bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 24
Matthew 24
Ika 2018 Bible
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
1
Jizọsị nọ gha Ụlọ-nsọ pụ; ọ pụkọ, ndị nsọnmazụụn a nọ bịa d'e kunrun ẹ, a ghọsịsọnmẹ ẹ ụlọ rị ichẹn-ichẹn rị Ụlọ-nsọ.
2
Kanị Jizọsị nọ sị wẹ, “Ụnụ a hụn ihiẹn ndịnị? M rị a gwa ụnụ ezioku, onwọnni ogbe ọmụma ohu jẹnkọ d'a họdụ elu ibe ẹ; wẹ k'a kụtuchanrịn wẹ ile.”
3
Jizọsị nọdị alị elu Ugu Olivu, ndị nsọnmazụụn a nọ bịa d'e kunrun ẹ ebẹhụ ya sụọ nọdị, sị, “Gwa ẹnyi, elee ogẹn kẹ ihiẹn ndịnị jẹnkọ d'e mẹ? Kị wụ ahịma ọbịbịa ị lẹ ahịma ọgụgụ-ogẹn?”
4
Jizọsị nọ za wẹ, sị, “Kpachanpụ nị ẹnya makẹ wẹ gha e dufie ụnụ;
5
makẹni, ndị bu ọda jẹnkọ d'e gi ẹfan m bịa, a sị, ‘Mmẹ wụ Kraịstị,’ gi ẹ dufie ndị bu ọda.
6
Ụnụ jẹnkọ d'a nụsọnmẹ nị agha rị, nụsọnmẹ nị agha jẹnkọ d'a rị; ka anịlẹ ni egun tụ ụnụ, makẹni ihiẹn ndịnị jẹnkọ d'e mẹ bụ ọgụgụ-ogẹn eke ru.
7
“Alị sikọ d'a lụsọn alị; alị-eze a lụsọn alị-eze, ụnwụn lẹ alị-ọmahihie jẹnkọ d'a rị ebe rị ichẹn-ichẹn.
8
Kanị, wẹ ile nọhụ kẹ ebe imẹ nọhụ mẹmẹ okpoho.
9
“Ogẹn hụ, wẹ k'e mẹshi ụnụ ikẹn, gbudẹ ụnụ; ize ụnụ jẹnkọ d'a ban alị ndị ọzọ makẹni ụnụ rị a za ẹfan m.
10
Ndị bu ọda jẹnkọ d'a danpụ imẹ okukwe, e re ibe wẹ, e ze ize ibe wẹ.
11
Ndị amụma-ntụ bu ọda jẹnkọ d'a pụha, dufie ndị bu ọda.
12
Ufiri nị njọ jẹnkọ d'a barahị, ihiẹn-ọsụsụọ ndị bu ọda jẹnkọ d'a jụ oyi.
13
Kanị onyẹ hụn din ndidin ru isi ẹ kẹ nzụọpụha jẹnkọ d'e ru ẹka.
14
Wẹ jẹnkọ d'e zigbarị elu-ụwa ile oziọmanị, oziọma Alị-eze, kẹn'ọ wụrụ ọshẹri imẹ alị ile; ogẹn hụ kẹ ọgụgụ-ogẹn e gi ru.
15
“Ya wụ, ụnụ hụn arụ ahụn k'e buhẹ ntikpọ k'o turu imẹ Ebe rị nsọ nọkẹ kẹ Daniẹlụ onyẹ-amụma dọn ku (onyẹ rị a gụnnị ya ghọta a ọhụnma),
16
ndị rị Judia wẹ gbashikwọ elu ugu ndị rị ebẹhụ;
17
onyẹ rị elu ụlọ y'e hidangụkwọlẹ banyemẹzi d'e weri ihiẹn rị mmụlọ;
18
onyẹ rị ugbo, y'e kinkwọlẹ shi ụlọ n'o jẹnkọ d'e weri ẹwuru o yiye elu ẹ.
19
“Kanị o jẹnkọ d'a fụ ndị rị imẹ lẹ ndị pa nwa ẹka ọrụn ogẹn hụ!
20
E mẹ ni nwan ekpere amamgbe ọsọ ụnụ a wụ ebe mirin rị e zue mọbụ Ụhụọhịn Ezumikẹn kẹni ọsọ nị ụnụ gba.
21
Makẹni okẹn afụnfụn jẹnkọ d'a rị, ụdị hụn rịtulẹni kete ụwa e bidọnlẹ, ụdị hụn jẹnkọlẹni d'a rịzị.
22
Omẹni ebelụanị wẹ ogẹn hụ, onwọnni onyẹ k'a wanahịnnị; kanị, Osolobuẹ k'e gi ufiri ndị Osolobuẹ họrị belụa ogẹn nsọngbu ahụn.
23
“Ogẹn hụ, onyẹ sị ụnụ, ‘Lee Kraịstị ebeni!’ Mọbụ ‘Lee ẹ ebẹhụ,’ ekwerikwọlẹ ni.
24
Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.
25
“A gwatọgụọkwọ m ụnụ!
26
“Ya wụ, wẹ sị nwan ụnụ, ‘Lee ẹ, ọ rị imẹ atụ’, ejẹnkwọlẹ ni. Wẹ sị, ‘Lee ẹ, ọ rị mmughẹ’, ekwerikwọlẹ ni.
27
Makẹni, kẹ amụma dọn a gha ọwụwa-ẹnyanwụn e be, a hụn w'a ọdịdan-ẹnyanwụn, ẹrịra kẹ ọbịbịa Nwa nke Ịhịan jẹnkọ d'a rị.
28
Ebe ọwụlẹ ozun rị kẹ udele sikọ d'a nọ zu.
29
“Hụn nsọngbu ogẹn hụ gihụ ghafegụ, ẹnyanwụn jẹnkọ d'a gba ishi, ifọn etikọzị; kokisẹ rị igwere k'a dantusọnmẹ, ikẹn ndị rị igwere k'e mẹhunmẹ.
30
Ogẹn hụ kẹ ahịma Nwa nke Ịhịan k'e gi pụha igwere. Alị ile rị elu-ụwa k'a kwan ẹkwan wẹ hụn Nwa nke Ịhịan. Wẹ k'a hụn Nwa nke Ịhịan k'ọ rị orukpu igwere o gi lala, ya lẹ ikẹn lẹ ọghọ hi-ogbe.
31
O sikọ d'e gi okẹn opi hannị zipụ ndị mmọn-ozi ẹ ẹbamịn ẹnịnọ d'e wegbama ndị nke Osolobuẹ rị ebe ile ụwa ru.
32
“Gi ni osisi figi mụnrụn ihiẹnni: Hụn agalaba a gihụ fọrịma, y'a marịn nị udu-mirin e d'e bidọn.
33
Ẹrịrazịkwọ, ụnụ hụn ihiẹn ndịnị ile, ụnụ a marịn nị ogẹn hụ e rugụọ, n'o rugụọdẹ ọnụmụzọ.
34
M rị a gwa ụnụ ezioku, agbọnị agụchanrịnkọ ihiẹn ndịnị kebe mẹzu.
35
Igwere lẹ ụwa k'a gụ, kanị oku m k'a bụnrịrị.
36
“O mẹ nke ụhụọhịn o k'a wụ mọbụ ogẹn o k'a wụ ụhụọhịn hụ, onwọnni onyẹ marịnnị — kẹ ndị mmọn-ozi rị elu-igwee kẹ mmẹ wụ Nwa-Chuku; Chuku-Nẹdi sụọ marịn.
37
Ọbịbịa Nwa nke Ịhịan jẹnkọ d'a nọ kẹ ihiẹn mẹ ogẹn Nụa.
38
O k'a rị k'ọ rị ogẹn hụ nị okẹn mirin hụ d'a bịa: wẹ hụ e ri a ra, a lụ di lẹ nwunyẹ, d'e ru ụhụọhịn Nụa banye ụgbọ-mirin hụ;
39
amarịn wẹ ihiẹn rị e mẹni d'e ru ni okẹn mirin hụ a bịa, gbupụ wẹ ile. Ẹrịra kẹ ọbịbịa Nwa nke Ịhịan jẹnkọ d'a rị.
40
Ogẹn hụ, ikẹnnyẹ ẹbụọ jẹnkọ d'a rị imẹ ugbo, e weri wẹ onyẹ ohu la ohu tọ;
41
ikpoho ẹbụọ k'a gha a kwọ ihiẹn, e weri wẹ ohu la ohu tọ.
42
We ni nwan ẹnya ru alị, makẹni ụnụ amarịn ụhụọhịn Di-nwọnni ụnụ lala!
43
Marịnkwọ nị nị omẹni onyẹ nwọn ụlọ te marịn ogẹn ohin gi lala iwe ẹ imẹ abalị, nkẹ o che nche, o ke nị a gbukpọ ụlọ a, banhan.
44
Ụnụ nwẹn, kwademẹkwọ nị, makẹni mmẹ wụ Nwa nke Ịhịan lala ogẹn ụnụ tụlẹni ẹnya.”
45
“Onyẹ wụ nwan odibo hụ furu nị wẹ gi ẹ dọn ẹnya, odibo ahụn marịn ihiẹn, hụn di-nwọnn'ẹ sị lepụn'a ezi-lẹ-ụlọ a ẹnya, e ye wẹ ihiẹn-oriri ogẹn furuni?
46
O jẹnkọ d'a rịnị odibo hụ mma omẹni di-nwọnn'ẹ a lụa, hụn a n'ọ hụ e mẹ ihiẹn ndị hụ.
47
M rị a gwa ụnụ ezioku, o sikọ d'e bu ihiẹn ẹ ile che odibo hụ ẹka lepụ ẹnya.
48
Kanị, omẹni eje-odibo rọ, n'ọ sị enwẹn ẹ, ‘Di-nwọnni m alụakọ ẹgwa,’
49
o gbumẹ idibo ibe ẹ ili, e du ndị manya e ri, a ra,
50
di-nwọnn'ẹ jẹnkọ d'a lụa ụhụọhịn ọ tụlẹni ẹnya a lẹ ogẹn ọ marịnlẹni.
51
O k'a jakịka a, bu ẹ che ebe ndị ihunnaị rị, ebẹhụ ịhịan jẹnkọ d'a nọ a kwan ẹkwan, a ta nkwẹnrẹn-eze.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28