Genesis 33

Mien Bible (Thai Script) © Thailand Bible Society, 2007

← Chapter 32 Jump to: Chapter 34 →

1ยาโค้บ มี่ง เกา, ปวัด เอซาว เหธา นิ่น เญย เฝย แป๊ะ เต้า เมี่ยน ต้าย. นิ่น ฯฒฯ ปุน ฆอย นิ่น เญย ฝุเจว๊ย ปุน เลอา, ลาเซน เหธา อี เต้า โน่ว เป์ย, เหยียด เต้า ต้อ เต๋ย มี่ง.

2นิ่น ปุน นิ่น เญย อี เต้า โน่ว เป์ย เหธา นิ่น บัว เญย ฝุเจว๊ย มี่ง ด่าง. เจี๋ย ต้าย ม่าย เลอา เหธา นิ่น เญย ฝุเจว๊ย. ลาเซน เหธา โยเซ้บ ฆะฮ้า ลาย เจี๋ย.

3ยาโค้บ กั้น มี่ง ด่าง พัวะ เหฌี่ย เถา เดา เสี่ย หฑุ่น หธีง เถา ฟัด เต๋ย นิ่น เญย ก๋อ วั้ว.

4มป่า เอซาว ถิว มี่ง ฒิบ, ชัม เจี๊ยน ฒม. อี มั์ว ฒู้ง เญี้ยม.

5เอซาว เธา เฮมียน ปวัด วั้ว เต๋ย มเซียะ ตอน เหธา ฝุเจว๊ย, นิ่น หน่าย ก๋า, “กัน เม่ย ต้าย น้าย เต๋ย เมี่ยน เซ หาย เต้า?” ยาโค้บ เตา, “น้าย เต๋ย ฝุเจว๊ย เซ ทิน-ฮู่ง ค้อ-เลี่ยน เยีย, เหธย ปุน เยีย, เม่ย เญย โปว.”

6วั้ว เต๋ย อี เต้า โน่ว เป์ย เหธา นิ่น บัว เญย ฝุเจว๊ย ฯฒฯ ต้าย เกว่ย เหฌี่ย ป๋าย.

7เจี๋ย ต้าย เลอา เหธา นิ่น เญย ฝุเจว๊ย หย่า ต้าย เกว่ย เหฌี่ย ป๋าย. โยเซ้บ เหธา ลาเซน ฆะฮ้า เถา หย่า ฟี่ ฮนั้ง เญย เกว่ย เหฌี่ย ป๋าย.

8เอซาว หน่าย ก๋า, “เยีย ปวั้ง วั้ว เต๋ย แซง-คู้ กวั้น ม่าย หาย หญู่ง เอ๋ย เล์ย?” ยาโค้บ เตา, “โอ๊, น้าย เซ เหว่ย อ๋อย ปุน ก๋อ ฆอย ฟิม ฆอย เอ๋ย ฮนั้ม เยีย.”

9มป่า เอซาว เตา, “โย์ว อ่า, เยีย มป่า ม่าย เก๋า หล่ง เญย. เม่ย เญย, เลี่ยว เม่ย กั้น หล่ง อ๊ะ.”

10ยาโค้บ ก๊อง, “โท้ ไม้ ตู๋ง ฮนั้ง น้าย นอ ก๊อง โอ่. สี ก๊อง เม่ย ฆอย เอ๋ย เยีย นอ, โท้ หล่ง เยีย เญย ฒี่ง เหญ่ย. อี้ หฒั่น เยีย ปวัด เม่ย เญย เฮมียน เซ ฮนั้ง ปวัด ทิน-ฮู่ง เญย เฮมียน นอ, เหว่ย หฒุ เม่ย ม่าย เฮญี้ยว ฒิบ เยีย หลง ไห่.

11โท้ ก๋อ ฒิบ เยีย ต้อ ต้าย เญย ฒี่ง เหญ่ย. ทิน-ฮู่ง ค้อ-เลี่ยน เยีย, ปุน เยีย ม่าย เก๋า หล่ง.” ยาโค้บ ก๊อง เกา, เอซาว แล์ง หล่ง หมี่ อ๊ะ.

12เอซาว ก๊อง, “บัว ล่ม ฑ่อย มี่ง อ๊ะ. เยีย มี่ง ด่าง ต้อ เม่ย.”

13ยาโค้บ เตา, “เยีย เญย เฒี้ยว หย่า ฮิ้ว เญย, ฝุเจว๊ย หม่วน ไห่. เยีย หย่า อ๋อย หฒุ ฮนั้ม เถา ปะกี ยู่ง เหธา ยู่ง เหธา ง่ง ต้อ เจี๊ยน ตอน เญย. สี ก๊อง ฮ่อง เจี๊ยน มี่ง เป๊ะ นอ, เหยียด ฮนอย ฮนั้ง แซง-คู้ ฒู้ง ไต่ เหฑ่ง อ๊ะ.

14เม่ย กุ๊น มี่ง ด่าง อ๊ะ. เยีย ฆะฮ้า หมั่นๆ มี่ง. สี ก๊อง ฝุเจว๊ย เหธา แซง-คู้ มี่ง ตุ๊ นอ, เยีย มป่า ก๊าน เจี๊ยน มี่ง เถา เยีย แอ๋ง ปวั้ง เม่ย, เยีย เญย เฒี้ยว, เยียม เสอี เต่ย.”

15เอซาว ก๊อง, “วั้ว หญู่ง, เยีย ปุน อี เหฒีย เต้า เยีย กั้น เญย เมี่ยน เหธา เม่ย เยียม น้าย.” ยาโค้บ เตา, “ไม้ หฒุ ฮนั้ง หน่าย เหลาะ. ตะฟ่าน ตุ๊ เยีย เญย เฒี้ยว ฆอย เอ๋ย ฮนั้ง ตุ๊ อ๊ะ.”

16วั้ว ฮนอย เอซาว ฯฒฯ หฑวน เสอี เต่ย หมี่ อ๊ะ.

17มป่า ยาโค้บ มี่ง สุกโค้ด ก๊ม เปย๊า, โหฒว แซง-คู้ ลิ่ว. วั้ว นอม ต๋อง ฯฒฯ ธ้วด บั๋ว เห่ว สุกโค้ด.

18ยาโค้บ เยียม ปัดดานอาลัม มี่ง เถา คานาอัน เต่ย-ปูง, เซเคม ฒี่ง หมี่ อ๊ะ. หลง เญย, ไม้ ม่าย หาย หญู่ง. นิ่น ธอง เจี๊ยน ด๊บ-ลิ่ว เยียม วั้ว ฒี่ง กะเฮลน.

19ธอง ด๊บ-ลิ่ว เญย เดา นิ่น หล่ง เหยียด แป๊ะ คว้าย ญ่าน เถง ฮาโม เญย ตอน บัว, เซเคม เญย เตีย, ม์าย ต้าย.

20เยียม วั้ว นอม ต๋อง นิ่น เหธย นอม เหฒี่ย-ต้อง แอ๋ง ธ้วด บั๋ว เห่ว เอนเอโลเฮอีซาลาเอน.

← Chapter 32 Jump to: Chapter 34 →