bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Judges 2
Judges 2
Ilokano (Ti Biblia (1973))
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
Ket ti angel ni Jehova simmang-at manipud iti Gilgal agingga ti Boquim, ket kinunana, Siac pinasang-atcayo manipud Egipto, ket inyegcayo iti daga nga insapatac idi cadagiti ammayo; ket kinunac, Diacto dadaelen uray caano ti tulagco cadacayo:
2
Ket dacayo dicayo coma agaramid iti tulag cadagiti agnaed ditoy a daga; dacayo duprakenyonto dagiti alaltarda, ngem dacayo dicayo impangag ti timecco: Apayapay inaramidyo daytoy?
3
Gapuna kinunac met, diacto ida pagtalaoen iti sangoyo; ket isudanto ti cas sisiit nga agpaay cadagita bacbacrangyo, ket dagiti didiosda isudanto ti silo cadacayo.
4
Ket naaramid, idinto a ti angel ni Jehova sinaona dagitoy a balbalicas cadagiti amin nga annac ti Israel, a dagiti amin a tattao impangatoda ti timecda, ket nagsangitda.
5
Ket isuda ninaganda daydiay a lugar iti Boquim: ket nagidatonda sadiay ken Jehova.
6
Ita idinto a ni Josue naibaonna dagiti tattao, dagiti annac ti Israel napanda tunggal tao iti tawidna, tapno tagicuaenda ti daga.
7
Ket dagiti tattao nagservida ken Jehova cadagiti amin nga al-aldaw ni Josue, ken cadagiti amin nga al-aldaw dagiti lallacay a nagbibiagda iti nabayag nga aldaw iti calpasan ni Josue, dagidiay nacakita cadagiti amin a dackel nga aramid a ni Jehova inaramidna a gapu iti Israel.
8
Ket ni Josue nga anac ni Nun, nga adipen ni Jehova natay, idinto nga agtawen iti sangagasut ket sangapulo a tawen.
9
Ket isu imponponda idiay beddeng ti tawidna sadi Timnat-sera, idiay caturodan ti Efraim, iti amianan ti bantay Gaas.
10
Ket amin daydi a caputotan naitiponda met cadagiti ammada: ket timmaud ti sabali a caputotan iti calpasanda, nga dida inammo ni Jehova, uray iti aramid nga isu inaramidna idi a gapu iti Israel.
11
Ket dagiti annac ti Israel inaramidda dagidiay a dakes iti imatang ni Jehova, ket nagservida cadagiti Baales.
12
Ket isuda inidianda ni Jehova, a Dios dagiti ammada, a nangaon idi cadacuada nanipud iti daga ti Egipto, ket simmurotda cadagiti sabsabali a didios, a didios dagiti il-ili nga aglicmut cadacuada, ket nagrucnoyda cadacuada: ken isuda ginargarida nga agpungtot ni Jehova.
13
Ket isuda indianda ni Jehova, ket nagservida ken Baal ken ni Astarot.
14
Ket ti pungtot ni Jehova simged a maibusor iti Israel, ket inyawatna ida cadagiti im-ima dagiti agag-agaw, a nangagaw cadacuada; ket inlacona ida cadagiti ima dagiti cabusorda nga aglicmut, ket uray caano dida mabalin ti agtacderen iti sango dagiti cabusorda.
15
Uray sadinoman a ruaranda, ti ima ni Jehova isu idi ti maibusor cadacuada a maipaay iti dakes, cas ni Jehova insaona idi; ken cas ni Jehova insapatana cadacuada: ket isuda naparparigatda iti casta unay.
16
Ngem ni Jehova nangbangon cadagiti oc-ocom, a nangisalacan cadacuada iti ima dagiti nangagaw cadacuada.
17
Ngem nupay casta isuda saanda nga impangag dagiti oc-ocomda; no di ket nagaabigda a siannurot cadagiti sabsabali a didios, ket nagrucnoyda cadacuada: ket simmiasida iti nadaras iti dana a nagnaan dagidi ammada, iti panagtultulnog cadagiti bilbilin ni Jehova; ngem isuda dida inaramid ti casta.
18
Ket idinto a ni Jehova naibangonanna ida cadagiti oc-ocom, nanipud idin ni Jehova adda idi iti ocom, ket insalacanna ida iti ima dagiti cabusorda iti amin nga al-aldaw daydiay nga ocom ta ni Jehova nagbabawi a gapu iti asasugda maipanggep cadagidiay a mangparigat cadacuada ken mangtutuoc cadacuada.
19
Ngem naaramid idi, a no matay ti ocom, isuda agsublida, ket adadda manen ti pannacadadaelda ngem cadagidi ammada, iti isusurotda cadagiti sabsabali a didios, agservida cadacuada ken agrucnoyda cadacuada; a dida nagpatingga iti aramidda, uray iti natagengteng a dalanda.
20
Ket ti pungtot ni Jehova simged a maibusor iti Israel; ket kinunana, Agsipud ta daytoy a nacion sinalungasingna ti tulagco nga imbilinco cadagiti ammada, ket dida ipangag ti timecco;
21
Casta met diacto pagtalaoen iti sangoda ti uray siasinoman cadagitoy a nasnacion, a nabati ni Josue idi natay;
22
Tapno gapu cadacuada pangsuutac coma iti Israel, no isuda aywananda wenno saan ti dalan ni Jehova, iti pannagnada kencuana, a cas panangaywan dagidi ammada.
23
Gapuna ni Jehova binay-anna dagidiay a nasnacion, ket dina pinagtalao ida iti nasingdat; dina inyawat ida iti ima ni Josue.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21