bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 14
Matthew 14
Ika 2018 Bible
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
1
Ogẹn hụ, Hẹrọdụ hụn rị a kị Galili nọ nụ ihiẹn Jizọsị rị e mẹ.
2
Ọ nọ sị ndị idibo ẹ, “Onyẹni wụ Jọnụ hụn e mẹ mirin-Chuku. Ọ ghagụọ ọnwụn lihi, ya haịn o gi nwọn ikẹn o gi e mẹ ihiẹn atụmẹnya ndịnị.”
3
Hẹrọdụ nwụnrụn Jọnụ, kẹn ẹ ẹgbụn, tụ a ngan makẹ ufiri Hẹrọdịasị nwunyẹ Filipu nwẹnẹ Hẹrọdụ.
4
Makẹni, o tegụọ Jọnụ gwama Hẹrọdụ oku, a sị a, “Ị rị a dan Iwu hụnnị ị rị a lụ a.”
5
Hẹrọdụ te chọ n'o gbu Jọnụ, kanị egun ndị alị anịn'a makẹni wẹ weri ẹ nị Jọnụ wụ onyẹ-amụma.
6
Kanị, o ru ụhụọhịn wẹ gi a nyanhan ọmụmụ Hẹrọdụ, nwa Hẹrọdịasị okpoho nọ tẹnni wẹ egu hụn sụọ Hẹrọdụ ụsụọ,
7
nke wụnị Hẹrọdụ e kwe ẹ nkwa, kun iyi, n'o sikọ d'e y'ẹ ihiẹn ọwụlẹ ọ rịọ.
8
Nnẹ nwata hụ nọ dụnja a, ọ nọ sị Hẹrọdụ, “Gi afẹrẹni ye m isi Jọnụ hụn e mẹ mirin-Chuku.”
9
Ọ fụka eze wụ Hẹrọdụ nị nwata ahụn rịọ ihiẹnni, kanị ọ nọ gi ufiri iyi o kun lẹ ndị ọbịa a sị wẹ ye nwata-okpoho hụ ya.
10
O zi wẹ d'e bepụ Jọnụ isi imẹ ụlọ-ngan.
11
Wẹ nọ gi afẹrẹ buhẹ isi Jọnụ, we ẹ ye nwata-okpoho hụ, ọ nọ w'ẹ jẹnni nnẹ ẹ.
12
Ndị nsọnmazụụn Jọnụ nọ bịa, buru ẹhụ a d'e li, ya wẹ nọ jẹn d'a gwa Jizọsị.
13
Ogẹn Jizọsị gi nụ ihiẹnni, ya sụọ nọ gi ụgbọ-mirin fetu mirin shi ebe ịhịan rịlẹni d'a nọdị. Kanị ndị rị ebahụn a nụ n'ọ pụgụọ, wẹ nọ gi ụkụ gha obodo ndị hụ sọnmẹ ẹ.
14
Ogẹn o gi ru mkpẹnrẹn mirin, ọ hụn igunrun hi-ogbe. Ọ nọ mẹ omikẹn wẹ, zụọ ndị emu rị a kụ.
15
O ru ẹnyasị, ndị nsọnmazụụn a nọ bịa d'e kunrun ẹ, sị, “Onwọnni onyẹ bi ebeni, bụ eki e gigụọ. Sị igunrunni lama, nị wẹ jẹn ụmụ-alị ndị rị ebeni d'e ṅọnrin ihiẹn-oriri.”
16
Jizọsị nọ sị, “Ẹlẹ hụn w'e gi lama; ye ni wẹ ihiẹn-oriri.”
17
Wẹ nọ sị a, “Onwọnkwọnị ihiẹn ẹnyi gi ebeni mmanị ogbe brẹdi isẹn lẹ azụn ẹbụọ sụọ.”
18
Ọ sị wẹ, “Wẹhẹ ni ni m wẹ.”
19
Ya ọ nọ sị igunrun hụ nọdị alị elu irurue rị ebahụn. Ọ nọ weri ogbe brẹdi isẹn hụ lẹ azụn ẹbụbụọ hụ; o lee ẹnya elu-igwee, kpanmịn Osolobuẹ; o bebe brẹdi ndị hụ ye ndị nsọnmazụụn a, wẹ nọ ye igunrun hụ.
20
Wẹ ile nọ rijunchanrịn ẹfọ. Ya wẹ nọ tụtụkomẹ ifunfun ẹ họdụnị, o jun ụkpalị mmẹbụọ.
21
Ikẹnnyẹ nnụ-uku isẹn (5,000) nchaịn ri ihiẹn-oririni. Agụnnị wẹ ikpoho lẹ ụmụẹka.
22
Ya Jizọsị nọ sị ndị nsọnmazụụn a banye ụgbọ-mirin ozigbo-ozigbo fetu iyi Galili hụ, n'ọ lala. Ya nwẹn nọ nọdị gbashịa igunrun hụ.
23
Ọ gbashịagụ wẹ, ya sụọ nọ nyinrin ugu d'e mẹ ekpere. O ru ama ẹnyasị, ya sụọ hụ ebẹhụ.
24
Ogẹn hụ, ụgbọ-mirin hụ e jẹntegụọ ọda-ọda; ẹbiri-mirin hụ e ti ụgbọ hụ, e tikin ẹ azụụn, makẹni ufere rị a gha ibe ihun a kpọha.
25
Ụzụtụntụn biribiri, Jesu nọ jẹnhẹn ijẹn elu mirin Galili hụ.
26
Ndị nsọnmazụụn a a hụn a k'o jẹnla ijẹn elu mirin hụ, egun nọ tụma wẹ. Wẹ nọ sị, “Onyẹ-mmọn rọ!” Wẹ nọ gi egun yi oro.
27
Kanị, Jizọsị nọ kuyeni wẹ oku ozigbo, sị, “Kwọndọn ni obi ụnụ, mmẹ rọ; atụlẹ ni egun.”
28
Pita nọ sị a, “Di-nwọnni-ẹnyi, omẹni ịyụ rọ, sị m bịa d'e kunrun i elu mirin ebẹhụ.”
29
Jesu nọ sị a, “Bịa nwan.” Ya Pita nọ gha imẹ ụgbọ-mirin hụ pụha, jẹnmẹ ijẹn elu mirin, burukọ Jizọsị.
30
Kanị ogẹn Pita gi lemẹ okẹn ufere hụ, egun nọ bịa a, ọ nọ rubanma imẹ mirin. Ya ọ nọ yi, “Di-nwọnni-ẹnyi, zụọpụha m!”
31
Jizọsị nọ tịnpụ ẹka ozigbo kwọndọn ẹ, sị, “Onyẹ okukwe nta! Kị nwọnni obi-ẹbụọ?”
32
Ogẹn wẹ gi banye ụgbọ-mirin hụ, okẹn ufere hụ nọ kpọbehi.
33
Ndị hụn rị imẹ ụgbọ-mirin hụ nọ gbun'ẹ osekpu, sị, “Ezioku-ezioku, ịyụ wụ Nwa Osolobuẹ.”
34
Ogẹn wẹ gi fetugụ mirin, wẹ nọ pụha obodo Gẹnẹsarẹtị.
35
Ogẹn ndị obodo hụ gi marịn nị Jesu rọ, wẹ nọ zi ozi ghagbarị ẹgbẹrẹ hụ ile, wẹhẹsọnmẹn'ẹ ndị ile emu rị a kụ.
36
Wẹ nọ rịọ a nị wẹ mẹtụdẹ ntịn ẹwuru ẹ ẹka; ndị ile mẹtụn'a nọ dịnhịn.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28