bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Matthew 25
Matthew 25
Ika 2018 Bible
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 26 →
1
“Ogẹn ikpanzụụn ahụn, ihiẹn jẹnkọ d'e mẹ imẹ Alị-eze elu-igwee jẹnkọ d'a nọ kẹ ebe ịgbagba iri nọ weri ukpẹ wẹ jẹnmẹ d'a nabanhan okẹnnyẹ lala d'a gba ẹkụkwọ.
2
Mmadụ isẹn imẹ wẹ nwọn uche, mmadụ isẹn wụ ndị nzuzu.
3
Makẹni, kẹ ndị nzuzu hụ weri ukpẹ wẹ, ewerini wẹ mirin-ukpẹ cheni hụn rị imẹ ukpẹ wẹ,
4
kanị ndị hụ marịn ihiẹn gi ihiẹn gbarị mirin-ukpẹ cheni hụn rị imẹ ukpẹ wẹ.
5
“Okẹnnyẹ hụ rị a gba ẹkụkwọ abịanị ẹgwa, ụran nọ tụma wẹ ile, wẹ nọ ranhịn.
6
O ru imẹ odinẹ-abalị, oro nọ pụ, ‘Okẹnnyẹ jẹnkọ d'a gba ẹkụkwọ a bịa-oo! D'e kunrunn'ẹ!’
7
Ya kẹ ịgbagba ndị hụ ile nọ lihi, fishi ukpẹ wẹ elu.
8
Ndị nzuzu hụ nọ sị ndị hụ marịn ihiẹn, ‘Yebeye ni ẹnyi mirin-ukpẹ, nị ukpẹ ẹnyi rị e tinyụn.’
9
Kanị, ndị hụ marịn ihiẹn nọ sị wẹ, ‘Mba! O zukọ ẹnyi lẹ ụnụ; ọ ka mma nị ụnụ jẹnburu ndị e ren'ẹ d'e ṅọnrin nke ụnụ.’
10
Ogẹn wẹ gi jẹnmẹgụ d'e ṅọnrin mirin-ukpẹ, okẹnnyẹ hụn jẹnkọ d'a gba ẹkụkwọ nọ banhan; ndị hụ kwademẹni nọ sọn ẹ banye d'e ri oriri agbamẹkụkwọ hụ, wẹ nọ gụnma ụzọ.
11
Omẹgụ, ịgbagba isẹn hụ họdụnị nọzị pụha, hịma a, ‘Diọkpa! Diọkpa! Kpọpụnị ẹnyi ụzọ!’
12
Kanị ọ nọ sị, ‘Nị m gwakwọ ụnụ ezioku, amarịn m ndị ụnụ wụ.’
13
“Jizọsị a tagụ iluni, ọ nọ sị wẹ: E che ni nwan nche, makẹni ụnụ amarịn ụhụọhịn mọbụ ogẹn o sikọ d'a wụ.
14
“Ihiẹn jẹnkọ d'e mẹ imẹ Alị-eze elu-igwee nọ kẹ ebe okẹnnyẹ ohu chọ n'o jẹn alị-ịhịan nọ kpọ ndị idibo ẹ, we ihiẹn o nwọn che wẹ ẹka.
15
O ye onyẹ ohu egho jun ẹkpa isẹn, ye hụn-ẹbọ egho jun ẹkpa ẹbụọ, ye hụn mẹ wẹ ẹtọ egho jun ẹkpa ohu. Kẹ ikẹn onyẹ han k'o ye ẹ. Ya ọ nọ jẹnmẹ ebe o jẹnkọ.
16
“Hụn o ye hụn jun ẹkpa isẹn nọ gi ẹ zụma afịa, nwọnhẹnzi hụn jun ẹkpa isẹn chen'ẹ.
17
Ẹrịra kẹ onyẹ o ye hụn jun ẹkpa ẹbụọ dọnzi nwọnhẹn ẹkpa ẹbụọ chen'ẹ.
18
Kanị onyẹ o ye hụn jun ẹkpa ohu nọ jẹn d'e gu alị, zuemẹ egho di-nwọnn'ẹ ye ẹ.
19
“O tebe, di-nwọnni wẹ nọ lụa; ọ nọ bịa nị wẹ ku kẹ wẹ jẹn.
20
Hụn o ye hụn jun ẹkpa isẹn nọ wẹhẹzi egho jun ẹkpa isẹn chen'ẹ. Ọ nọ sị, ‘Diọkpa, egho jun ẹkpa isẹn k'i ye m; lee ẹ, e nwọnhẹnzi m egho jun ẹkpa isẹn chen'ẹ.’
21
“Di-nwọnn'ẹ nọ sị, ‘Ezigbo odibo wẹ gi e dọn ẹnya! Y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’
22
Onyẹ hụ o ye egho jun ẹkpa ẹbụọ nọzị bịa, sị, ‘Diọkpa, egho jun ẹkpa ẹbụọ k'i ye m, lee ẹ, e nwọnhẹngụọ m egho jun ẹkpa ẹbụọ chen'ẹ.’
23
Di-nwọnn'ẹ nọ sị a, ‘Y'e mẹyekẹ, ezigbo odibo wẹ gi e dọn ẹnya; y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’
24
“Onyẹ ahụn o ye ẹkpa egho ohu nọ bịa, sị, ‘Diọkpa, a marịnghọ m nị obi i e zekẹ, n'ị y'a ghọrị ihiẹn i kụnlẹni, e ri ihiẹn ị rụnlẹni.
25
Egun i rị a tụ m; ya m nọ jẹn d'e zuemẹ egho i ye m imẹ alị; lee ẹ, weri ihiẹn i.’
26
Kanị di-nwọnn'ẹ nọ sị a, ‘Eje-odibo, onyẹ nzụnzụn! Y'a marịnghọ nị m'a ghọrị ihiẹn m kụnlẹni, e ri ihiẹn m rụnlẹni, ẹlẹ ịya?
27
Nkẹ y'e bu egho m cheni m imẹ ụlọ egho, m lụaha, kẹni m weri isi egho m lẹ ọmụnịnwa rịn'a.
28
Napụn'a nwan egho hụ weye hụn nke ẹ jun ẹkpa iri.
29
Makẹni onyẹ hụn nwọn hụn o gi kẹ wẹ sikọ d'e yecheni, nke ẹ a karị ẹka. Kanị onyẹ hụn nwọnlẹni hụn o gi, a napụdẹ w'a ẹkẹrẹ o nwọn.
30
Tụ nị nwan odibo ẹti hụ ye ishi rị ezi, ebe ịhịan jẹnkọ d'a nọ a kwan ẹkwan, a ta nkwẹnrẹn-eze.’
31
“Ogẹn Nwa nke Ịhịan jẹnkọ d'e gi gi ọghọ-nze ẹ bịa, ya lẹ ndị mmọn-ozi ile, o sikọ d'e weri oche okẹn ukpo ẹ.
32
Wẹ sikọ d'e wẹhẹn'ẹ alị ile; ọ họ wẹ ohu-ohu kẹ onyẹ e du anụ dọn a họpụha atụnrụn wẹ lẹ ewu rị.
33
O jẹnkọ d'e dọnmẹ atụnrụn ndị hụ ẹka-ihiẹn ẹ, dọnmẹ ewu ndị hụ ẹka-ekpẹn ẹ.
34
“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.
35
Makẹni, kẹ ẹgụn rị a gụn m, ụnụ ye m ihiẹn-oriri, ẹgụn-mirin a gụn m, ụnụ e ye m mirin, a wụ m otumunyẹ, ụnụ a nabanhan m,
36
a gba m ọtọ, ụnụ e ye m ẹkwa; emu a kụ m, ụnụ e lepụ m ẹnya; kẹ m rị ụlọ-ngan, ụnụ a bịa d'a hụn m.’
37
Ogẹn hụ, ndị ezi-omumẹ ahụn jẹnkọ d'a za a, sị, ‘Di-nwọnni-ẹnyi, elee ogẹn kẹ ẹnyi gi hụn ị kẹ ẹgụn rị a gụn ị, ẹnyi nọ ye i ihiẹn-oriri mọbụ kẹ ẹgụn-mirin rị a gụn ị, ẹnyi nọ ye i mirin?
38
Elee ogẹn kẹ ẹnyi gi hụn ị n'ị wụ otumunyẹ, ẹnyi nọ nabanhan ị mọbụ hụn ị n'ị gba ọtọ, ẹnyi nọ yimẹ i ẹkwa?
39
Elee ogẹn kẹ ẹnyi gizi hụn nị emu rị a kụ ị mọbụ n'ị rị ụlọ-ngan, ẹnyi nọ bịa d'a hụn ị?!’
40
Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’
41
“Ogẹn hụ, o sikọ d'a sị ndị hụ rị ẹka-ekpẹn ẹ, ‘Pụnị nị m ebeni, ndị wẹ bụ ọnụ! Shi ni ọkụn itẹbitẹ hụn wẹ kwademẹni Ekwensụ lẹ ndị mmọn-ozi ẹ!
42
Makẹni kẹ ẹgụn gụn m, ụnụ eyeni m ihiẹn-oriri; ẹgụn-mirin a gụn m, ụnụ eyeni m mirin;
43
a wụ m otumunyẹ, ụnụ anabanhannị m; a gba m ọtọ, ụnụ eyimẹni m ẹkwa; ogẹn emu gi kụ m lẹ ogẹn m gi rị ụlọ-ngan, ụnụ abịanị d'a hụn m.’
44
“Wẹ nwẹn k'a zazị a, ‘Di-nwọnni-ẹnyi, elee ogẹn kẹ ẹnyi gi hụn ị kẹ ẹgụn rị a gụn ị mọbụ kẹ ẹgụn-mirin rị a gụn ị mọbụ k'ị wụ otumunyẹ mọbụ k'ị gba ọtọ mọbụ kẹ emu rị a kụ ị mọbụ k'ị rị ụlọ-ngan ẹnyi nọlẹni yen'i ẹka?’
45
O jẹnkọ d'a za wẹ, sị, ‘Ezioku kẹ m rị a gwa ụnụ, ebe ụnụ nọlẹni mẹni onyẹ hụn kachanrịndẹ ntịn imẹ ndịnị ya, ụnụ emẹnini m'ẹ.’
46
Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28