni uche e bi — rịkẹ agwọ, ka rị nị kẹ nduru hụn ghalẹni a rụ ịhịan ẹhụ.
17
Kpachanpụ nị nị ịhịan ẹnya, makẹni wẹ jẹnkọ d'e wejẹn ụnụ ọgwa rị ichẹn-ichẹn, fịan ụnụ mkpịnsịn imẹ ụlọ-ofufe wẹ.
18
Wẹ sikọ d'e gi ufiri m we ụnụ jẹnni ndị Gọvanọ lẹ ndị-nze. Kanị o k'a wụ oghere ịshịanị m ẹri idẹnya wẹ lẹ ndị alị ọzọ ile.
19
“Kanị ogẹn w'e gi we ụnụ jẹnni wẹ, ehuelẹ ni uhue ihiẹn ụnụ k'e ku mọbụ kẹ ụnụ a dọn ku ẹ, makẹni ụnụ k'e nwọnhẹn ihiẹn ụnụ k'e ku ogẹn hụ.
20
Makẹni ẹlẹ ụnụ jẹnkọ d'e ku; Mmọn Nẹdi ụnụ jẹnkọ d'e gi ụnụ ku.
21
“Nwẹnẹ k'e we nwẹnẹ ye wẹ gbu; nẹdi k'e we nwa a ye wẹ gbu; ụmụ k'e bunụmanị ndị mụnị wẹ, mẹ wẹ gbu wẹ.
22
Ize ụnụ k'a ban ịhịan ile makẹ ufiri ẹfan m, kanị onyẹ hụn din ndidin d'e ru isi ẹ jẹnkọ d'e nwọn nzụọpụha.
23
Wẹ kpokpo ọnụ imẹ obodo ohu, gbashi ni hụn-ẹbọ. M rị a gwa ụnụ ezioku nị ụnụ gini d'e jẹnchanrịngụ obodo ile rị Izrẹlụ, Nwa nke Ịhịan sikọ d'a bịa.
24
“Onyẹ wẹ rị a zụn akanị onyẹ rị a zụnn'a; odibo akanị di-nwọnn'ẹ.
25
O higụọ nị onyẹ wẹ rị a zụn n'ọ rị kẹ onyẹ rị a zụnn'a; o higụọ nị odibo n'ọ rị kẹ di-nwọnn'ẹ. Omẹni wẹ kpọ onyẹ nwọn ụlọ ‘Onyẹ-isi eje-mmọn’, kị wẹ jẹnkọ d'a kpọ ndị ikpụlọ a?!
26
“Ya wụ, atụlẹ ni nwan egun wẹ. Makẹni, onwọnni ihiẹn kpumẹni hụn jẹnkọlẹni d'e kpupụ mọbụ ihiẹn zuerini hụn jẹnkọlẹni d'a wa.
27
Ihiẹn m gwa ụnụ imẹ ishi, ku n'ẹ ifọnrin-ifọn; ihiẹn wẹ kagwa ụnụ, gi n'ẹ yi oro elu ụlọ.
28
Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.
29
Ẹlẹ ẹbụọ ịkọbọ kẹ w'e re achụ? Kanị onwọnni achụ ohu sikọ d'a dan alị omẹni Nẹdi ụnụ anịn'a dan.
30
D'e rudẹ ntutu rị ụnụ isi, Osolobuẹ a gụngụọ wẹ.
31
Atụlẹ ni nwan egun, ụnụ ka mkpa a rị karịdẹ achụ bu ọda.
32
“Ya wụ, onyẹ nọ idẹnya ịhịan ku ẹ n'ọ wụ nke m, mmẹ nwẹn jẹnkọ d'a nọ idẹnya Nẹdi m rị elu-igwee kuzikwọ a n'ọ wụ nke m.
33
Kanị onyẹ nọ ebe ịhịan rị sị n'ọ marịn m, mmẹ nwẹn jẹnkọ d'a nọzị ebe Nẹdi m rị elu-igwee sị nị amarịn m'a.
34
“Erokwọlẹ ni nị m bịa d'e mẹ ni udọn rị elu ụwa. Mba, ezioku kẹ m rị a gwa ụnụ, ẹlẹ udọn kanị ọpịa-agha.
35
Makẹni m bịa d'e kebe okẹnnyẹ lẹ nẹdi ẹ, okpoho lẹ nnẹ ẹ, nwunyẹ-nwa lẹ nnẹ-di ẹ.
36
Ndị ikpụlọ ịhịan jẹnkọ d'a wụ ndị-iṅẹnrẹn ẹ.
37
“Onyẹ hụn nwọn ihiẹn-ọsụsụọ nẹdi ẹ mọbụ nnẹ ẹ karị hụn o nwọnni m efuruni m; onyẹ ọwụlẹ nwọn ihiẹn-ọsụsụọ nwa a okẹnnyẹ mọbụ nwa a okpoho karị hụn o nwọnni m efuruni m.
38
Onyẹ hụn burulẹni obe ẹ sọnmẹ m e furuni m.
39
Onyẹ ọwụlẹ chọ n'ọ ghe isi ẹ, isi ẹ a tọ a, kanị onyẹ hụn gi ufiri m tuhu ndụn a jẹnkọ d'a hụn a.
40
“Onyẹ nabanhan ụnụ, mmẹ k'ọ nabanhan; onyẹ nabanhannị m nabanhan onyẹ zihẹni m.
41
Onyẹ nabanhan onyẹ-amụma makẹni ọ wụ onyẹ-amụma jẹnkọ d'e nwọnhẹn ụgwọ-ọrụn onyẹ-amụma; onyẹ nabanhan onyẹ ezi-omumẹ makẹni ọ wụ onyẹ ezi-omumẹ jẹnkọ d'e nwọnhẹn ụgwọ-ọrụn onyẹ ezi-omumẹ.
42
Onyẹ yedẹ onyẹ ohu imẹ ndịnị mẹ ẹkẹrẹ mkpu mirin-oyi ohu makẹni ọ wụ onyẹ nsọnmazụụn m, m rị a gwa ụnụ ezioku, ụgwọ-ọrụn a etuhukọ.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28