bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 16
Matthew 16
Ika 2018 Bible
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
1
Ndị Itu-Farisi lẹ ndị Itu-Sadusi nọ wịrị d'a chọ ihiẹn rị Jizọsị ọnụ, sị a ghọsị wẹ ahịma gha elu-igwee bịa.
2
Kanị Jizọsị nọ za wẹ, sị, “O ru ẹnyasị, ụnụ sị, ‘Mirin ezuekọ, makẹni igwere fọn efọn.’
3
Ụtụntụn, ụnụ sị, ‘Mirin jẹnkọ d'e zue tannị makẹni igwere efọnni.’ Ụnụ ma gi igwere kọwa ihiẹn jẹnkọ d'e mẹni, kanị ụnụ ama lee ihiẹn rị e mẹ ogẹnni gi ẹ kọwa ihiẹn ọ ghọsị.
4
Eje-agbọ ẹnya rịlẹni ụzọ ohu rị a chọ ahịma. Kanị, onwọnni ahịma wẹ jẹnkọ d'a ghọsị wẹ wezụka ihiẹn mẹ Jona onyẹ-amụma.” Ọ nọ la wẹ tọ, gha ebẹhụ pụ.
5
Ogẹn ndị nsọnmazụụn a gi fetu mirin Galili, anyanhannị wẹ weri brẹdi,
6
Jizọsị nọ sị wẹ, “Kpachanpụ nị ẹnya makẹ yisti ndị Itu-Farisi lẹ ndị Itu-Sadusi.”
7
Wẹ nọ sị ibe wẹ, “Ọ rị e ku ihiẹnni makẹni ẹnyi ewerini brẹdi.”
8
Jizọsị a marịngụọ ihiẹn wẹ rị e ku; ọ sị wẹ, “Kị ụnụ rị e kuni oku brẹdi ụnụ zọ? Ndị okukwe nta!
9
Ụnụ eke ghọtakwọ nwan? Ụnụ anyanhannị ogbe brẹdi isẹn hụ madụ nnụ-uku isẹn (5,000) ri lẹ ụkpalị ole ụnụ kpọnjun ifunfun ẹ?
10
Ra ụnụ anyanhannị ogbe brẹdi ẹsa madụ nnụ-iri (4,000) ri lẹ ụkpalị ole ụnụ kpọnjun ifunfun ẹ?
11
Kị haịn ụnụ gilẹni ghọha nị ẹlẹ brẹdi mmaka kẹ m rị e ku oku ẹ? Kpachanpụ nị ẹnya makẹ yisti ndị Itu-Farisi lẹ ndị Itu-Sadusi!”
12
Ya wẹ nọ ghọha nị ẹlẹ yisti brẹdi gi a fụ k'ọ sị wẹ kpachanpụnị ẹnya, kanị n'o gi ẹ e ku oku nkuzi ndị Farisi lẹ ndị Sadusi.
13
Ogẹn Jizọsị gi banye ẹgbẹrẹ Sizaria-Filipi, ọ nọ jụ ndị nsọnmazụụn a sị, “Onyẹ kẹ wẹ sị nị ya kẹ mmẹ wụ Nwa nke Ịhịan wụ?”
14
Wẹ nọ za, sị, “O nwọn ndị sị ị wụ Jọnụ hụn e mẹ mirin-Chuku; ndị ọzọ sị ị wụ Ẹlaịja; ndị ọzọ sị ị wụ Jerimaya mọbụ onyẹ ohu imẹ ndị-amụma mbụ.”
15
Kanị ọ nọ sị wẹ, “Onyẹ kẹ ụnụ nwẹn sị nị ya kẹ m wụ?”
16
Saịmọnụ wụ Pita nọ za, sị, “Yụ wụ Kraịstị hụn wụ nwa OSOLOBUẸ RỊ NDỤN.”
17
Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.
18
M rị a gwa ị, ẹfan ị wụ Ọmụma; m jẹnkọ d'a tụn ụka m ye elu ọmụmanị, ọnwụn asaẹka mẹri ẹ.
19
M jẹnkọ d'e ye i ịsanhan Alị-eze elu-igwee: ihiẹn ọwụlẹ ị sị, ‘Mba,’ elu-ụwa elu-igwee sikọ d'a sị, ‘Mba.’ Ihiẹn ọwụlẹ ị sị, ‘Ẹghẹẹ,’ elu-ụwa, elu-igwee jẹnkọ d'a sị, ‘Ẹghẹẹ.’ ”
20
Ya Jizọsị nọ dọ ndị nsọnmazụụn a ẹka-ntịn, wẹ agwakwọlẹ onyẹ ọwụlẹ nị ya wụ Kraịstị.
21
Gha ogẹn hụ jẹnmẹ, Jizọsị nọ gwama ndị nsọnmazụụn a n'o k'e jẹnrịrị Jerusalẹm, nị ndị-isi lẹ ndị-isi nchụn-ẹjan lẹ ndị-nkuzi Iwu k'e mẹshi ẹ ikẹn, gbu ẹ, nke akpọhịn ẹtọ, Osolobuẹ a gha ọnwụn weli ẹ.
22
Kanị Pita nọ weri ẹ shi ụsụọ, jụgbọ a, sị, “Di-nwọnni-ẹnyi, Osolobuẹ a jụ! Onwọnni ogẹn ihiẹnni e gi mẹ i!”
23
Kanị Jesu e gbehutọ, ọ nọ sị Pita, “Ekwensụ, pụ nị m! Ị rị e mẹ m uke, makẹni y'a rị e ro nke Osolobuẹ kanị nke ịhịan.”
24
Ya Jizọsị nọ sị ndị nsọnmazụụn a, “Onyẹ chọ n'o sọn m, ya jụkwọ enwẹn ẹ, buru obe ẹ, sọnmẹ m.
25
Makẹni onyẹ chọ n'o ghe isi, isi ẹ a tọ a; kanị onyẹ hụn gi ufiri m tuhu ndụn a k'a hụn a.
26
Elee erere k'ọ ban nị ịhịan e nwọnchanrịngụ ụwa ile, umẹ-ndụn a a nahịn a? Kị ịhịan sikọ d'e gi gbarị umẹ-ndụn a?
27
“Ẹghẹẹ, Nwa nke Ịhịan k'e gi ọghọ Nẹdi ẹ bịa, ya lẹ ndị mmọn-ozi ẹ k'a wị; ogẹn hụ, o k'a kụ onyẹ ọwụlẹ ụgwọ ihiẹn o mẹ.
28
M rị a gwa ụnụ ezioku, o nwọnghọ ndị rị ebeni jẹnkọlẹni d'a nwụnhụn d'e ru ni a hụn wẹ Nwa nke ịhịan k'ọ lala kẹ eze.”
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28