bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 21
Matthew 21
Ika 2018 Bible
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
1
Ogẹn wẹ gi nọkunmẹmẹ Jerusalẹm, pụha Ugu Olivu rị Bẹtifeji, Jizọsị nọ zi ndị nsọnmazụụn a ẹbụọ,
2
sị wẹ, “Banye ni nwa-alịnị rị ụnụ ihun, ụnụ jẹnkọ d'a hụn Jaki wẹ limẹ ebẹhụ lẹ nwa a nọdịyenin'ẹ. Tọpụ nị wẹ wẹhẹni m.
3
Onyẹ sị ụnụ ihiẹn ọwụlẹ, sị n'a hụ, ‘Onyẹ-nwọnni-ẹnyi chọ wẹ’, o sikọ d'a sị ụnụ weri wẹ ozigbo.”
4
Ọnwan kẹ wẹ gi mẹzu ihiẹn Osolobuẹ gi onyẹ-amụma ku: Ọ sị,
5
“Sị nị ndị obodo Zayọnụ, lee ẹ, eze ụnụ lala d'e kunrun ụnụ, o welụa enwẹn ẹ alị: ọ nyinla Jaki lẹ nwa-jaki.”
6
Ndị nsọnmazụụn a ẹbụọ hụ nọ jẹn d'e mẹ kẹ Jizọsị dọn zi wẹ.
7
E wẹhẹ wẹ Jaki hụ lẹ nwa-jaki hụ, gi ẹwuru w'e yiye elu ẹ gbama elu wẹ, Jizọsị nọ nọdị elu wẹ.
8
Imẹrinmẹ ndị rị imẹ igunrun hụ nọ gi ẹwuru wẹ gbama ụzọ, ndị ọzọ a kpagiri agalaba osisi ndị rị ebẹhụ gbama ụzọ.
9
Igunrun hụ rị a ihun lẹ ndị sọnkọn'a hụ e yi oro, a sị, “Ọjịja-mma ya rịnị Nwa Defidi! Ngọzi ya rịnị Onyẹ hụ gi ẹfan Di-nwọnni-ẹnyi lala! Ọjịja-mma ya rị nị Osolobuẹ imẹ ebẹhụ kachanrịn elu-igwee.”
10
Ogẹn o gi nwan banye Jerusalẹm, ọ rịkẹ sị wẹ kpasu obodo hụ ile: Wẹ hụ a jụ, “Onyẹ wụ onyẹni?”
11
Igunrun ahụn nọ sị, “Onyẹni wụ Jizọsị, onyẹ-amụma ahụn gha Nazarẹtị rị Galili bịa.”
12
Ya Jizọsị nọ banye Ụlọ-nsọ, chụpụ ndị ile rị a zụ afịa imẹ Ụlọ-nsọ — kẹ ndị rị e reni kẹ ndị rị e ṅọnni; o hukpumẹ teburu ndị a gbahutọ egho lẹ oche ndị e re oluikuku.
13
Ọ sị wẹ, “Wẹ de ẹ imẹ Ẹkụkwọ-nsọ, sị, ‘Wẹ k'a kpọ Ụlọ m ụlọ ekpere’, kanị ụnụ e gigụọ a họnrin ebe ndị ohin a warị!”
14
Ndị ẹnya-ishi lẹ ndị ngụrọ a bịa d'e kunrun ẹ imẹ Ụlọ-nsọ, ọ nọ zụọ wẹ.
15
Kanị ogẹn ndị-isi nchụn-ẹjan lẹ ndị-nkuzi Iwu gi hụn ihiẹn ndị a tụ ẹnya ọ rị e mẹ, hụnzị kẹ ụmụ-ndu rị imẹ Ụlọ-nsọ rị e yi oro, a sị, “Ọjịja-mma ya rịnị nwa Defidi,” iwe nọ wemẹ wẹ.
16
Wẹ nọ sị a, “Ị hụ a nụ ihiẹn ụmụ-nduni rị e ku?” Jizọsị nọ sị wẹ, “Ẹghẹẹ, m hụ a nụ. Ụnụ e ke gụntu ebẹhụ Ẹkụkwọ-nsọ nọ sị, ‘Y'e gigụọ ọnụ ụmụẹka lẹ ndị rị a ra ẹran kwademẹ ịja-mma zu oke’?”
17
Ọ nọ la wẹ tọ, gha imẹ obodo hụ pụ, shi Bẹtani d'a nọdị uhinhin hụ.
18
Eki e fọn ụzụtụntụn, ebe o kinkọ Jerusalẹm, ẹgụn hụ a gụn a.
19
Ọ nọ hụn osisi figi mkpẹnrẹn ụzọ; o ru ukun ẹ, onwọnni ihiẹn ọ hụn elu ẹ mmanị ẹhụhụọ sụọ. Ọ nọ sị osisi hụ, “Amịzịlẹ mkpụrụ jẹnrin ejẹn.” Ya kẹ Osisi hụ nọ kpọpụ nkụn ozigbo.
20
Ndị nsọnmazụụn a a hụn ihiẹnni, ọ tụ wẹ ẹnya, wẹ nọ sị, “Nanị osisi hụ dọn kpọpụ nkụn ozigbo?”
21
Jizọsị nọ sị wẹ, “M rị a gwa ụnụ ezioku, omẹni ụnụ nwọn okukwe, nị ụnụ enwọnni obi-ẹbụọ, ụnụ k'a saẹka mẹ ihiẹn wẹ mẹ osisi figi hụ. Ẹlẹdẹ ọhụn sụọ, ọsụọn'a nị ụnụ sị uguni, ‘Jẹn d'a tụ enwẹn i ye imẹ ohimin,’ o jẹnkọ d'e mẹ.
22
Ihiẹn ọwụlẹ ụnụ mẹ ekpere rịọ, kweri ni ụnụ k'e nwọnhẹn ẹ, ụnụ k'e nwọnhẹn ẹ.”
23
Ogẹn o gi nwan banye Ụlọ-nsọ, ndị-isi nchụn-ẹjan lẹ ndị-isi nọ bịa d'e kunrun ẹ ebe ọ rị a kuzi, sị a, “Onyẹ sị ị mẹ ihiẹn ndịnị ị rị e mẹ? Onyẹ zi i?”
24
Jizọsị nọ sị wẹ, “Mmẹ lẹ enwẹn m jẹnkọ d'a jụ ụnụ akpụ ụtaa ohu: ụnụ za m'a, a gwa m ụnụ onyẹ sị m mẹ ihiẹn ndịnị.”
25
“Onyẹ sị Jọnụ mẹ Mirin-Chuku o mẹ? Chuku rị elu-igwee zi ẹ, ra ịhịan?” Wẹ nọ jẹn umẹ, sị, “Ẹnyi sị, ‘Chuku rị elu-igwee zi ẹ,’ o sikọ d'a sị, ‘Kị haịn ụnụ gilẹni nwan gi oku ẹ dọn?’
26
Kanị egun igunrunni anịkọ ẹnyi sị, ‘Ịhịan zi ẹ,’ makẹni ịhịan ile weri ẹ nị Jọnụ wụ onyẹ-amụma.”
27
Ya wẹ nọ sị Jizọsị, “Ẹnyi amarịn.” Ọ nọ sị wẹ, “Mmẹ nwẹn agwakọ ụnụ onyẹ sị m mẹ ihiẹn ndịnị.
28
“Kị ụnụ ro? Okẹnnyẹ ohu mụ ikẹnnyẹ ẹbụọ. O jẹn d'e kunrun nke ibuzọ, sị a, ‘Nwa m, jẹn d'a rụn ọrụn imẹ ugbo vaịnị tannị.’
29
Ọ nọ sị, ‘Ejẹnkọ m.’ Kanị, omẹgụ, o rohutọ, jẹnmẹ.
30
Okẹnnyẹ hụ nọ jẹn d'e kunrun hụn-ẹbọ, gwazị a ẹrịra. Ọ nọ sị, ‘Baba, m sikọ d'e jẹn.’ Kanị o jẹnni.
31
Onyẹ imẹ wẹ mẹ ihiẹn nẹdi ẹ chọ? Wẹ nọ sị, ‘Nke ibuzọ.’ “Jizọsị nọ sị wẹ: M rị a gwa ụnụ ezioku, ndị a na Ụgwọ-isi wẹ gi njọ wẹ marịn lẹ ndị ịgbaraja hụ e buni ụnụ ụzọ a banye Alị-eze Osolobuẹ.
32
Makẹni, Jọnụ hụn e mẹ mirin-Chuku bịa d'a ghọsị ụnụ ezigbo ụzọ ahụn Osolobuẹ chọ, kanị, ụnụ egini oku ẹ dọn. Kanị ndị a na ụgwọ-isi wẹ gi njọ wẹ marịn lẹ ndị ịgbaraja gi ẹ dọn; ogẹn ụnụ gidẹ hụn ihiẹn rị e mẹni ụnụ egin'ẹ rogharị, kweri ihiẹn o ku.
33
“Nụ nị ilu ọzọ: O nwọn onyẹ ohu nwọn alị, ọ nọ kụn a vaịnị, tụnhunmẹ ẹ mgbọn, guye ebe wẹ nọ a pịnpụha manya-vaịnị imẹ ugbo hụ, tụnzịkwọ ụlọ-nche ye ẹ, bu ẹ che ẹka ndị sikọ d'a gha a rụn a e-gbu-e-ke. Ọ nọ shi alị ọzọ.
34
Ogẹn vaịnị e rumẹ, ọ nọ zi idibo ẹ jẹnni ndị hụ ugbo hụ rị ẹka d'a nahan wẹ ihiẹn vaịnị a mị.
35
Ndị hụ ugbo hụ rị ẹka nọ kwọndọn idibo ẹ, gbu onyẹ ohu ili, gbu onyẹ ohu ozun, ma onyẹ ohu ọmụma.
36
O zijẹnzi idibo ẹ ọzọ bu ọda karị ndị ibuzọ. E mẹzi wẹ wẹ ihiẹn wẹ mẹ ndị ibuzọ.
37
Omẹgụ, ọ nọ zijẹn nwa a, sị, ‘Wẹ sikọ d'a gbaye nwa m.’
38
Kanị, ogẹn ndị hụ ugbo hụ rị ẹka gi hụn nwa a, wẹ nọ sị ibe wẹ, ‘Onyẹni wụ hụn jẹnkọ d'e nwọnrin ebeni omẹgụ; nị ẹnyi gbupụn'a nwan weri ihiẹn ẹ!’
39
Ya wẹ nọ kwọndọn ẹ, gha ugbo-vaịnị hụ dọkpụnpụ a, gbu ẹ.
40
“Onyẹ nwọn ugbo-vaịnị hụ bịa nwan, k'o k'e mẹ ndị hụ ugbo hụ rị ẹka?
41
Wẹ nọ za, sị, ‘O jẹnkọ d'e gbu ndị-ẹti hụ, gbu wẹ la iwi, we ugbo-vaịnị hụ ye ndị ọzọ hụn jẹnkọ d'a rụnn'a, e ye ẹ ihiẹn-ugbo ẹ ogẹn ihiẹn-ugbo.’
42
“Jizọsị nọ sị wẹ: Ụnụ e ke gụntu ihiẹn Ẹkụkwọ-nsọ ku? Ẹkụkwọ-nsọ sị, ‘Ọmụma hụ ndị a tụn ụlọ jụ, a wụrụọlẹ hụn gi ụlọ; Ẹka Di-nwọnni-ẹnyi mẹ ihiẹnni, ọ tụka ẹnyi ẹnya!’
43
“M rị nwan a gwa ụnụ nị wẹ jẹnkọ d'a narịn ụnụ Alị-eze Osolobuẹ, we ẹ ye ndị alị ọzọ jẹnkọ d'a mị mkpụrụ a.
44
Onyẹ danye elu ọmụmanị jẹnkọ d'e tigungwọn, kanị ọ dankwasị ịhịan, o gwerinrin ẹ!”
45
Ogẹn ndị-isi nchụn-ẹjan lẹ ndị Itu-Farisi gi nụ ilu ndịnị, wẹ nọ marịn nị uwẹ k'ọ rị e ku.
46
Wẹ te chọ nị wẹ nwụnrụn a, kanị egun igunrun rị ebahụn anịnị wẹ, makẹni wẹ weri ẹ nị onyẹ-amụma k'ọ wụ.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28