Genesis 11

Mien Bible (Thai Script) © Thailand Bible Society, 2007

← Chapter 10 Jump to: Chapter 12 →

1ฒิ่น ด่าง ลู่ง เดี๊ย เมี่ยน เหยียด ฒู้ง ก๊อง ดุ หญู่ง หว่า ฮนั้ง. หว่า-เอ๋ย ฟี่ ฮนั้ง เหฑ่ง.

2นิ่น บัว ซุ้ย เจี๊ยน มี่ง ตง ปูง แหมง, เถา ซีนา เต่ย-ปูง, ม่าย เดา-แป้ง เญย ต๋อง, ฯฒฯ ตี้ง เหฌี่ย เยียม วั้ว อ๊ะ.

3ล่าน ก๊อง บั๋ว ล่าน, “ต้าย ม่าะ! บัว นั้น เนีย-ฒุน ปั๊ว แหง่ง ต้าย.” นิ่น บัว หล่ง เนีย-ฒุน ตี๊ หละเปย๊ย. เดา-เดี๊ย โญ่ว ไห่ เญย ฒูง นิ่น บัว หล่ง ตี๊ ปะไน่ เนีย.

4นิ่น บัว แอ๋ง ก๊อง, “ต้าย ม่าะ! บัว เหธย นอม ฒี่ง หย่า เหธย นอม ฟั่น ท้าบ ฮลัง เถา กู้ หงว่าย ลู่ง, ปุน บัว ม่าย เม่ง เต้า หย่า ไม้ หฒุ ปุน หฑาน ปวั๊ง ลู่ง เดี๊ย.”

5เฒี้ยว ฯฒฯ เหฌี่ย ต้าย หมั่ง ป้าม เมี่ยน เหธย เญย ฒี่ง เหธา ฟั่น ท้าบ.

6เฒี้ยว ก๊อง, “หมั่ง ก๋า! น้าย เต๋ย เมี่ยน เซ ดุ ฝีง เมี่ยน หย่า ก๊อง ดุ หญู่ง หว่า ฮนั้ง. โคะ โหะ เจี์ย กอน โหฒว, นิ่น บัว ไฮ่ โหฒว ตุ๊ ด่ง น้าย, นิ่น บัว เจี์ย เฮญี้ยว โหฒว หาย หญู่ง นิ่น บัว ฯฒฯ ไฮ่ โหฒว ตุ๊ ธ้วด เญย.

7ต้าย ม่าะ! บัว เหฌี่ย มี่ง โหฒว หลุ่น นิ่น บัว เญย หว่า เหว่ย ปุน ล่าน ไม้ เม่ง แปะ ล่าน.”

8เฒี้ยว ฯฒฯ ปุน นิ่น บัว หฑาน เหฑ่ง ปวั๊ง ลู่ง เดี๊ย. นิ่น บัว ฯฒฯ กวั่ง, ไม้ เหธย วั้ว นอม ฒี่ง อ๊ะ.

9เหว่ย น้าย, วั้ว นอม ฒี่ง ม่าย บั๋ว เห่ว บาเบน, เหว่ย หฒุ เยียม วั้ว เฒี้ยว ปุน เมี่ยน เญย หว่า หลุ่น เหฑ่ง. เยียม วั้ว เฒี้ยว หย่า ปุน หฒวัง เมี่ยน หฑาน มี่ง เยียม ปวั๊ง ลู่ง เดี๊ย.

10เยียม น้าย มี่ง ก๊อง เซม เญย เฒ้ย-ฟุน. บยู่ง-ซุ้ย-อิ๋ม เหยียม ลิ์ว ลู่ง เดี๊ย, ฆะฮ้า อี หฮญัง, เซม ตุ๊ เหยียด แป๊ะ หฮญัง วั้ว หฮญัง, นิ่น ตุ๊ เต้า ตอน, บั๋ว เห่ว อานฟาซัด.

11ตุ๊ ลิ์ว อานฟาซัด, นิ่น เฒี่ยง เจี๊ยน ฮม์ แป๊ะ หฮญัง, หธ่อ ม่าย ตอน ม่าย เซียะ เญย.

12อานฟาซัด ตุ๊ ฟ่า เหฒียบ ฮม์ หฮญัง, นิ่น ตุ๊ เต้า ตอน, บั๋ว เห่ว เชลา.

13ตุ๊ ลิ์ว เชลา, อานฟาซัด เฒี่ยง เจี๊ยน เฝย แป๊ะ เล่ง ปัว หฮญัง, หธ่อ ม่าย ตอน ม่าย เซียะ เญย.

14เชลา ตุ๊ ฟ่า เหฒียบ หฮญัง, นิ่น ตุ๊ เต้า ตอน, บั๋ว เห่ว เอเบ.

15ตุ๊ ลิ์ว เอเบ, เชลา เฒี่ยง ตุ๊ เฝย แป๊ะ เล่ง ปัว หฮญัง, หธ่อ ม่าย ตอน ม่าย เซียะ เญย.

16เอเบ ตุ๊ ฟ่า เหฒียบ เฝย หฮญัง, นิ่น ตุ๊ เต้า ตอน, บั๋ว เห่ว เปเล้ก.

17ตุ๊ ลิ์ว เปเล้ก, นิ่น เฒี่ยง ตุ๊ เฝย แป๊ะ ฟ่า เหฒียบ หฮญัง, หธ่อ ม่าย ตอน ม่าย เซียะ เญย.

18เปเล้ก ตุ๊ ฟ่า เหฒียบ หฮญัง, นิ่น ตุ๊ เต้า ตอน, บั๋ว เห่ว เลอู.

19ตุ๊ ลิ์ว เลอู, นิ่น เฒี่ยง ตุ๊ หญี่ แป๊ะ เล่ง ดั้ว หฮญัง, หธ่อ ม่าย ตอน ม่าย เซียะ เญย.

20เลอู ตุ๊ ฟ่า เหฒียบ เหญ่ย หฮญัง, นิ่น ตุ๊ เต้า ตอน, บั๋ว เห่ว เสลุก.

21ตุ๊ ลิ์ว เสลุก, นิ่น เฒี่ยง ตุ๊ หญี่ แป๊ะ เล่ง เสี่ย หฮญัง, หธ่อ ม่าย ตอน ม่าย เซียะ เญย.

22เสลุก ตุ๊ ฟ่า เหฒียบ หฮญัง, นิ่น ตุ๊ เต้า ตอน, บั๋ว เห่ว นาโฮ.

23ตุ๊ ลิ์ว นาโฮ, นิ่น เฒี่ยง ตุ๊ หญี่ แป๊ะ หฮญัง, หธ่อ ม่าย ตอน ม่าย เซียะ เญย.

24นาโฮ ตุ๊ หญี่ เหฒียบ จั๊ว หฮญัง, นิ่น ตุ๊ เต้า ตอน, บั๋ว เห่ว เทลา.

25ตุ๊ ลิ์ว เทลา, นิ่น เฒี่ยง ตุ๊ เหยียด แป๊ะ เหฒียบ จั๊ว หฮญัง, หธ่อ ม่าย ตอน ม่าย เซียะ เญย.

26เทลา ตุ๊ เธี้ยด เหฒียบ หฮญัง, นิ่น ตุ๊ ปัว เต้า ตอน, บั๋ว เห่ว อับลาม, นาโฮ เหธา ฮาลาน.

27เยียม น้าย มี่ง ก๊อง เทลา เญย เฒ้ย-ฟุน. เทลา โหฒว อับลาม, นาโฮ เหธา ฮาลาน เญย เตีย. ฮาลาน โหฒว โล้ด เญย เตีย.

28ฮาลาน เกวย เสย ด่าง นิ่น เญย เตีย, เทลา. ฮาลาน มต้าย เยียม นิ่น ธ้วด เสย เญย เต่ย-ปูง เกวย เสย, เซ เคนเดีย เมี่ยน เญย อูอา ฒี่ง.

29อับลาม เหธา นาโฮ อี เต้า ตอง จา. อับลาม เญย เอ๊า เห่ว ซาลาย. นาโฮ เญย เอ๊า เห่ว มินคา, เซ ฮาลาน เญย เซียะ. ฮาลาน โหฒว มินคา เหธา อิดคา เญย เตีย.

30ซาลาย ไม้ ไฮ่ ม่าย แซง-ยู์ง. นิ่น ไม้ ม่าย ฝุเจว๊ย.

31เทลา ต้อ นิ่น เญย ตอน, อับลาม, เหธา นิ่น เญย ฟุน, ฮาลาน เญย ตอน, โล้ด, เหธา นิ่น เญย บวั์ง, อับลาม เญย เอ๊า, ซาลาย, ธ้วด เคนเดีย เต่ย-ปูง เญย อูอา ฒี่ง อ๋อย มี่ง คานาอัน เต่ย-ปูง. มป่า นิ่น บัว มี่ง เถา ฮาลาน ฒี่ง ฯฒฯ ตี้ง เหฌี่ย เยียม วั้ว อ๊ะ.

32เทลา เฒี่ยง ตุ๊ หญี่ แป๊ะ เล่ง ปยา หฮญัง ฯฒฯ เยียม ฮาลาน ฒี่ง เกวย เสย หมี่ อ๊ะ.

← Chapter 10 Jump to: Chapter 12 →