Genesis 37

Mien Bible (Thai Script) © Thailand Bible Society, 2007

← Chapter 36 Jump to: Chapter 38 →

1ยาโค้บ หธ่อ เยียม เจี๊ยน ฒิ่น ด่าง นิ่น เญย เตีย เยียม วั้ว นอม เต่ย-ปูง, เซ คานาอัน เต่ย-ปูง.

2เยียม น้าย มี่ง ก๊อง ยาโค้บ เญย ตอน-เจว๊ย เญย เจ๊า-โหล่ว. โยเซ้บ เป๋น เมี่ยน หลุน เมี่ยน, ตุ๊ เหฒียบ เธี้ยด หฮญัง วั้ว หฒั่น, นิ่น เหธา นิ่น เญย ก๋อ, เซ นิ่น เญย เตีย เญย เอ๊า, บินฮา เหธา สินปา, เญย ตอน บัว ปู๋ง ปะกี ยู่ง เหธา ยู่ง. โยเซ้บ ต้อ นิ่น เญย ก๋อ บัว โหฒว ไม้ เป๋น เญย เจ๊า มี่ง ก๊อง บั๋ว นิ่น เญย เตีย.

3อิสะลาเอน ฮนั้ม โยเซ้บ เก้า ธั้ม เจี๋ย นิ่น เญย เหยียด ฒู้ง ตอน, เหว่ย หฒุ นิ่น โก๋ อ๊ะ, หธีง ตุ๊ โยเซ้บ ต้าย. นิ่น ลุ่น เต๋ย ลุย-ด๊าว, ลุย-เมว์ย หย่า ด๊าว, ปุน โยเซ้บ.

4โยเซ้บ เญย ก๋อ บัว ปวัด นิ่น บัว เญย เตีย ฮนั้ม โยเซ้บ เก้า ธั้ม ฮนั้ม นิ่น บัว, นิ่น บัว ฯฒฯ ฑอง โยเซ้บ. เหธา นิ่น ก๊อง หว่า หย่า ไม้ ม่าย หว่า หลง อ๊ะ.

5ม่าย หฑุ่น โยเซ้บ เบ๋ย ปวัด, หย่า ก๊อง นิ่น เญย เบ๋ย ปุน นิ่น เญย ก๋อ บัว หมวัง. นิ่น บัว ฯฒฯ เก้า ฟัด ฑอง นิ่น อ๊ะ.

6โยเซ้บ ก๊อง, “ก๋อ บัว หมวัง เยีย ก๊อง เยีย เญย เบ๋ย โอ่.

7เยีย เบ๋ย ปวัด บัว เยียม เด่ย ไซ เบย้า เฒ้ย. เยีย เญย เบย้า เฒ้ย กั้น เจี์ย ซิน ต้าย ตน เจี๊ยน. ก๋อ บัว เญย เบย้า เฒ้ย หย่า เจี์ย ต้าย เว่ย ก๋อม เยีย เญย เบย้า เฒ้ย ป๋าย.”

8นิ่น เญย ก๋อ บัว หน่าย ก๋า นิ่น, “เม่ย เก้ง อ๋อย โหฒว เยีย บัว เญย ฮู่ง? อ๋อย กุ๊น เยีย บัว?” หลาย โยเซ้บ เบ๋ย เญย เบ๋ย เหธา นิ่น ก๊อง เญย หว่า, นิ่น เญย ก๋อ บัว เก้า ฟัด ฑอง นิ่น อ๊ะ.

9ฆะฮ้า โยเซ้บ แอ๋ง เบ๋ย ปวัด หฑุ่น หย่า ก๊อง ปุน นิ่น เญย ก๋อ บัว หมวัง. นิ่น ก๊อง, “เยีย แอ๋ง เบ๋ย ปวัด. น้าย หฑุ่น เยีย ปวัด บะฮนอย เหธา หฮลา เหธา เหฒียบ เยี้ยด นอม เหฮลย เหยียด ฒู้ง ป๋าย เยีย.”

10นิ่น แอ๋ง ก๊อง น้าย นอม เบ๋ย ปุน นิ่น เญย เตีย, นิ่น เญย ก๋อ บัว หมวัง. นิ่น เญย เตีย ก๊อง-เหม นิ่น, “น้าย หาย หญู่ง เบ๋ย แล่? เม่ย ฮนั้ม ต้าย เม่ย เญย มา เหธา เยีย เหธา เม่ย เญย ก๋อ บัว เหยียด ฒู้ง อ๋อย หฒุ พัวะ เหฌี่ย เถา เดา ป๋าย เม่ย?”

11โยเซ้บ เญย ก๋อ บัว เก้ง เหมว่ย เจี๊ยะ นิ่น, มป่า นิ่น เญย เตีย หาย หฒั่น หย่า จั๋ง เจี๊ยน น้าย เต๋ย เจ๊า-โหล่ว.

12โยเซ้บ เญย ก๋อ บัว ต้อ นิ่น บัว เญย เตีย เญย ปะกี ยู่ง เหธา ยู่ง กวั้น มี่ง เซเคม ปู๋ง.

13อิสะลาเอน ฯฒฯ ก๊อง บั๋ว โยเซ้บ, “เม่ย เญย ก๋อ บัว เยียม เซเคม ปู๋ง ยู่ง. เม่ย มี่ง เม่ย เญย ก๋อ วั้ว โอ่.” โยเซ้บ เตา, “มี่ง เญย.”

14นิ่น เญย เตีย บั๋ว นิ่น, “เยีย อ๋อย เม่ย มี่ง หมั่ง ก๋า เม่ย เญย ก๋อ บัว หลง เญย ไฟ? ยู่ง หลง เญย ไฟ? หมั่ง ลิ์ว หฑวน ต้าย บั๋ว เตีย โอ่.” นิ่น เญย เตีย ฯฒฯ บั๋ว นิ่น มี่ง, นิ่น ฯฒฯ เยียม เฮโบโลน ห่อง ธ้วด เจ๊า มี่ง เซเคม. โยเซ้บ มี่ง เถา เซเคม,

15ม่าย เต้า เมี่ยน ปวั้ง หฒุ นิ่น เยียม หล่ม-ฮวาง เจี๋ย น้าย เจี๋ย วั้ว เญย, ฯฒฯ หน่าย ก๋า นิ่น, “เม่ย ล์อ หาย หญู่ง?”

16โยเซ้บ เตา, “เยีย ล์อ เยีย เญย ก๋อ บัว. เม่ย ฮิ้ว ตุ๊ นิ่น บัว เยียม หาย ปู๋ง ยู่ง, โท้ บั๋ว เยีย โอ่.”

17วั้ว เต้า เมี่ยน ก๊อง, “นิ่น บัว ซุ้ย ต๋อง หมี่ อ๊ะ. เยีย ไฮ์ นิ่น บัว ก๊อง อ๋อย ซุ้ย มี่ง โดทาน.” โยเซ้บ ฯฒฯ มี่ง ล์อ นิ่น เญย ก๋อ บัว, ล์อ ปวัด เยียม โดทาน.

18นิ่น เญย ก๋อ บัว ปวัด โยเซ้บ หธ่อ เยียม โก เญย. ต้าย ไม้ แก้ง เถา, นิ่น บัว ฯฒฯ ล่ม ฑ่อย ธ่าง ล่าง ต๊า หฒะเอ๋ย ไต๋.

19ล่าน บั๋ว ล่าน, “วั้ว เต้า กะน้าย-เบ๋ย เบ๋ย ต้าย อ๊ะโล่ะ!

20บัว ล่ม ฑ่อย มี่ง เฒาะ นิ่น ไต๋ กวั่ง อ๊ะ. ไต๋ ตั๊บ เจี๊ยน ววม-ค้วด-ฆาย. บัว ฯฒฯ ก๊อง กะน้าย หงาด หมี่ อ๊ะ. บัว หมั่ง ก๋า นิ่น เญย เบ๋ย ด่ง หาย ลี่ง?”

21ลูเบน ไฮ์ นิ่น โย์ว บัว ฮนั้ง น้าย นอ ก๊อง, นิ่น อ๋อย ล์อ เจ๊า เหฌียว โยเซ้บ ธ้วด นิ่น บัว เญย ปั์ว-เดี๊ย. นิ่น ฯฒฯ ก๊อง, “บัว ไม้ ตู๋ง ไต๋ นิ่น.”

22ลูเบน แอ๋ง บั๋ว นิ่น บัว, “ไม้ ตู๋ง ปุน เหยียด เต๋ย ฑย้าม ธ้วด. เฒาะ นิ่น ตั๊บ น้าย เต่ย-ปูง-ฮวาง เญย ววม-ค้วด-ฆาย ตุ๊ อ๊ะ. มป่า ไม้ ตู๋ง โหฒว หาย หญู่ง ห่อย นิ่น.” ลูเบน ฮนั้ง น้าย นอ ก๊อง เหว่ย อ๋อย เหฌียว โยเซ้บ ธ้วด นิ่น โย์ว บัว เญย ปั์ว-เดี๊ย แอ๋ง ฝูง หฑวน ปุน นิ่น เญย เตีย.

23โยเซ้บ ต้าย เถา, นิ่น เญย ก๋อ บัว ฯฒฯ ธา เจี๊ยน เฒาะ นิ่น เญย ลุย ด๊าว, ต้ง ม่าย ลุย-เมว์ย-ด๊าว วั้ว เต๋ย ลุย, เธี้ย กวั่ง มี่ง,

24แอ๋ง เฒาะ นิ่น ฟ้ง ด๊อด ววม-ค้วด. วั้ว นอม ค้วด ไม้ ม่าย ววม.

25โยเซ้บ เญย ก๋อ บัว เฒว์ย เจี๊ยน หญั่น หฮนาง วั้ว หฒั่น, นิ่น บัว เธา เฮมียน หมั่ง ปวัด กวั้น อิสะมาเอน เมี่ยน เยียม กิเลอาด ต้าย อ๋อย มี่ง อียิบ เต่ย-ปูง. นิ่น บัว เญย ล่อ ท่อ ทอ เจี๊ยน เดี๋ยง-ฒูง ดาง เหธา เดีย-ดาง เหธา มูหย่อ.

26ยูดา ก๊อง บั๋ว นิ่น เญย มั์ว-ต่อย, “สี ก๊อง บัว ไต๋ กวั่ง บัว เญย โย์ว แอ๋ง ล์อ เจ๊า ปี๋ง เยีย บัว โหฒว เญย สี่, บัว ตุ๊ หาย หญู่ง?

27บัว อ๋อย หฒุ หม่าย ปุน น้าย เต๋ย อิสะมาเอน เมี่ยน เก้า หลง ไต๋ กวั่ง. นิ่น โหฒว บัว เญย โย์ว, เหธา บัว จวั่ง ฑย้าม-เฟย.” นิ่น เญย มั์ว-ต่อย ปวัด หอบ เญย.

28วั้ว เต๋ย โหฒว แซง-เอ๋ย เญย มีเดียน เมี่ยน เจี๋ย เจ๊า เถา วั้ว. โยเซ้บ เญย ก๋อ บัว ฯฒฯ เธีย โยเซ้บ ธ้วด ค้วด ต้าย หม่าย ปุน น้าย เต๋ย อิสะมาเอน เมี่ยน, ตุ๊ หลัวะ ลู์ง ญ่าน. วั้ว เต๋ย แซง-เอ๋ย เมี่ยน ฯฒฯ ต้อ โยเซ้บ มี่ง อียิบ เต่ย-ปูง อ๊ะ.

29ลูเบน ต้าย เถา วั้ว นอม ค้วด, หย่า ไม้ ปวัด โยเซ้บ หมี่ อ๊ะ. นิ่น เฑ่า ไห่ ฯฒฯ เป๊ด กั้น เญย ลุย.

30นิ่น หฑวน นิ่น เญย โย์ว บัว วั้ว ก๊อง, “วั้ว เต้า ตอน ไม้ เยียม น้าย อ๊ะโล่ะ! เยีย อ๋อย หฒุ ฮนั้ง หาย นอ โหฒว?”

31นิ่น บัว ฯฒฯ ไต๋ เต้า ยู่ง โก๊ว แอ๋ง เฒาะ โยเซ้บ เญย ลุย-ด๊าว, ต้ง ม่าย ลุย-เมว์ย-ด๊าว วั้ว เต๋ย, เหฒียม ยู่ง เญย ฑย้าม,

32แอ๋ง ต้อ หฑวน ปุน นิ่น เญย เตีย หมั่ง. นิ่น บัว ก๊อง, “เยีย บัว ล์อ ปวัด น้าย เต๋ย ลุย. เตีย หมั่ง ก๋า, เม่ย เญย ตอน เญย ลุย ซ่าะ?”

33ยาโค้บ เฒียะ ตุ๊ เญย. นิ่น ก๊อง, “น้าย หฒะเก้ง! เยีย เญย ตอน เญย ลุย. หฒะเก้ง! กะน้าย หงาด, กะน้าย เป๊ด หมี่ อ๊ะ เหลาะ.”

34ยาโค้บ เฑ่า ไห่, เป๊ด นิ่น กั้น เญย ลุย แอ๋ง เฒาะ ล่าม่า เดีย-โธว ไซ เจี๊ยน จ๊าย. นิ่น เฑ่า ไห่, เญี้ยม นิ่น เญย ตอน เหฒีย หล่าย เล่า.

35นิ่น เญย ตอน นิ่น เญย เซียะ บัว เหยียด ฒู้ง ขวิน นิ่น, “ไม้ ตู๋ง เญี้ยม,” มป่า นิ่น ไม้ หมวัง. นิ่น ก๊อง, “ไม้ ตู๋ง ก๊อง อ๊ะ. เยีย อ๋อย หฒุ เฑ่า เถา ไต่ มี่ง เหธา เยีย เญย ตอน เยียม เยี่ยม เกน.” นิ่น หธ่อ เฑ่า เจี๊ยน, เหว่ย นิ่น เญย ตอน เญี้ยม.

36ต้ง วั้ว หฒั่น เยียม อียิบ เต่ย-ปูง วั้ว เต๋ย โหฒว แซง-เอ๋ย เญย มีเดียน เมี่ยน แอ๋ง หม่าย โยเซ้บ ปุน ฮู่ง เตี๋ย เญย เหยียด เต้า เจียน, เซ โก๋ว ฮู่ง ติ่น เญย ต้ม แปง-เปย๊ย, โปทิฟา, หมี่ อ๊ะ.

← Chapter 36 Jump to: Chapter 38 →