bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Judges 3
Judges 3
Ilokano (Ti Biblia (1973))
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
Dagitoy ngarud dagiti nasnacion a ni Jehova imbatina, tapno gapu cadacuada suutenna ti Israel, a cas caadu met laeng ti Israel a di nacaammo cadagiti gubgubat ti Canaan;
2
Isuna laeng tapno ti caputotan dagiti annac ti Israel ammoenda coma, nga isurona ida iti gubat, cadagidiay met laeng saan a nacaammo iti uray ania a maipapan iti gubat:
3
Isuda, dagiti lima nga appoen dagiti Filisteos, ken amin dagiti Cananeos, ken dagiti Sidonios, ken dagiti Heveos a nagnaed idiay bantay Libano, manipud iti bantay a Baal-hermon agingga iti sercan ti Hamat.
4
Ket nabatida, tapno gapu cadacuada masuut ti Israel, tapno maammoan, no cayatenda nga ipangag coma dagiti bilbilin ni Jehova nga imbilbilinna idi cadagiti ammada iti pannacaaramat ni Moises.
5
Ket dagiti annac ti Israel nakinaedda cadagiti Cananeos, Hetheos, Amorreos, Perezeos, Heveos, ken Jebuseos:
6
Ket nangalada cadagiti babbalasangda nga asawaenda, ket intedda dagiti babbalasangda cadagiti babbaroda, ket nagservida cadagiti didiosda.
7
Ket dagiti annac ti Israel inaramidda daydiay a dakes iti imatang ni Jehova, ket nalipatanda ni Jehova a Diosda, ket nagservida ken Baal ken ni Astarot.
8
Gapuna a ti pungtot ni Jehova simged a maibusor iti Israel, ket inlacona ida iti ima ni Cusan-risataim nga ari ti Mesopotamia: ket dagiti annac ti Israel nagservida ken Cusan-risataim cadagiti walo a tawen.
9
Ket idi a dagiti annac ti Israel immasugda ken Jehova, ni Jehova namangon iti mangisalacan cadagiti annac ti Israel, isu a nangisalacan cadacuada, met laeng Otoniel nga anac a lalaki ni Cenez, a cabsat a lalaki nga inaudi ni Caleb.
10
Ket ti Espiritu ni Jehova immay idi iti rabawna, ket inocomna ti Israel; ket rimmuar iti paggugubatan, ket ni Jehova inyawatna iti imana ni Cusan-risataim nga ari ti Mesopotamia: ket ti imana nangartap a maibusor ken Cusan-risataim.
11
Ket ti daga nagtalna cadagiti uppat a pulo a tawen. Ket ni Otoniel nga anac a lalaki ni Cenez natay.
12
Ket dagiti annac ti Israel inaramidda manen daydiay a dakes iti imatang ni Jehova: ket ni Jehova pinapigsana ni Eglon nga ari ti Moab a maibusor iti Israel, agsipud ta inaramidda daydiay a dakes iti imatang ni Jehova.
13
Ket inummongna kencuana dagiti annac ni Ammon ken ni Amalec; ket napan ket kinabilna ti Israel, ket tinagicuada ti ili dagiti caycayo a palma.
14
Ket dagiti annac ti Israel nagservida ken Eglon nga ari ti Moab cadagiti sangapulo ket walo a tawen.
15
Ngem idi a dagiti annac ti Israel immasugda ken Jehova, ni Jehova namangon iti maysa a mangisalacan cadacuada, ni Aod nga anac a lalaki ni Gera, a Benjamita, maysa a tao a caannawidanna ti ima a catigid. Ket dagiti annac ti Israel nangibaonda ti buis babaen kencuana agpaay ken Eglon nga ari ti Moab.
16
Ket ni Aod nangaramid iti maysa nga igam nga addaan dua a tadem, a ti caatiddogna maysa a sico; ket isu imbarikesna iti uneg ti cawesna iti rabaw ti canawan a padingpadingna.
17
Ket indatagna ti buis ken Eglon nga ari ti Moab: ket ni Eglon maysa a tao a nalucmeg unay.
18
Ket idinto a nalpasna nga indatag ti buis, pinagawidna dagiti tattao a nangyeg ti buis.
19
Ngem isu nagsubli manipud cadagiti pagticticapan ti bato nga adda idiay Gilgal, ket kinunana, O ari, addaanac iti maysa a nalimed a sao nga agpaay kenca. Ket isu kinunana, Agulimecca. Ket amin dagidi a sitatacder iti dennana rimmuarda manipud kencuana.
20
Ket ni Aod simrec kencuana; isu nga agtugtugaw a maymaysa iti maysa a siled a nangatngato a pagpariiran. Ket ni Aod kinunana, Addaanac iti maysa a paibaga nga imbaon ti Dios kenca. Idi casta isu timmacder iti tugawna.
21
Ngem ni Aod incarawana ti imana a catigid, ket innalana iti igam nga adda idi padingpadingna a canawan, ket isu ti inwecwecna iti bagina.
22
Ket ti putan simrec met a simmaruno iti tadem, ket ti kinalucmeg tininepna ti tadem, nga isu dina naala ti igam idi bagina; ket ti murdongna simmalput iti bucotna.
23
Idi casta ni Aod rimmuar iti bangsal, ket pinunitanna kencuana dagiti ruruangan ti nangatngato a siled, ket tinulbecanna ida.
24
Ket idi nga isu nacaruar, dagiti tagtagabuna immayda; ket kimmitada, ket, adtoy, dagiti ruangan ti nangatngato a siled natulbecanda idi, ket kinunada, Pudno nga isu abbonganna dagiti sacsacana iti siled a nangatngato.
25
Ket isuda nagurayda aginggana iti nabainanda; ket, adtoy, isu dina luctan dagiti ruruangan ti siled a nangatngato: gapuna innalada ti tulbec, ket linuctanda ida; ket, adtoy, ni apoda napasag iti dissaar a natay.
26
Ket iti bayat ti panagur-urayda ni Aod nagtalaw, ket naglasat iti labes dagiti pagticticapan iti bato, ket nagtalaw agingga iti Seirat.
27
Ket naaramid, nga idi nacasangpet pinagunina ti tangguyobna idiay caturodan ti Efraim; ket dagiti annac ti Israel nakipagsalogda kencuana manipud iti caturodan, ket isu adda idi iti unada.
28
Ket isu kinunana cadacuada, Surotendac; ta ni Jehova inyawatna dagiti cabusoryo a Moabitas ita imayo. Ket simmalogda a simmurot kencuana, ket innalada dagiti pagbalballasiwan ti Jordan a maibusor cadagiti Moabitas, ket dida ipalubos a maysa a tao bumallasiw.
29
Ket nangcabilda cadagiti taga Moab iti daydi a tiempo cadagiti agsangapuloribu a tattao, tunggal tao a napigsa, ken tunggal tao a natured; awan nacatalaw a lalaki.
30
Iti casta ti Moab naparucma idi babaen ti ima ti Israel iti daydi nga aldaw. Ket ti daga nagtalna cadagiti walopulo a tawen.
31
Iti calpasan kencuana adda idi ni Samgar nga anac a lalaki ni Anat, a nangcabil cadagiti innem a gasut a tattao a Filisteos iti maysa a pagtugkic iti vaca: ket isu met insalacanna ti Israel.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
Recommended Reading
Commentary
Judges Commentaries
→
Devotional
Judges Devotional Guide
→
Get This Bible
1973 Study Bible
→