bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 8
Matthew 8
Ika 2018 Bible
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
1
Ogẹn Jesu gi hidan elu òke hụ ọ nọ kuzi, igwerigwe ịhịan nọ sọnmẹ ẹ.
2
Ya kẹ okẹnnyẹ ohu emu oti rị a kụ nọ bịa, gbun'ẹ osekpu, sị, “Di-nwọnni-ẹnyi, omẹni y'a chọghọ, i k'e saẹka zụọ m otini, a wụbehi m onyẹ rụnị.”
3
Jesu nọ tịnpụ ẹka, mẹtụ a, sị, “A chọghọ m; dịnhịn nwan n'ị wụbehi onyẹ rụnị.” Oti hụ nọ la ozigbo, ọ nọ wụbehi onyẹ rụnị.
4
Jizọsị nọ sị a, “Hụn a n'o nwọnni onyẹ ị gwa ihiẹnni; ka we enwẹn i d'a ghọsị onyẹ nchụn-ẹjan, y'e ye oyiye hụ Mozizi ku imẹ Iwu, n'i gi ẹ ghọsị wẹ nị y'a dịnhịngụọ wụbehi onyẹ rụnị.”
5
Ogẹn Jizọsị gi banhan imẹ Kapanọm, onyẹ-isi agha Rom hụn a kị ndị-agha ọgụn-isẹn nọ bịa, rịọ a sị,
6
“Diọkpa, emu rị a kụ odibo m. O dinẹ mmụlọ, a ra sa ẹka mẹhunmẹ; ọ rị okẹn afụnfụn.”
7
Jizọsị a sị a, “M k'a bịa d'a zụọ a.”
8
Kanị onyẹ-isi agha hụ nọ sị a, “Diọkpa, eruni m onyẹ y'a banye iwe ẹ! Ka kuhụ oku sụọ, odibo m k'a dịnhịn.
9
Makẹni, mmẹ nwẹn rị okpuru ịhịan; m nwọnzikwọ ndị-agha rị okpuru m. M sị hụnnị, ‘Jẹn,’ o jẹn; m sị hụnnị, ‘Bịa,’ ọ bịa; m sị igbọn m, ‘Mẹ ihiẹnni,’ o mẹ ẹ.”
10
Jizọsị a nụ ihiẹn o ku, ọ nọ tụ a ẹnya. Jizọsị nọ sị ndị rị e sọnn'ẹ, “M rị a gwa ụnụ ezioku, ahụntuni m onyẹ Izrẹlụ nwọn okukwe han ẹnịna.
11
M rị a gwa ụnụ, ndị bụ ọda k'a gha kẹ ẹbamịn ọwụwa-ẹnyanwụn kẹ ẹbamịn ọdịdan-ẹnyanwụn bịa d'e sọn Ebraham lẹ Aziki lẹ Jekọpụ ri oriri imẹ Alị-eze elu-igwee;
12
kanị ụmụ Alị-eze hụn nkẹ a banyen'ẹ k'a rị ẹkpa ishi rị ezi ebe wẹ k'a chụshi wẹ, ebe ịkwan-ẹkwan lẹ ịta nkwẹnrẹn-eze jẹnkọ d'a rị.”
13
Ọ nọ sị onyẹ-isi agha hụ, “Jẹnmẹ; ya rịn'ị k'ị dọn kweri.” Ogẹn hụ hụra, odibo ẹ nọ dịnhịn.
14
Ogẹn Jizọsị gi banye iwe Pita, ọ nọ hụn nị nnẹ nwunyẹ Pita dinẹ edinẹ yeni ẹhụ-ọkụn.
15
Jizọsị nọ mẹtụ a ẹka, ẹhụ-ọkụn hụ nọ hapụ a. Ọ nọ lihi, lemẹ Jizọsị ọbịa.
16
Ẹnyasị hụ, wẹ nọ wẹhẹni Jizọsị ndị bu ọda eje-mmọn rị imẹ wẹ, ọ nọ gi oku-ọnụ mmakalaka chụpụsọnmẹ eje-mmọn ndị hụ, zụọzịkwọ ndị ile emu rị a kụ.
17
Ẹnịna kẹ ihiẹn Chuku gi onyẹ-amụma wụ Azaya ku dọn mẹzu. Azaya sị, “O wepụ emu ẹnyi, buru irẹnhụn ẹnyi.”
18
Ogẹn Jizọsị gi hụn igunrun fihunmẹn'ẹ, ọ nọ sị ndị nsọnmazụụn a mẹmẹ nị wẹ fetu odiyiri Galili hụ.
19
Ya onyẹ-nkuzi Iwu nọ bịa d'a sị a, “Di-nwọnni-ẹnyi, m k'e sọn i ebe ọwụlẹ i jẹnkọ.”
20
Jizọsị nọ sị, “Ufu nwọn okporo ọ rụban; nnụnụ e fe elu nwọn ẹkụụ; kanị mmẹ Nwa nke Ịhịan enwọn ebe m'e buche isi.”
21
Onyẹ ọzọ imẹ ndị nsọnmazụụn a nọ sị a, “Di-nwọnni-ẹnyi, nị m jẹngụ d'e li nẹdi m.”
22
Kanị Jizọsị nọ sị a, “Sọnmẹ m; hapụ ndị nwụnhụnnị nị wẹ li ndị nke wẹ nwụnhụnnị.”
23
Ya Jesu nọ nwan banye ụgbọ-mirin, ndị nsọnmazụụn a nọ sọn ẹ banye.
24
Ẹbi a kpọma idẹnmizi, nke wụ nị ụgbọ hụ e d'e ruban imẹ mirin yeni okẹn ẹbi hụ, kanị Jizọsị rị ụran.
25
Ya wẹ nọ jẹn d'a kpọtiẹn ẹ, sị, “Di-nwọnni-ẹnyi, zụọpụha ẹnyi! Ẹnyi a laọlẹ!”
26
Ọ nọ sị wẹ, “Kị ụnụ rị a tụnị egun? Ndị okukwe nta!” Ya ọ nọ lihi ọtọ, jụgbọ okẹn ufere hụ lẹ ohimin hụ. Ụzọ ile nọ mẹchanrịn rajụụ.
27
Ọ tụ wẹ ẹnya. Wẹ nọ sị, “Elee ụdị ịhịan wụ ọnwan, hụn ufere lẹ ohimin gi e humẹn'ẹ isi!?”
28
Ogẹn Jizọsị gi ru azụụn hụn-ẹbọ, hụn wụ alị ndị Gadara, ikẹnnyẹ ẹbụọ eje-mmọn rị imẹ wẹ gha ikpẹkpẹ pụha nọ kunrun ẹ. Wẹ e gbogbo ọda-ọda, nke wụnị onwọnni onyẹ a s'ẹka a ghazị azụụn hụ.
29
Wẹ nọ dọbepụ oro, sị, “K'i gi ẹnyi e mẹ, Nwa Osolobuẹ? Ị bịa ebeni d'e ye ẹnyi afụnfụn bụ ogẹn e ke ru?”
30
Igunrun ezin rị ẹhụ ebẹhụ ihiẹnni rị e mẹ a kpa nni.
31
Eje-mmọn ndị hụ nọ rịọ Jesu, sị, “Omẹni y'a chụpụ ẹnyi, dodo zi ẹnyi ye imẹ igunrun ezin hụ.”
32
Ya ọ nọ sị wẹ, “Jẹnmẹ ni!” Ya wẹ nọ pụha, banyesọnmẹ imẹ ezin ndị hụ. Igunrun ezin hụ ile nọ kpọtu idẹnmizi, zụnban imẹ mirin hụ, ragbu enwẹn wẹ.
33
Ndị-ndu ezin ndị hụ nọ gbashi imẹ obodo d'a gwa wẹ ihiẹn ile mẹni lẹ ihiẹn mẹ ikẹnnyẹ ndị hụ eje-mmọn te rị imẹ wẹ.
34
Ya ndị obodo hụ nọ rupụha d'e kunrun Jizọsị; a hụn w'a, wẹ nọ rịọ a n'ọ gha ẹgbẹrẹ wẹ pụ.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28