bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 12
Matthew 12
Ika 2018 Bible
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 13 →
1
Ogẹn hụ, ebe Jizọsị ghafekọ alị ọka-witi Ụhụọhịn Ezumikẹn, ẹgụn hụ a gụn ndị nsọnmazụụn a. Ya kẹ wẹ nọ ghọrịma ọka-witi, a ta.
2
Ndị Itu-Farisi a hụn ihiẹnni, wẹ nọ sị a, “Y'a hụn a, ndị nsọnmazụụn ị rị e mẹ ihiẹn iwu sị w'e mẹlẹ Ụhụọhịn Ezumikẹn.”
3
Ọ nọ sị wẹ, “Ụnụ eke gụntu ihiẹn Defidi mẹ kẹ ẹgụn rị a gụn ya lẹ itu ẹ?
4
K'o dọn banye ụlọ Osolobuẹ, ri brẹdi-nsọ ahụn w'e butọ ihun Osolobuẹ, hụn iwu sị onwọnni onyẹ e rin'ẹ: kẹ Defidi kẹ itu ẹ, mmanị ndị nchụn-ẹjan sụọ.
5
Ra ụnụ eke gụntu imẹ Iwu k'o dọn wụrụ nị, o ru Ụhụọhịn Ezumikẹn, ndị nchụn-ẹjan rị ọrụn imẹ Ụlọ-nsọ a dan iwu Ezumikẹn bụ ikpe amanị wẹ?
6
“M rị nwan a gwa ụnụ nị ihiẹn ka Ụlọ-nsọ rị ebeni!
7
Omẹni ụnụ te marịn alị okuni: ‘Omikẹn kẹ m chọ, ẹlẹ ịchụn-ẹjan,’ ụnụ e ke gha a ma onyẹ nwọnlẹni ihiẹn o mẹ ikpe.
8
Makẹni, mmẹ wụ Nwa nke Ịhịan nwọn ku ihiẹn w'e mẹ Ụhụọhịn Ezumikẹn.”
9
Jesu nọ gha ebahụn pụ, banye ụlọ-ofufe wẹ.
10
O nwọn okẹnnyẹ ohu rị ebẹhụ ẹka ohu nwụnhụn. Ụfọdụ ndị Itu-Farisi chọkọ ihiẹn w'e gi ma Jesu ikpe nọ sị a, “Iwu e kwerighọ nị wẹ zụọ ndị emu rị a kụ Ụhụọhịn Ezumikẹn?”
11
Ọ nọ sị wẹ, “Imẹ ụnụ ile, onyẹ kẹ atụnrụn ohu o nwọn k'a danban imẹ olu Ụhụọhịn Ezumikẹn, o zuni ẹka ye ẹ, wepụha a?
12
Ọrịwụzị ịhịan hụn ka mkpa ọda-ọda karị atụnrụn. Ya wụ, iwu e kwerighọ nị w'e mẹ ihiẹn rị mma Ụhụọhịn Ezumikẹn.”
13
Ya ọ nọ sị okẹnnyẹ hụ, “Tịnpụ ẹka ị.” Ọ tịnpụ a, ọ nọ rị mma kẹ hụn-ẹbọ.
14
Kanị, ndị Itu-Farisi ahụn nọ pụ d'e zun'ẹ umẹ ni wẹ gbu ẹ.
15
Ogẹn Jizọsị gi marịn ihiẹn ndị Itu-Farisi ahụn romẹ, ọ nọ gha ebahụn pụ, ndị bu ọda nọ sọnmẹ ẹ, ọ nọ zụọchanrịn wẹ ile.
16
Ọ hụ a dọ wẹ ẹka-ntịn w'a nịlẹ ịhịan marịn nị ịya rọ.
17
Ẹrịra kẹ wẹ dọn mẹzu ihiẹn Osolobuẹ gi Azaya onyẹ-amụma ku, sị,
18
“Lee odibo m, hụn m tumẹ; ezi odibo m rọ; ihiẹn ẹ a sụọka m. M jẹnkọ d'e bu Mmọn-nsọ m kwasị a; o k'e mẹ alị ndị ọzọ marịn ezioku.
19
O mẹkọ onyẹ-ndọndọ mọbụ onyẹ-oro; anụkọ wẹ olu ẹ ọgbara-ogbe.
20
Ọ kpagipụkọ achara-iyi rị a kpagini mọbụ tinyụnpụ ukpẹ rị e tinyụnnị, d'e ru n'o ye ezioku mmẹri.
21
Ndị alị ndị ọzọ ile k'e gidẹ ẹfan a dọn ẹnya.”
22
Ya wẹ nọ wẹhẹn'ẹ onyẹ eje-mmọn rị imẹ ẹ, hụn o mẹni ara legha ụzọ, ara ku oku. Ọ nọ zụọ a, onyẹ ẹnya-mpịn hụ, hụn wụ odin nọ kumẹ oku, leghama ụzọ.
23
Ọ nọ tụ igunrun hụ ẹnya, wẹ nọ sị, “Ọnwan wụdẹ nwan Nwa Defidi hụ ra?”
24
Kanị ogẹn ndị Itu-Farisi gi nụ a, wẹ nọ sị, “Omẹni ẹlẹ ikẹn Bẹzibọlụ onyẹ-isi eje-mmọn, okẹnnyẹni eke saẹka chụpụ eje-mmọn ndịnị.”
25
Jizọsị a marịngụọ obi wẹ, ọ nọ sị, “Alị-eze ọwụlẹ kebeni k'a dan; obodo mọbụ ikpụlọ ọwụlẹ kebeni atọkọ.
26
O mẹ nwan nị Ekwensụ rị a chụpụ Ekwensụ, o kebegụọ enwẹn ẹ. Nanị alị-eze ẹ e dọn nwan turu?
27
Omẹni ikẹn Bẹzibọlụ kẹ m gi a chụpụ eje-mmọn, ikẹn onyẹ kẹ ndị nke ụnụ gizi a chụpụ? Uwẹ jẹnkọ d'a ma ụnụ ikpe.
28
Kanị, omẹni ikẹn Mmọn-nsọ Osolobuẹ kẹ m gi a chụpụ eje-mmọn, ya wụ nị Alị-eze Osolobuẹ e rugụọlẹ ebe ụnụ rị.
29
Nị ịhịan saẹka banhan iwe dikẹn, kwarị ibu ẹ bụ o buni ụzọ kẹnmẹgụọ a? O kẹnmẹgụ a k'ọ nọ saẹka kwarị ihiẹn rị iwe ẹ.
30
“Onyẹ rịlẹni azụụn nke m rị a lụsọn m ọgụn; onyẹ ghalẹni e sọn m e kpọnkikomẹ rị e kpọnyịya.
31
M rị nwan a gwa ụnụ nị wẹ jẹnkọ d'a gbagharị ịhịan njọ lẹ eje-oku ile, kanị agbagharịkọ wẹ onyẹ kuja oku Mmọn-nsọ.
32
Nị wẹ gbagharịghọ onyẹ kuja oku mmẹ wụ Nwa nke Ịhịan; kanị, agbagharịkọ wẹ onyẹ kuja oku Mmọn-nsọ; agbagharịkọ w'a kẹ ogẹnni kẹ ogẹn ahụn lalanị.
33
“I mẹmẹ osisi n'ọ rị mma, mkpụrụ a a rị mma; i mẹmẹ osisi n'ọ jọ njọ, mkpụrụ a a jọ njọ. Makẹni, mkpụrụ osisi kẹ wẹ gi a marịn a.
34
Igunrun agwọ! Nanị ụnụ a dọn ku ihiẹn rị mma ebe ụnụ wụ ndị-njọ? Ihiẹn jun ịhịan obi ya kẹ ọnụ a e ku.
35
Ezigbo ịhịan a gha ihiẹn rị mma o butọ e wepụha ihiẹn rị mma, kanị eje-ịhịan a gha eje-ihiẹn o butọ e wepụha eje-ihiẹn.
36
M rị nwan a gwa ụnụ n'o ru Ụhụọhịn Ichin-ikpe, wẹ k'a jụ ịhịan oku ile nwọnlẹni isi o ku.
37
Makẹni oku-ọnụ ị kẹ w'e gi ma ị ikpe, oku-ọnụ ị kẹ w'e gizikwọ sị ikpe amanị ị.”
38
Ogẹn ahụn, ụfọdụ ndị-nkuzi Iwu lẹ ndị Itu-Farisi nọ sị Jesu, “Onyẹ-nkuzi, ẹnyi chọ n'ị rụnghọsị ẹnyi ọrụn-atụmẹnya pụ ichẹn hụn ẹnyi e gi kweri.”
39
Kanị ọ nọ sị wẹ, “Eje-agbọ ẹnya rịlẹni ụzọ ohu rị a chọ ahịma! Kanị, onwọnni ahịma wẹ k'a ghọsị wẹ wezụka ihiẹn mẹ Jona onyẹ-amụma!
40
Kẹ Jona dọn nọ akpọhịn ẹtọ imẹ ẹfọ azụn hụ hi-ogbe, ẹrịra kẹ mmẹ nwẹn Nwa nke Ịhịan k'a nọ akpọhịn ẹtọ imẹ alị.
41
“Ndị Ninivẹ jẹnkọ d'a shịagbu agbọnị ẹri ogẹn Okinkin-ikpe, makẹni e rogharịghọ wẹ ogẹn Jona gi zi wẹ ozi Osolobuẹ; ka lee nwan, onyẹ ka Jọnụ rị ebeni!
42
“Eze-okpoho alị Shẹba jẹnkọ d'a shịagbu agbọnị ẹri ogẹn Okinkin-ikpe. Makẹni, ọ gha alị tegbu enwẹn ẹ bịa d'e gọn amamihiẹn Solomọnụ ntịn; ka lee nwan, onyẹ ka Solomọnụ rị ebeni!
43
“Eje-mmọn gha imẹ ịhịan pụha, ọ ghasọnmẹ alị kpọ nkụn, chọkọ ebe ọ nọ zu ikẹn. Omẹni ọ hụnnị,
44
ọ sị enwẹn ẹ, ‘M k'a lakin iwe m hụn m gha pụha.’ O ru ẹ, hụn a nị onwọnni ihiẹn rịn'a, n'a zagụọ w'a, dọnkwama,
45
o jẹn ozigbo d'e wẹhẹ eje-mmọn ẹsa ọzọ ka ya nwẹn njọ, a wịrị wẹ ban imẹ onyẹ hụ d'e biri. Ọnọdị hụnyẹ a jọnahịn nwan nke ibuzọ njọ. Ẹrịra k'o k'a rịnị eje-agbọnị.”
46
Ogẹn Jizọsị gi rị a gwa igunrun hụ oku, nnẹ ẹ lẹ umunẹ-ẹ-ikẹnnyẹ nọ bịa d'e turu ihun ezi, makẹni wẹ chọ nị wẹ gwa a oku.
47
Ya kẹ onyẹ ohu nọ sị a, “Lee ẹ, nnẹ i lẹ umunẹ-i-ikẹnnyẹ turu ihun ezi; wẹ chọ nị wẹ gwa ị oku.”
48
Kanị, ọ nọ za onyẹ hụ gwan'a, “Onyẹ wụ nnẹ m? Elee ndị wụ umunẹ-m-ikẹnnyẹ?”
49
O zin ndị nsọnmazụụn a ẹka, sị, “Ndịnị rị ebeni, uwẹ wụ nnẹ m lẹ umunẹ-m-ikẹnnyẹ.
50
Makẹni, onyẹ hụn e mẹ uche Nẹdi m rị elu-igwee, ịya wụ nwẹnẹ m okẹnnyẹ, ịya wụ nwẹnẹ m okpoho, ịya wụ nnẹ m.”
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28