bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 19
Matthew 19
Ika 2018 Bible
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
1
Ogẹn Jizọsị gi kuchanrịngụ ihiẹn ndịnị, ọ nọ gha Galili pụ, shi ẹgbẹrẹ Judia hụn rị nfetu Iyi Jọdanị.
2
Igunrun hi-ogbe nọ sọnmẹ ẹ, ọ nọ zụọ wẹ ebẹhụ.
3
O nwọn ndị Itu-Farisi bịa d'e shin'ẹ ọnyan, sị a, “Iwu e kwerighọ nị ihiẹn ile kẹ okẹnnyẹ gi e kpechan nwunyẹ ẹ?”
4
Jizọsị nọ za, sị, “Ụnụ e ke gụn a imẹ Ẹkụkwọ-nsọ nị Onyẹ hụn keni wẹ ke wẹ okẹn lẹ onyẹnnyẹ ogẹn mbidọn?
5
N'ọ sị, ‘Ufiri ẹ, okẹnnyẹ sikọ d'a latọ nẹdi ẹ lẹ nnẹ ẹ, kwọnkẹnmẹ nwunyẹ ẹ, wẹ ẹbụbụọ a wụrụ ẹhụ ohu’?
6
Ya wụ, ẹlẹzi wẹ mmadụ ẹbụọ, kanị, ẹhụ ohu. Ihiẹn Osolobuẹ wegbamagụ, ịhịan y'e kebelẹ ẹ.”
7
Ndị Itu-Farisi hụ nọ jụzị a, “Kị haịn nwan Mozizi gi ye iwu imẹ Ẹkụkwọ-nsọ nị okẹnnyẹ nwọn ikẹn ye nwunyẹ ẹ ẹkụkwọ-mkpechan, kpechan a?”
8
Jizọsị nọ za, sị, “Obi ụnụ e zekẹ haịn Mozizi gi hatu ụnụ nị ụnụ e kpechan inyẹnmẹ ụnụ; kanị ẹlẹ ẹrịra k'ọ rị gha alị lala.
9
M rị a gwa ụnụ, onyẹ kpechan nwunyẹ ẹ bụ ẹlẹni nwunyẹ ẹ zọ ụkụ ye ọfịa, ọ lụrụ nwunyẹ ọzọ, ọ ghẹrẹọlẹ.”
10
Ndị nsọnmazụụn a nọ sị, “Omẹni ẹrịra kẹ oku di-lẹ-nwunyẹ nọ, ọ kakwọ mma nị ịhịan alụnị.”
11
Kanị Jesu nọ sị wẹ, “Ẹlẹ ịhịan ile jẹnkọ d'a nabanhan okuni mmanị ndị wẹ gi ufiri wẹ ku ẹ.
12
O nwọn ndị ghalẹni a lụ di-lẹ-nwunyẹ makẹni enwọn wẹ ẹhụ kete wẹ mụlẹ wẹ; o nwọn ndị ghalẹni a lụ di-lẹ-nwunyẹ makẹni wẹ wara wẹ awara; o nwọn ndị sị nị alụkọ wẹ makẹ ufiri Alị-eze elu-igwee. Onyẹ k'a saẹka nabanhan okuni ya nabanhan a.”
13
O nwọn ndị wẹhẹni Jizọsị ụmụ-ndu n'o bu ẹka kwasị wẹ, mẹ ekpere, kanị ndị nsọnmazụụn a nọ jụgbọ ndị hụ.
14
Kanị Jizọsị nọ sị, “Hatu ni ụmụ-ndu nị wẹ d'e kunrun m; egbọndọnlẹ ni wẹ, makẹni Alị-eze elu-igwee wụ nke ndị nọ ẹrịra.”
15
O bugụ ẹka kwasị ụmụẹka hụ, ọ nọ gha ebahụn pụ.
16
Ya kẹ okẹnnyẹ ohu nọ bịa d'e kunrun Jizọsị, sị, “Onyẹ-nkuzi, kị wụ ihiẹn rị mma m sikọ d'e mẹ nị m nwọnrin ndụn itẹbitẹ?”
17
Jizọsị nọ sị a, “Kị rị a jụnị m oku ihiẹn rị mma? Onyẹ ohu sụọ rị mma. Kanị ị chọ n'ị banye ndụn, mẹ ihiẹn ndị hụ Iwu ku.”
18
Ọ nọ sị, “Elee ndị?” Jizọsị nọ sị, “Egbulẹ ọchụn; aghẹrẹlẹ; ezunlẹ ohin; ebuokinlẹ ịhịan ọnụ;
19
gbaye nẹdi i lẹ nnẹ i; ihiẹn ibe i ya sụọ ị kẹ enwẹn i dọn a sụọ ị.”
20
Okorọbịa hụ nọ sị, “M hụ e mẹ ihiẹn ndịnị ile; kị họdụzị m jẹnkọ d'e mẹ?”
21
Jizọsị nọ sị a, “Ị chọ n'i zu oke, jẹnmẹ, repụ ihiẹn i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee, y'a bịa d'e sọnmẹ m.”
22
Ogẹn okorọbịa hụ gi nụ ihiẹnni, ọ nọ sụkụrụ (gbusuru) pụ, makẹni o nwọnkẹ ihiẹn.
23
Jizọsị nọ sị ndị nsọnmazụụn a, “M rị a gwa ụnụ ezioku, Alị-eze elu-igwee k'a fụ ọdanfịn ọrụn ọbanye.
24
M rịzị a gwa ụnụ, ọ ka nfe nị anyịnyan-mkpukpuke wụ kamẹlụ ghafe ẹnya olodẹn karị nị ọdanfịn banye Alị-eze Osolobuẹ.”
25
Ogẹn ndị nsọnmazụụn a gi nụ ihiẹnni, ọ tụ wẹ ẹnya ọda-ọda, wẹ nọ sị, “Onyẹ jẹnkọ d'a sazị nwan ẹka nwọn nzụọpụha?”
26
Kanị Jizọsị e lee wẹ ẹnya, ọ nọ sị wẹ, “Ebe ịhịan rị, ọ sakọ ẹka mẹ, kanị ebe Osolobuẹ rị, onwọnni ihiẹn ghalẹni a saẹka e mẹ.”
27
Ya Pita nọ sị, “Lee ẹ, ẹnyi a lagụọ ihiẹn ile tọ sọnmẹ i, kị ẹnyi jẹnkọ nwan d'e nwọnhẹn?”
28
Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.
29
Onyẹ gi ufiri m latọ ezi-lẹ-ụlọ mọbụ umunẹ-ikẹnnyẹ mọbụ umunẹ-ikpoho mọbụ nẹdi mọbụ nnẹ mọbụ ụmụ mọbụ alị o nwọn jẹnkọ d'e nwọnhẹn wẹ mmagi-mmagi ụzọ ọgụn-isẹn, nwọnhẹnzikwọ ndụn itẹbitẹ.
30
Kanị, imẹrinmẹ bu ụzọ jẹnkọ d'a kpanrịn azụụn, ndị kpan azụụn e buru ụzọ.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28