bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Judges 8
Judges 8
Ilokano (Ti Biblia (1973))
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
1
Ket dagiti lallaki ti Efraim kinunada kencuana, Apayapay nga inaramidmo iti casta cadacami, a dinacami inayaban idi napanca nakigubat iti Madian? ket isu rininggorda iti napigsa unay.
2
Ket isu kinunana cadacuada, Ania ti inaramidco ita a maipadpad cadacayo? Ti panagbanban-a ti Efraim saan aya a nasaysayaat ngem iti panagburas ti Abiezer?
3
Ti Dios inyawatna ita imayo da Oreb ken ni Zeeb a pangoloen ti Madian; ket ania ti mabalinco nga ipadpad cadacayo? Idin ti pungtotda kencuana kimmapuy, idi nga isu insaona daydi.
4
Ket ni Gedeon immay idi iti Jordan, ket bimmallasiw, isu, ken dagiti tallogasut a tattao nga adda kencuana, a nabannoganda, nga agcamcamatda pay.
5
Ket kinunana cadagiti lallaki ti Succot, Agdawatac cadacayo, a mangtedcayo iti dadackel a tintinapay cadagiti tattao a nakicuyog caniac; ta isuda nabannoganda, ket camcamatec da Zeba ken Zalmunna, nga ar-ari ti Madian.
6
Ket dagiti pangpangoloen ti Succot kinunada, Dagiti im-ima da Zeba ken Zalmunna addadan aya ita imam, tapno mangtedcami coma iti tinapay ita buyotmo?
7
Ket ni Gedeon kinunana, No casta intono ni Jehova yawatna da Zeba ken Zalmunna iti imac, isunton ngarud ti pananggisgisco ita lasagyo cadagiti sisiit iti let-ang ken cadagiti calcalunay.
8
Ket simmang-at a napan idiay Penuel, ket insaona cadacuada iti casta met la a kita; ket dagiti tattao ti Penuel insungbatda kencuana ti cas insungbat dagiti lallaki ti Succot.
9
Ket isu nagsao cadagiti lallaki ti Penuel, a kinunana, Intono agsubliac manen a sitatalna rebbaecto daytoy a torre.
10
Ita da Zeba ken Zalmunna addada idi idiay Carcor, ken dagiti buybuyotda agraman cadacuada, nga agsangapulo ket lima a ribu a lallaki, amin dagiti natda idi iti amin a buyot dagiti annac a taga daya; ta napasagda idi dagiti sangagasut ket dua pulo a ribu a lallaki a nagtagicampilanda.
11
Ket ni Gedeon simmang-at iti dalan dagidiay nga agnaed cadagiti toltolda iti daya ti Noba ken ti Jogbea, ket kinabilna ti buyot; ta ti buyot adda idi a natalged.
12
Ket da Zeba ken Zalmunna nagtarayda; ket kinamatna ida; ket naalana dagiti dua nga ar-ari ti Madian, da Zeba ken Zalmunna, ket riniribucna ti amin a buyot.
13
Ket ni Gedeon nga anac ni Joas nagsubli a naggapu iti paggugubatan manipud iti sang-atan ti Heres.
14
Ket nangala iti maysa nga agtutubo a lalaki cadagiti lallaki ti Succot ket nagintuod kencuana: ket impalawagna kencuana dagiti pangpangoloen ti Succot, ken dagiti lallacayna, a pitopuloda ket pito a lallaki.
15
Ket isu immay cadagiti lallaki ti Succot, ket kinunana, Adtoyda, da Zeba ken Zalmunna, isuda a pinangrabrabacyo caniac idi, a kinunayo, Addadan aya ita imam dagiti im-ima da Zeba ken Zalmunna, tapno mangtedcami coma iti tinapay cadagita lallakim a nabannogan?
16
Ket innalana dagiti lallacay ti ili, ken dagiti sisiit iti let-ang ken calcalunay, ket cadagitoy ti pinangsursurona cadagiti lallaki ti Succot.
17
Ket rineb-bana ti torre ti Penuel, ket pinatayna dagiti lallaki ti ili.
18
Idin isu kinunana cada Zeba ken Zalmunna, Ania ti kita ti kinataoda idi dagiti pinapatayyo idiay Tabor? Ket isuda simmungbatda, Cacasda kenca, castada idi dagidi, ti tumunggal maysa immasping cadagiti annac ti maysa nga ari.
19
Ket isu kinunana, Isuda dagiti cacabsatco, nga annac ni inac: cas ni Jehova agbiag, a no inispalyo coma ida a nagbiag, saancayo coma a papatayen.
20
Ket kinunana ken Jether nga anacna a lalaki nga inauna, Tumacderca, ket papatayem ida. Ngem ti agtutubo a lalaki dina inasut di campilanna; ta nagbuteng, agsipud ta isu ubing idi.
21
Idin kinuna da Zeba ken Zalmunna, Tumacderca ala, ket cabilennacami, ta no casano ti lalaki casta met ti ingelna. Ket ni Gedeon timmacder, ket pinatayna da Zeba ken Zalmunna, ket innalana dagiti sinan-bulbulan nga adda cadagiti tengnged dagiti camcamelloda.
22
Idin dagiti tattao ti Israel kinunada ken Gedeon, Agturayca cadacami, sica, ken ti met anacmo, ken ti anac ti anacmo met; ta sica insalacannacami iti ima ti Madian.
23
Ket ni Gedeon kinunana cadacuada, Saanacto nga agturay cadacayo, uray ti anacco dinto agturay cadacayo: ni Jehova isu ti agturayto cadacayo.
24
Ket ni Gedeon kinunana cadacuada, Siac cayatco coma ti agdawat cadacayo, a ti tumunggal maysa cadacayo itedna coma caniac dagiti ar-aritos ti sinamsamna. (Agsipud ta agaritosda iti balitoc, ta Ismaelitasda.)
25
Ket isuda simmungbatda, Dacami itedminto a sitatallaogod unay ida. Ket nangyaplagda iti maysa a cawes, ket tunggal maysa indissona kencuana dagiti ar-aritos ti samsamna.
26
Ket ti dagsen dagiti ar-aritos a balitoc a dinawatna isu ti sangaribu ket pito a gasut a siclo a balitoc; malacsid dagiti sinan-bulbulan, ken dagiti bitinbitin, ken pagan-anay a purpura nga addada idi cadagiti ar-ari ti Madian, ken malacsid dagiti cawcawar nga addada idi iti aglicmut cadagiti tengnged dagiti camcamelloda.
27
Ket ni Gedeon nangaramid cadagidiay iti maysa nga efod, ket isu ti incabilna idiay ilina, a iti met laeng Ofra: ket amin nga Israel nagbalangcantisda idiay a maipuon iti dayta; ket isu idi iti pacaitibcolan ken Gedeon, ken ti balayna.
28
Iti casta ti Madian naparmec iti saclang dagiti annac ti Israel, ket uray caano dida intangaren ti oloda. Ket naginana ti daga cadagiti uppat a pulo a tawen cadagiti al-aldaw ni Gedeon.
29
Ket ni Jerobaal nga anac ni Joas napan ket nagnaed iti balayna met laeng.
30
Ket ni Gedeon addaan idi pitopulo nga annac a naputotda iti bagina; ta addaan idi cadagiti adu nga assawa.
31
Ket ti camalalana nga adda idiay Siquem, nangipasngay met kencuana iti maysa nga anac a lalaki, ket ni Gedeon ingaladna kencuana a nagan ti Abimelec.
32
Ket ni Gedeon nga anac ni Joas natay iti naimbag a kinalacay, ket naitabon idiay tanem ni amana a Joas, idiay Ofra dagiti Abiezeritas.
33
Ket naaramid, idi a ni Gedeon natayen, a dagiti annac ti Israel nagbalicda manen, ken nagbalangcantisda cadagiti Baales, ket incabilda a pannacadiosda ni Baal-berit.
34
Ket dagiti annac ti Israel dida linagip ni Jehova a Diosda, a nangisalacan cadacuada iti ima dagiti amin a cabusorda iti aglicmut.
35
Casta met a dida nagaramid iti caasi iti balay ni Jerubaal, nga isu ni Gedeon, a mayalubog iti amin a imbag nga isu imparangna idi iti Israel.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
Recommended Reading
Commentary
Judges Commentaries
→
Devotional
Judges Devotional Guide
→
Get This Bible
1973 Study Bible
→