bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 22
Matthew 22
Ika 2018 Bible
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
Jizọsị nọ tazịnị wẹ ilu, sị,
2
“Alị-eze elu-igwee nọ kẹ ebe eze ohu nọ kpọnị nwa a oriri-agbamẹkụkwọ.
3
O zi idibo ẹ d'a kpọ ndị wẹ kpọ oriri-agbamẹkụkwọ hụ, kanị achọnị wẹ nị wẹ bịa.
4
O zizi idibo ọzọ, sị, ‘Gwa nị ndị hụ wẹ kpọ oriri, sị, “Lee n'ẹ, a kwademẹgụọ m oriri m; e gbuọlẹ m okẹn-efin m lẹ ụmụ-efin m zụntọ. A kwademẹgụọ m ihiẹn ile; bịa nị oriri-agbamẹkụkwọ hụ.” ’
5
“Kanị egọndẹni wẹ ntịn, onyẹ-onyẹ nọ jẹnmẹ ebe o jẹnkọ: onyẹ ohu e jẹnmẹ ugbo ẹ, onyẹ ọzọ e shi afịa a,
6
ndị họdụnị nọ nwụnrụn ndị idibo ẹ, gbe ifẹnrẹn ye wẹ ihun, gbu wẹ.
7
Eze hụ nọ gi olulu zijẹn ndị-agha a, wẹ nọ gbupụ ndị izighẹ hụ, dụn obodo wẹ ọkụn.
8
“Eze nọ sị idibo ẹ, ‘Ẹnyi e mẹmẹgụọ oriri-agbamẹkụkwọ, kanị ndị wẹ kpọ oriri efuruni ndị w'a kpọ.
9
Jẹnsọnmẹ ni nwan ọgbara-ogbe d'a kpọ ndị ile ụnụ sikọ d'a hụn; sị nị wẹ bịa oriri-agbamẹkụkwọ.’
10
Idibo ẹ nọ jẹnsọnmẹ ọgbara-ogbe, wẹhẹ ndị ile wẹ hụn, kẹ ezigbo ịhịan kẹ eje-ịhịan, ọbịa e jun ebahụn wẹ nọ e ri oriri-agbamẹkụkwọ.
11
“Kanị, ogẹn eze hụ gi bịa d'a hụn ndị ọbịa a, ọ nọ hụn onyẹ ohu yilẹni ẹwuru wẹ gi e jẹn agbamẹkụkwọ.
12
Ọ sị a, ‘Di-ẹnyi; nanị ị dọn banhan ebeni bụ y'e yi ẹwuru agbamẹkụkwọ?’ Ọ hụnnị ọnụ shịarị a.
13
Eze nọ sị idibo ẹ, ‘Kẹnmẹ n'ẹ ụkụ lẹ ẹka, tụ a ye ishi ahụn rị ezi, ebe ịhịan jẹnkọ d'a nọ a kwan ẹkwan, a ta nkwẹnrẹn-eze.’
14
Makẹni ndị wẹ kpọ bu ọda, kanị ndị wẹ họrị ebuni ọda.”
15
Ndị Itu-Farisi nọ jẹn umẹ nị wẹ gi oku-ọnụ Jizọsị nwụndọn ẹ.
16
Wẹ nọ zijẹn ndị nsọnmazụụn wẹ lẹ ndị itu Hẹrọdụ d'a jụ a ụtaanị: “Onyẹ-nkuzi, ẹnyi a marịnghọ n'ị wụ onyẹ ezioku, nị ị rị a kuzi ụzọ Osolobuẹ k'o furu, nị egun ịhịan ara tụ ị, y'a ra lee ịhịan ẹnya ihun.
17
Gwa nwan ẹnyi: O furughọ nị ẹnyi kụ eze-kanị wụ Siza ụgwọ-isi ra o furuni?”
18
Kanị Jizọsị a marịngụọ nị wẹ rị a chọ ihiẹn rị a ọnụ. Ọ nọ sị, “Kị ụnụ rị a chọnị ihiẹn rị m ọnụ; ndị ihunnaị?!
19
Ghọsịdẹle ni m egho wẹ gi a kụ ụgwọ-isi hụ.” Wẹ nọ wẹhẹn'ẹ akpụrụ egho dinarịọsụ ohu.
20
Jizọsị nọ sị wẹ, “Isi onyẹ lẹ ẹfan onyẹ wụ ndịnị?”
21
Wẹ nọ sị, “Nke Siza rọ.” Ya ọ nọ sị wẹ, “We ni nwan ihiẹn Siza ye Siza, ụnụ e we ihiẹn Osolobuẹ ye Osolobuẹ.”
22
A nụ w'a, ọ tụ wẹ ẹnya, wẹ nọ la a tọ, pụ.
23
Ụhụọhịn ohu hụ, o nwọn ndị Itu-Sadusi bịa d'e kunrun Jesu. Ndị itu-Sadusi sị nị ndị nwụnnị ara lihi. Wẹ nọ jụ a ụtaa,
24
sị, “Onyẹ-nkuzi, Mozizi sị, ‘Okẹnnyẹ nwụnhụn bụ ọ mụnị nwa, nwẹnẹ ẹ ya lụma nwunyẹ ẹ, kẹni ọ mụdọnni nwẹnẹ ẹ nwụnhụnnị ụmụ.’
25
Ẹnyi te nwọn ikẹnnyẹ ẹsa wụ umunẹ imẹ ẹnyi; nke ibuzọ a lụgụ nwunyẹ, ọ mụnị nwa n'o d'a nwụnhụn, nwẹnẹ ẹ sọnn'ẹ nọ lụma nwunyẹ ọ nwụnnahịn.
26
Ẹrịra kẹ hụn ẹbụọ ahụn mẹ, lẹ nke ẹtọ, d'e ru hụn mẹ wẹ ẹsa; wẹ ile a nwụnhụnchanrịn.
27
Omẹgụ, okpoho hụ nkẹ nọ nwụnhụn.
28
Ogẹn ndị nwụnhụnnị e gi nwan lihi, nwunyẹ onyẹ k'o jẹnkọ d'a wụ imẹ mmadụ ẹsa hụ, ebe o mẹ ni wẹ ile lụgbarị a?”
29
Kanị Jizọsị nọ za wẹ, sị, “Ụnụ e fiegụọ ụzọ makẹni ụnụ amarịn Ẹkụkwọ-nsọ, ụnụ amarịn kẹ ikẹn Osolobuẹ han.
30
Ogẹn ndị nwụnhụnnị sikọ d'e gi gha ọnwụn lihi, alụkọ wẹ di lẹ nwunyẹ; wẹ jẹnkọ d'a nọ kẹ ndị mmọn-ozi ghalẹni a lụ di lẹ nwunyẹ.
31
O mẹ nke iweli ndị nwụnhụnnị, ụnụ e ke gụntu ihiẹn Chuku gwa ụnụ imẹ Ẹkụkwọ-nsọ?
32
Ọ sị, ‘Mmẹ wụ Chuku Ebraham, Chuku Aziki, Chuku Jekọpụ.’ Osolobuẹ ẹlẹ Chuku ndị nwụnnị, kanị Chuku ndị rị ndụn k'ọ wụ.”
33
Igunrun hụ a nụ a, nkuzi ẹ a tụ wẹ ẹnya.
34
Ogẹn ndị Itu-Farisi gi nụ nị Jesu e kpukingụọ ndị Itu-Sadusi ọnụ, wẹ nọ zu, buru ẹ,
35
onyẹ ohu imẹ wẹ wụ ọka iwu nọ gi ụtaa shin'ẹ ọnyan, sị
36
“Onyẹ-nkuzi, elee iwu kachanrịn imẹ Iwu Mozizi?”
37
Ọ nọ sị a, “ ‘Gi obi i ile, enwẹn i ile lẹ uche i ile nwọn ihiẹn-ọsụsụọ Di-nwọnni-ẹnyi wụ Osolobuẹ i.’
38
Ọnwan wụ iwu kachanrịnnị lẹ nke ibuzọ.
39
Nke ẹbụọ nọzị kẹ nke ibuzọnị: ọ sị, ‘Ihiẹn ibe i sikọ d'a sụọrịrị ị kẹ ihiẹn enwẹn i dọn a sụọ ị.’
40
Iwu ẹbụọnị gi Iwu Mozizi ile lẹ ihiẹn ile ndị-amụma ku.”
41
Ogẹn ndị Itu-Farisi gi rị ụzọ ohu, Jizọsị nọ jụ wẹ ụtaa,
42
sị, “Ẹlẹ ẹnya kẹ ụnụ gi e lee Onyẹ nzụọpụha ahụn Osolobuẹ tumẹ? Nwa onyẹ k'ọ wụ?” Wẹ nọ sị a, “Nwa Defidi.”
43
Ọ nọ sị wẹ, “Nanị Mmọn-nsọ dọn nwan mẹ Defidi kpọ a ‘Di-nwọnni m’ ebẹhụ Ẹkụkwọ-nsọ nọ sị,
44
‘Di-nwọnni-ẹnyi sị Di-nwọnni m; nọdị alị ẹka-nni m, d'e ru mgbe m bugụ ndị iṅẹnrẹn i che okpuru ụkụ ị?’
45
“O mẹ nwan nị Defidi kpọ a ‘Di-nwọnni m’, nanị o dọnzi wụrụ nwa Defidi?”
46
Onwọnni onyẹ saẹka za ihiẹn ọwụlẹ. Onwọnzini onyẹ egun nị jụzị a ụtaa gha ụhụọhịn hụ jẹnmẹ.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28