Judges 12

Ilokano (Ti Biblia (1973))

← Chapter 11 Jump to: Chapter 13 →

1Ket dagiti lallaki ti Efraim naguornongda, ket nagnada a nagpaamianan, ket kinunada ken Jefte, Apayapay napanca idi nanggubat a maibusor cadagiti annac ni Ammon, ket dinacami inayaban a cumuyog kenca? dacami pasgedanminto iti apuy ta balaymo iti rabawmo.

2Ket ni Jefte kinunana cadacuada, Siac ken dagiti tattaoc addacami idi iti dackel a ringgor cadagiti annac ni Ammon; ket idi nga inayabancayo, dacayo didac inispal iti imada.

3Ket idinto a makitac a dacayo didac idi ispalen, siac incabilco ti biagco iti imac, ket immallatiwac a maibusor cadagiti annac ni Ammon, ket ni Jehova inyawatna ida iti imac: apayapay ngarud a simmang-atcayo nga umay caniac iti daytoy nga aldaw, tapno makibacalcayo a maibusor caniac?

4Idin ni Jefte inurnongna amin dagiti lallaki ti Galaad, ket nakibacal iti Efraim: ket dagiti lallaki ti Galaad kinabilda ti Efraim ta kinunada, Dacayo dagiti nagtalaw iti Efraim, dacayo Galaaditas, iti tengnga ti Efraim, ken iti tengnga ti Manases.

5Ket dagiti Galaaditas innalada dagiti pagballasiwan ti Jordan a maibusor cadagiti Efraimitas. Ket naaramid idi a castoy nga, no ti uray siasino cadagiti nagtalaw iti Efraim kinunana, Palubosandac coma a bumallasiw, dagiti lallaki ti Galaad kinunada kencuana, Sica maysaca nga Efraimita? No isu cunaenna, Saan;

6Iti casta isuda kinunada kencuana, Saoem ita, Sibolet: ket isu kinunana, Sibolet, ta isu ti dida nabalin a balicsen iti nalinteg: no casta isu tiniliwda, ket isu pinapatayda cadagiti pagballasiwan ti Jordan. Ket iti daydi a tiempo napasagda iti Efraim dagiti uppat a pulo ket dua a ribu.

7Ket ni Jefte inocomanna ti Israel bayat ti innem a tawen. Idin ni Jefte a Galaadita natay, ket naitabon iti maysa cadagiti il-ili ti Galaad.

8Iti calpasanna ni Ibzan taga Belen inocomanna ti Israel.

9Ket isu addan idi cadagiti tallopulo nga annac a lallaki; ken tallopulo nga annac a babbai nga imbaonna cadagiti sabsabali a luglugar, ket tallopulo nga annac a babbai ti sinapulna a naggapuda cadagiti sabsabali a luglugar nga agpaay cadagiti annacna a lallaki, ket inocomanna ti Israel bayat ti pito a tawen.

10Ket ni Ibzan natay, ket naitabon idiay Belen.

11Iti calpasanna ni Elon a Zabulonita inocomanna ti Israel, ket nagocom iti Israel bayat ti sangapulo a tawen.

12Ket natay ni Elon a Zabulonita, ket isu naitabon idiay Ajalon idiay daga ti Zabulon.

13Iti calpasanna ni Abdon nga anac a lalaki ni Hillel a Piratonita inocomanna ti Israel.

14Ket isu addaan idi cadagiti uppat a pulo nga annac a lallaki, ken tallopulo nga annac a lallaki dagiti annacna a lallaki, nga agsacayda idi cadagiti pitopulo nga ur-urbon dagiti asno: ket isu inocomanna ti Israel bayat ti walo a tawen.

15Ket ni Abdon nga anac ni Hillel a Piratonita natay, ket isu naitabon idiay Piraton iti daga ti Efraim idiay caturodan dagiti Amalecitas.

← Chapter 11 Jump to: Chapter 13 →