Genesis 12

Mien Bible (Thai Script) © Thailand Bible Society, 2007

← Chapter 11 Jump to: Chapter 13 →

1เฒี้ยว ก๊อง บั๋ว อับลาม, “อ๋อย หฒุ เล่ย ฆอย เม่ย เญย ป๊วน-เต่ย, เม่ย เญย เธียน-เธะ เหธา เม่ย เญย เตีย เญย เปย๊า มี่ง เถา เยีย อ๋อย ปุน เม่ย ฮิ้ว เญย เต่ย-ปูง.

2เยีย อ๋อย เหธย ฟุ ปุน เม่ย, ปุน เม่ย โหฒว เหยียด ฝีง โฮล เญย เมี่ยน. เยีย อ๋อย ปุน เม่ย ม่าย เม่ง โห่. เม่ย หย่า ไฮ่ ปุน เมี่ยน ตุ๊ ฟุ.

3หาย เต้า ปวัง หว่า เม่ย, เยีย ฯฒฯ เหธย ฟุ ปุน วั้ว เต้า. หาย เต้า เหฒียว เม่ย, เยีย อ๋อย เหฒียว วั้ว เต้า. เหว่ย เม่ย เยีย อ๋อย เหธย ฟุ ปุน ลู่ง เดี๊ย ฝีงๆ เมี่ยน.”

4อับลาม ฯฒฯ หฒิว เฒี้ยว เญย หว่า ธ้วด เจ๊า. โล้ด หย่า เหธา เจี๊ยน มี่ง. ธ้วด ฮาลาน วั้ว หฒั่น อับลาม ตุ๊ เธี้ยด เหฒียบ ฮม์ หฮญัง.

5อับลาม ต้อ เจี๊ยน นิ่น เญย เอ๊า, ซาลาย, เหธา นิ่น เญย ฟุน, โล้ด, เลี่ยม นิ่น เยียม ฮาลาน หฒ่อน ต้าย เญย หญู่งๆ กะน้าย เหธา ตุ๊ ต้าย เญย เต้าๆ เมี่ยน ธ้วด เจ๊า มี่ง คานาอัน เต่ย-ปูง. นิ่น บัว ฯฒฯ มี่ง เถา คานาอัน หมี่ อ๊ะ.

6อับลาม กัน เจี๊ยน เต่ย-ปูง เจี๋ย เถา เซเคม ฒี่ง, เถา ติ้ว ต้ม บะอง เฒวย เดี๋ยง, โมเล วั้ว. วั้ว หฒั่น คานาอัน เมี่ยน เยียม เจี๊ยน วั้ว นอม เต่ย-ปูง เญย.

7เฒี้ยว หิ่น ธ้วด ต้าย ก๊อง บั๋ว อับลาม, “น้าย นอม เต่ย-ปูง เยีย อ๋อย จิว ปุน เม่ย เญย ฟุน-ฟะ.” อับลาม ฯฒฯ เหธย นอม เหฒี่ย-ต้อง ต้าย เหฒี่ย ต้ง หิ่น ธ้วด ปุน นิ่น ปวัด วั้ว เต้า เฒี้ยว.

8ฆะฮ้า อับลาม แอ๋ง ซุ้ย มี่ง เถา เบดเอน ฒี่ง เญย ตง ปูง แหมง, บง-ไอ๊ เญย ต๋อง, ธอง ด๊บ-ลิ่ว. เบดเอน ฒี่ง เยียม นิ่น บัว เญย ไฟ ปูง, ไอ ฒี่ง เยียม นิ่น บัว เญย ตง ปูง. เยียม วั้ว นิ่น แอ๋ง เหธย นอม เหฒี่ย-ต้อง ต้าย ก๊อง ธ้วด เฒี้ยว เญย บั๋ว หฒั่ง เฒี้ยว.

9อับลาม แอ๋ง ธ้วด เจ๊า หูง เจี๊ยน เนเกบ มี่ง.

10คานาอัน เต่ย-ปูง ปวั้ง หฒุ ต้ม ฮวาง ต้ม หง่อ. เมี่ยน หง่อ ตุ๊ โค้ว ไห่, อับลาม ฯฒฯ มี่ง เยียม โต่ว อียิบ เต่ย-ปูง.

11อ๊า ลั่ม เต๋ย เปียะ อียิบ เต่ย-ปูง วั้ว หฒั่น, อับลาม ก๊อง บั๋ว นิ่น เญย เอ๊า, ซาลาย, “เยีย ฮิ้ว ตุ๊ เม่ย เซ เหฑว่ย ไห่ เญย มเซียะ ตอน.

12อียิบ เมี่ยน ปวัด เม่ย, นิ่น บัว ฯฒฯ ก๊อง, ‘น้าย เซ นิ่น เญย เอ๊า,’ ฯฒฯ ไต๋ เยีย มป่า เลี่ยว เม่ย.

13เม่ย อ๋อย หฒุ บั๋ว นิ่น บัว เม่ย โหฒว เยีย เญย หมั่ว, นิ่น บัว ฯฒฯ เหว่ย เม่ย โหฒว หลง ปุน เยีย หย่า เหว่ย เม่ย เลี่ยว เยีย เญย แหม่ง.”

14อับลาม เปียะ อียิบ เต่ย-ปูง วั้ว หฒั่น, อียิบ เมี่ยน ปวัด นิ่น เญย เอ๊า หฒะเก้ง เหฑว่ย ไห่.

15ฟาโล ฮู่ง เญย เจียน ปวัด ลิ์ว ซาลาย ฯฒฯ มี่ง เธง ปุน ฮู่ง เตี๋ย หมวัง. ฆะฮ้า ต้อ ซาลาย มี่ง เยียม ฮู่ง เตี๋ย เญย ติ่น.

16เหว่ย ซาลาย, ฮู่ง เตี๋ย โหฒว หลง ปุน อับลาม. อับลาม ตุ๊ ง่ง, ตุ๊ ปะกี ยู่ง, ล่อ โก๊ว ล่อ เญ์ย, โน่ว เก๊า โน่ว เป์ย เหธา ล่อ ท่อ.

17มป่า หลาย อับลาม เญย เอ๊า, ซาลาย, เฒี้ยว ปุน ฮู่ง เตี๋ย เหธา นิ่น เญย เปย๊า ฒง เมี่ยน ปุ๊ด เธี้ยว ไห่ เญย แป่ง.

18ฮู่ง เตี๋ย เห่ว อับลาม ต้าย ฯฒฯ ก๊อง, “เม่ย เหว่ย หาย ติ่ว ฮนั้ง น้าย นอ โหฒว ปุน เยีย? เม่ย ฝู่ง ไม้ ก๊อง หฒะ นิ่น โหฒว เม่ย เญย เอ๊า?

19เม่ย เหว่ย หาย ติ่ว ก๊อง นิ่น โหฒว เม่ย เญย หมั่ว, ดั๊ว เยีย ต้อ ต้าย โหฒว เยีย เญย เอ๊า? น้าย เม่ย เญย เอ๊า. ต้อ เจี๊ยน นิ่น มี่ง อ๊ะ.”

20ฮู่ง เตี๋ย หย่า พ้าย นิ่น เญย เมี่ยน ต้อ อับลาม เหธา นิ่น เญย เอ๊า, เลี่ยม นิ่น เญย หญู่งๆ กะน้าย, ธ้วด เต่ย-ปูง.

← Chapter 11 Jump to: Chapter 13 →