bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Javanese
/
Javanese KJS17 (Kitab Jawa Suriname)
/
Proverbs 24
Proverbs 24
Javanese KJS17 (Kitab Jawa Suriname)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
1
Aja mèri marang wong ala, lan aja sesrawungan karo wong kuwi;
2
awit atiné tansah ngréka-ngréka arep nglarani, lan lambéné ngomongké bab kasangsarané.
3
Karo kawityaksanan omah kuwi diedekaké, lan dikuwatké karo kapinteran;
4
lan karo kapinteran kamar-kamaré pada diisèni, banda werna-werna sing larang regané lan sing nyenengké.
5
Wong wityaksana kuwi kuwat, wong sing nduwé kaweruh ya luwih kuwat.
6
Awit mung karo rantyaman enggonmu bisa ngluruk perang, lan kemenangan kuwi gumantung okèhé wong sing dadi juru rembuk.
7
Kawityaksanan kuwi keduwuren kanggo wong bodo, mulané ing gapura ora mbukak tutuké.
8
Sapa sing tansah ngrantyam sing ala, bakal diarani tukang ngapusi.
9
Mikir kebodoan kuwi ndadèkké dosa, lan wong seneng memoyok kuwi ala kanggo manungsa.
10
Yèn ing dina kangèlan atimu semplak, kuwi nyatakké kurangé kekuwatanmu.
11
Wong sing diglandang arep dipatèni kuwi slametna, lan sing gloyoran marani panggonan penyembelèhan, kuwi slametna.
12
Yèn kowé omong: “Perkara kuwi aku ora ngerti tenan!” Gusti Allah sing nguji ati apa ora ngerti ing sejatiné? Apa Panjenengané sing njaga nyawamu kuwi ora ngerti, lan mbales marang manungsa miturut penggawéné?
13
Hé anakku, mangana madu, awit kuwi betyik, lan rembesé madu kuwi legi rasané ing tyetakmu.
14
Ngertènana, kaya mengkono rasané kawityaksanan kanggo nyawamu, yèn kok temu sing kok arep-arep ing dina mburiné, lan pengarep-arepmu ora bakal ilang.
15
Aja ngintyeng panggonané wong bener kaya mlakuné wong duraka, aja ngrusak omahé.
16
Awit wong bener kuwi tiba dibalèni kaping pitu, mesti ngadek menèh, nanging wong duraka bakal ambruk ing sak njeruhné tyilaka.
17
Yèn mungsuhmu tiba, aja bungah, lan yèn dèkné kejlungup aja bungah-bungah atimu,
18
supaya GUSTI ora weruh lan nganggep ala, terus nyingkirké bebenduné sangka wong mau.
19
Aja nesoni marang wong sing nindakké sing ala, aja mèri marang wong duraka.
20
Awit ora ana pengarep-arep kanggo wong ala, dimaré wong duraka kuwi bakal mati.
21
Hé anakku, wedia lan trésnaa marang GUSTI lan marang ratu, aja mbruntak marang loro-loroné.
22
Awit dadakan waé pada nekakké kasangsarané, lan sapa ngerti leburé, sing ditekakké karo loro-loroné?
23
Iki ya wulang bebasan panemuné para wityaksana, nyawang wong ing pengadilan kuwi ora apik.
24
Sapa sing ngomong marang wong duraka: “Kowé ora salah,” kuwi bakal disepatani karo para bangsa, lan disepatani karo para taleré bangsa.
25
Nanging sing ngekèki pepéling bakal nemu kabekjan, lan bakal olèh berkah.
26
Sapa sing nyauri karo titis, kuwi nyutyup lambé.
27
Penggawéanmu ing njaba rampungna, lan tyawisna kebonanmu, sakwisé kuwi terus ngedekna omahmu.
28
Aja dadi seksi kanggo pepadamu tanpa sebab, lan ngapusi karo lambému.
29
Aja nduwé tembung: “Kaya sing dadi penggawéné wong kuwi marang aku, ya kaya mengkono bakal tak tindakké marang wong mau. Aku mbales marang wong miturut penggawéné.”
30
Aku ngliwati tegalané wong males, lan ing kebon angguré wong sing tanpa pikiran.
31
Lah kabèh kuwi kebak ketukulan eri, lemahé ketukulan karo eri, lan témboké wis ambruk.
32
Aku weruh terus njupuk piwulangé, aku weruh terus olèh wulangan.
33
“Turu sedilut engkas, ngantuk sedilut engkas, nekuk tangan sedilut engkas arep neruské lèyèh-lèyèh,”
34
terus katekan mlarat, kaya wong sing nyerang, katekan kekurangan, kaya wong sing nganggo gaman.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31