bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 27
Matthew 27
Ika 2018 Bible
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
1
O ru ụzụtụntụn, ndị-isi nchụn-ẹjan ile lẹ ndị-isi nọ jẹn umẹ kẹni wẹ hụn ụzọ gbu Jizọsị.
2
Wẹ nọ kẹn ẹ ẹgbụn, we ẹ jẹnni Paịleti, Gọvanọ ndị Rom tumẹni wẹ.
3
Ogẹn Judasị hụn re ẹ ye wẹ gi marịn nị a magụọ wẹ Jizọsị ikpe-ọnwụn, ọ nọ kwan mmanị, wekinni ndị-isi nchụn-ẹjan lẹ ndị-isi akpụrụ siliva iri-kwasị-ọgụn hụ wẹ kụ a,
4
sị, “E mẹgụọ m njọ m gi re onyẹ nwọnlẹni ihiẹn o mẹ.” Kanị, wẹ nọ sị a, “Ọ gbashịarịnị ẹnyi; ọhụn wụ mkpa ị!”
5
Ọ nọ tụ akpụrụ egho siliva ndị hụ ye alị imẹ Ụlọ-nsọ, pụ d'e hogbu enwẹn ẹ.
6
Ndị-isi nchụn-ẹjan nọ tụtụrụ akpụrụ egho siliva ndị hụ; wẹ nọ sị, “O furuni nị ẹnyi bu wẹ che ebe w'e dọnmẹ ihiẹn imẹ Ụlọ-nsọ, makẹni egho ẹdeke rọ.”
7
Ya wẹ nọ tụgbama iroro, gi ẹ ṅọnrin ogige onyẹ a kpụ ite, gi ẹ họnrin ikpẹkpẹ itumunyẹ.
8
Ya haịn wẹ gi a kpọ ogige hụ “Ogige Ẹdeke” d'e rukwọ tannị.
9
Ya kẹ ihiẹn Osolobuẹ gi Jerimaya onyẹ-amụma ku nọ mẹzu, “Wẹ nọ weri akpụrụ egho siliva iri-kwasị-ọgụn hụ, ọnụ egho ndị Izrẹlụ hụn okẹnnyẹ hụ;
10
gi ẹ ṅọnrin ogige Ọkpụ-ite kẹ Di-nwọnni-ẹnyi dọn gwa m.”
11
Jizọsị turu nwan ihun Paịleti, hụn wụ Gọvanọ rị a kịdọnni ndị Rom. Paịleti nọ sị, “Ịyụ wụ eze ndị Ju?” Jizọsị nọ sị a, “Y'e kugụọ a.”
12
Kanị, ogẹn ndị-isi nchụn-ẹjan lẹ ndị-isi gi rị e kingbu ẹ ebẹhụ, ọ gba nkịtịn!
13
Ya kẹ Paịleti nọ sị a, “Y'a rị a nụ ihiẹn ile wẹ rị e kin nị ya k'i mẹ?”
14
Kanị, ọ shịarịnị ihiẹn ọwụlẹ, kaka akpohu — nke wụnị ọ tụ Paịleti wụ Gọvanọ ẹnya ọda-ọda.
15
Mmẹmmẹ-nghafe ọwụlẹ, Gọvanọ a hapụnị wẹ onyẹ-ngan ohu ọwụlẹ wẹ chọ.
16
Ogẹn hụ, eje-ịhịan wẹ marịn amarịn rị imẹ ụlọ-ngan. Ẹfan a wụ Jizọsị Barabasị.
17
Ogẹn ndị alị gi zugụ, Paịleti nọ sị wẹ, “Onyẹ kẹ ụnụ chọ nị m hapụnị ụnụ? Jizọsị wụ Barabasị ra Jizọsị w'a kpọ Kraịstị?”
18
Paịleti ku ihiẹnni makẹni ọ marịngụọ nị iwe kẹ wẹ gi we Jizọsị wụ Kraịstị ye ẹ.
19
Ogẹn Paịleti gi nọdị alị elu Ocho okinkin-ikpe, nwunyẹ ẹ nọ zi wẹ d'a sị a, “Wepụkwọ ẹka oku onyẹ ezi-omumẹ hụ, makẹni e gigụọkwọ m'a rọ eje-nrọ tannị.”
20
Kanị ndị-isi nchụn-ẹjan lẹ ndị-isi Izrẹlụ nọ sị igunrun hụ wẹ sị Paịleti hapụnị wẹ Barabasị, wẹ gbu Jizọsị.
21
Paịleti nọ jụzị wẹ, “Imẹ wẹ ẹbụbụọ, onyẹ kẹ ụnụ chọ nị m hapụnị ụnụ?” Wẹ nọ sị, “Barabasị.”
22
Paịleti nọ sị, “Kị m'e gi nwan Jizọsị w'a kpọ Kraịstị mẹ?” Wẹ ile nọ sị, “Kpọgbu ẹ.”
23
Ọ nọ sị, “Kị haịn? Elee eje-ihiẹn k'o mẹ?” Kanị wẹ ile nọ yikẹnmẹdẹ oro, sị, “Kpọgbu ẹ elu obe.”
24
Ogẹn Paịleti gi hụn nị arị wẹ e kweri nke ẹ, hụnzị a nị isusu e d'e bidọn, ọ nọ weri mirin kwọpụ ẹka idẹnya igunrun hụ, sị, “Ẹdeke onyẹni arị m ẹka; ẹka ụnụ k'ọ rị nwan!”
25
Igunrun hụ ile nọ sị, “Ẹghẹẹ, ẹdeke ẹ ya rị ẹnyi lẹ ụmụ ẹnyi isi!”
26
Ya ọ nọ hapụnị wẹ Barabasị; ọ fịangụ Jizọsị mkpịnsịn, ọ nọ w'ẹ ye wẹ kpọgbu.
27
Ya ndị-agha Paịleti nọ we Jizọsị shi imẹ ọgwa Paịleti, kpọgbama itu-agha hụ ile; ya wẹ nọ fihunmẹ Jizọsị.
28
Wẹ nọ gbụpụ a ẹwuru ẹ, yimẹ ẹ ẹwuru ufie lekẹ eze.
29
Wẹ nọ gi ogun kpa okpu-eze, bu ẹ che ẹ isi, bu ọkpọ che ẹ ẹka-ihiẹn; e gbun'ẹ osekpu, e gi ẹ e gu egu, a sị a, “Agụ!! Eze ndị Ju!!”
30
Wẹ nọ jụ a ẹsọn, napụ a ọkpọ hụ wẹ te buche ẹ ẹka, fịanma a ya isi.
31
Ogẹn wẹ gi gigụ a kpa ẹmụ, wẹ nọ yipụ a ẹwuru ufie hụ, yimẹzi ẹ ẹwuru ẹ. Wẹ nọ duru ẹ d'a kpọgbu elu obe.
32
Ebe wẹ jẹnkọ, wẹ nọ kunrun onyẹ Saịrini ohu w'a kpọ Saịmọnụ, wẹ nọ w'a y'ẹ olu buru obe Jizọsị.
33
Ogẹn wẹ gi ru ebe w'a kpọ “Gọgọta” hụn wụ “Ebe-Okpokomisi”,
34
wẹ nọ ye Jesu manya wẹ buche ihiẹn e lu ilu ra, kanị, ọ danmịn a, ọ nọ jụ n'ọ rakọ a.
35
Ogẹn wẹ gi kpọmagụ a elu obe, wẹ nọ tụ nkpọ, gi ẹ keri ẹwuru ndị o yi. Ọnwan mẹ kẹni ihiẹn onyẹ-amụma ku hụn ụzọ mẹzu. Onyẹ-amụma sị, “E keri wẹ ẹkwa m, a tụ wẹ nkpọ, gi ẹ keri ẹwuru m.”
36
Wẹ nọ nọdị alị, e che ẹ nche.
37
Wẹ de ihiẹn wẹ gi m'a ikpe ye elu obe hụ, ibe isi ẹ. Ihiẹn wẹ de wụ, “Ọnwan wụ Jizọsị, Eze ndị Ju.”
38
Wẹ kpọmazị ndị ohin ẹbụọ chen'ẹ, onyẹ ohu elu obe rị ẹka-nni ẹ, onyẹ ohu elu obe rị ẹka-ekpẹn ẹ.
39
Ndị ghafekọnị hụ a kpọlịa a, e finfin isi,
40
a sị, “Onyẹ nwẹn sị o k'e tikpọ Ụlọ-nsọ gi akpọhịn ẹtọ tụndọnzi ẹ, zụọpụha nwan enwẹn i! Omẹni ị wụ Nwa Osolobuẹ, gha elu obe hidan.”
41
Ẹrịra kẹ ndị-isi nchụn-ẹjan lẹ ndị-nkuzi Iwu lẹ ndị-isi dọnzikwọ mụ a ẹmụ, a sị,
42
“Ọ zụọpụhagụọ ndị ọzọ, kanị ọ sa nị ẹka zụọpụha enwẹn ẹ. Ịya wụ eze Izrẹlụ nụ! Ya gha nwan elu obe hidan, kẹni ẹnyi kwerin'ẹ.
43
O gi Osolobuẹ dọn ẹnya; Osolobuẹ ya zụọpụha a nwan omẹni ọ chọghọ a. Makẹni, ọ sị, ‘Mmẹ wụ Nwa Osolobuẹ.’ ”
44
Ẹrịra kẹ ndị ohin ahụn wẹ kpọmasọnmẹ elu obe kẹ ya dọnzikwọ kpari ẹ.
45
Efinnaị hụ, ọkịkị nọ gba alị hụ ile gha ọkụrọkụ mmẹbụọ ẹnya anwụn gi a rị isi d'e ru ọkụrọkụ ẹtọ.
46
Ibẹka ọkụrọkụ ẹtọ, Jizọsị nọ gi okẹn olu yi, sị, “Ẹlaị! Ẹlaị!! Lama Sabakitani?!” Ya wụ, “Osolobuẹ m! Osolobuẹ m!! Kị haịn i gi la m tọ?!”
47
Kanị, ụfọdụ ndị turu ebahụn a nụ a, wẹ nọ sị, “Ọ rị a hị Ẹlaịja!”
48
Onyẹ ohu imẹ wẹ nọ gbajẹn ozigbo, bịan ẹru ye imẹ manya rụ-ụka, fa a ye mkpịnsịn gi ẹ y'ẹ ya ra elu obe hụ ọ rị.
49
Kanị, ndị ọzọ sị, “Cheri ni, nị ẹnyi lele kẹ Ẹlaịja k'a bịa d'a zụọpụha a.”
50
Jizọsị nọ gi okẹn olu yizi oro, kwọnbepụ, nwụnhụn.
51
Ya kẹ ẹkwa wẹ gi gbọnbepụ Ebẹhụ Kachanrịn Nsọ imẹ Ụlọ-nsọ nọ gbawa ẹbụọ ozigbo, gha elu d'e ru alị. Alị nọ zinzin, ọmụma hụ e tiwa;
52
ili ichẹn-ichẹn nọ kpupụ, ndị nsọ bu ọda nwụnhụnnị nọ lihi.
53
Ogẹn Jizọsị gi ghagụ ọnwụn lihi, wẹ nọ pụhasọnmẹ, banye imẹ obodo nsọ hụ wụ Jerusalẹm; ndị bu ọda hụn wẹ ebẹhụ.
54
Ogẹn ọkị-agha hụ lẹ ndị-agha ya lẹ wẹ rị e che Jizọsị nche gi hụn alị-ọmahihie lẹ ihiẹn ndị hụ mẹni, egun nọ bịa wẹ, wẹ nọ sị, “Ezioku, onyẹni wụ Nwa Osolobuẹ!”
55
O nwọn ikpoho bu ọda rịzị ebẹhụ hụn gha ebe teni e lee ihiẹn rị e mẹni. Ndịnị gha Galili sọnhẹn Jizọsị, e yen'ẹ ẹka.
56
Ndị hụ imẹ wẹ wụ Meri onyẹ obodo Magidala, Meri nnẹ Jemisi lẹ Josẹfụ lẹ nnẹ ụmụ Zẹbẹdi.
57
O ru ogẹn ẹnyasị, ọdanfịn ohu w'a kpọ Josẹfụ hụn wụ onyẹ obodo Arịmatịa nọ bịa. Okẹnnyẹni nkẹ e sọnzikwọ Jizọsị esọn.
58
O jẹn d'e kunrun Paịleti, sị a buye ẹ ẹhụ Jizọsị. Ya Paịleti nọ sị wẹ buye ẹ ya.
59
Josẹfụ nọ buru ẹ; gi ẹkwa linẹ nwunni fụma a,
60
bu ẹ che imẹ ili ọhụn ọ mẹmẹtọnị enwẹn ẹ, hụn wẹ guye imẹ ọmụma. O ligụ a, ọ nọ gi ọmụma hi-ogbe nukin ọnụ ili hụ, pụ.
61
Meri onyẹ obodo Magidala lẹ Meri hụn-ẹbọ nọdị alị, ebe wẹ nọdị bu ihun zinmẹ ili hụ.
62
O ru ẹnyasị hụ, hụn ụhụọhịn wẹ gi a kwademẹ Ezumikẹn gi gharịgụ, ndị-isi nchụn-ẹjan lẹ ndị Itu-Farisi nọ zu d'e kunrun Paịleti,
63
sị a, “Diọkpa, ẹnyi a nyanhan nị kẹ onyẹ-ntụ hụ rị ndụn, ọ sị, ‘Akpọhịn ẹtọ ghafegụ, m jẹnkọ d'e lihi.’
64
Sị wẹ nwan d'e chekin ili hụ ọhụnma-ọhụnma d'e ru akpọhịn ẹtọ hụ, amamgbe ndị nsọnmazụụn a a bịa d'e zuru ẹhụ a, gwama ịhịan ile, sị, ‘Ọ ghagụọ ọnwụn lihi’; ogẹn hụ ndufie ikpanzụụn ahụn a karị nke ibuzọ njọ.”
65
Paịleti nọ sị wẹ, “Weri ni nwan ndị-agha; jẹn ni d'e che ẹ nche kẹ ikẹn ụnụ han.”
66
Ya wẹ nọ jẹnmẹ d'e gbọnbepụ ili hụ ghahanị ideye ihiẹn ọmụma hụ lẹ ibutọ ndị nche.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28