bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 1
Judges 1
Kamba (Mbivilia) 1956
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
1
Na kweethĩwa ĩtina wa kĩkw’ũ kya Yosua, ana ma Isilaeli makũlya Yeova, makyasya, Nũũ ũla wĩamba kwambata kwa Akanaani kwondũ witũ, kũkita nao?
2
Na Yeova amea, Yuta akambata: sisyai, nyie nĩnĩnenganĩte ĩ nthĩ kw’okonĩ kwake.
3
Na Yuta amwĩa Simeoni mwana‐a‐inyia, Ũka twambatan’ye kĩandanĩ kyakwa, nĩ kana tũkite na Akanaani; nakwa ngaendan’ya naku kĩandanĩ kyaku. Na ĩndĩ Simeoni aendan’ya nake.
4
Na Yuta ambata; na Yeova amanengane Akanaani na Avelisi mokonĩ moo: nao mamoaa ma asu andũ ngili ĩkũmi ku Mbeseki.
5
Na mamwĩthĩa Atoni‐mbeseki ku Mbeseki; na mokita nake, na makũna Akanaani na Avelisi.
6
Ĩndĩ Atoni‐mbeseki akũka; na mamũatĩĩa, na mamũkwata, na mamũtila syaa ila nene sya moko na sya maũũ.
7
Na Atoni‐mbeseki asya, Asumbĩ mĩongo mũonza, ala maĩ atile syaa syoo ila nene sya moko na sya maũũ, moosanasya lĩu woo ungu wa mesa yakwa: o ũndũ neekie, now’o Ngai wandĩva. Na mamũete Yelusaleme, na akw’ĩa kw’o.
8
Na ana ma Yuta mokita na Yelusaleme, na mamĩkwata, na mamĩkũna kwa kũtemanga na ũvyũ, na mamĩvĩvya ĩ ndũa na mwaki.
9
Na ĩtina ana ma Yuta matheea kũkita na Akanaani ala matwĩe nthĩ yĩ iĩma, na nthĩ ya ngalĩ ya Ĩtheo, na nthĩ ndindimalu.
10
Na Yuta mathi kũkita na Akanaani ala matwĩe Eviloni (na ĩndĩ syĩtwa ya Eviloni mbee yeetawa Kiliathi‐aliva); na makũna Sesai, na Aimani, na Talimai.
11
Na kuma vo aenda kũkita na ala matwĩe Ndevili. (Na syĩtwa ya Ndevili mbee yeetawa Kiliathi‐seveli.)
12
Na Kalevu asya, Ũla wĩkũna Kiliathi‐seveli, na kũmĩkwata, we ngamũnenga Akisa mwĩĩtu wakwa ethĩwe mũka.
13
Na Othinieli mwana wa Kenasi, mũinae wa Kalevu, amĩkwata: nake amũnenga Akisa mwĩĩtu wake ethĩwe mũka.
14
Na kweethĩwa, yĩla wokie vala ũĩ, amũingĩĩsya avoye ĩthe mũũnda: na auma ĩng’oinĩ yake; na Kalevu amũkũlya, Wĩenda kĩ?
15
Nake amũsũngĩa, Nenga ũathimo; nũndũ nũnenganĩte nthĩ ya ngalĩ ya Ĩtheo, nenga mbuluti sya manzĩ o nasyo. Na Kalevu amũnenga mbuluti sya ĩũlũ na mbuluti sya ĩtheo.
16
Na ana ma Mũkeni, mũthoni wa Mose, mambata kuma ndũa ĩsu ya mĩtende vamwe na ana ma Yuta kũvika weũnĩ wa Yuta, ũla wĩ ngalĩ ya ĩtheo ya Alati; na mathi na matũa na andũ asu.
17
Na Yuta athi na mwana‐a‐inyia Simeoni, nao makũna Akanaani ala matwĩe Nzevathi, na mamyananga vyũ. Na syĩtwa ya ndũa ĩsu yeetawa Olima.
18
Vamwe na ũu Yuta akwata Ngasa vamwe na mĩvaka yayo, na Asikeloni na mĩvaka yayo, na Ekiloni na mĩvaka yayo.
19
Na Yeova aĩ vamwe na Yuta; nake amalũngya ala matwĩe nthĩ yĩ iĩma; nũndũ ndaatonya kũlũngya ala matwĩe mwandanĩ, nũndũ maĩ na makasya ma kaũ ma iaa.
20
Na mamũnenga Kalevu Eviloni, o tondũ Mose waneenie: nake amalũngya vo ana asu atatũ ma Anaki.
21
Na ana ma Mbenyamini matyaalũngya Ayevusi ala matwĩe Yelusaleme; ĩndĩ Ayevusi matũaa na ana ma Mbenyamini ku Yelusaleme kũvika ũmũnthĩ.
22
Na nyũmba ya Yosevu, nao mambata kũkita na Mbethi‐eli; na Yeova aĩ vamwe namo.
23
Na nyũmba ya Yosevu matũmana makathiane Mbethi‐eli. (Na syĩtwa ya ndũa ĩsu mbee yeetawa Lusu.)
24
Na athiani moona mũndũ okĩte kuma ĩ ndũanĩ, na mamwĩa, Nĩtũũkwĩsũva, twon’ye ũlikĩlo wa ĩ ndũa, naitũ tũkakwĩka nesa.
25
Nake amon’ya ũlikĩlo wa ndũa ĩsu; namo makũna ĩ ndũa kwa kũtemanga na ũvyũ; ĩndĩ ũla mũndũ mamũeka vamwe na mũvĩa wake w’onthe.
26
Na ũla mũndũ athi nthĩ ya Aititi, na aaka ndũa, na amĩta Lusu, na nĩyo syĩtwa yayo kũvika ũmũnthĩ.
27
Na Manase ndaalũngya ala matwĩe Mbethi‐seani na tũtũla twayo, o na ala matwĩe Taanaki, na tũtũla twayo, o na ala matwĩe Ndoli na tũtũla twayo, o na ala matwĩe Ivileamu na tũtũla twayo, o na ala matwĩe Mekito na tũtũla twayo; ĩndĩ Akanaani meevinyĩlĩlya nthĩ ĩsu.
28
Na kweethĩwa, yĩla Isilaeli mongelekile vinya, mamatethethya Akanaani wĩa wa vinya, na matyaamalũngya vyũ.
29
Na Evalaimu ndaamalũngya Akanaani ala matwĩe Ngeseli; ĩndĩ Akanaani matũaa Ngeseli katĩ woo.
30
Na Nzevuluni ndaamalũngya ala matwĩe Kiteloni, o na ala matwĩe Naalali; ĩndĩ Akanaani matũaa katĩ woo, namo matw’ĩka ala matethethaw’a wĩa wa vinya.
31
Na Aseli ndaamalũngya ala matwie Ako, o na ala matwĩe Sitoni, o na ala ma Alavi, o na ala ma Akisivu, o na ala ma Eliva, o na ala ma Aveki, o na ala ma Leovu;
32
ĩndĩ Aaseli matũaa vamwe na Akanaani, ala matwĩe ĩ nthĩ; nũndũ matyaamalũngya.
33
Na Navitali ndaamalũngya ala matwĩe Mbethi‐semesi, o na ala matwĩe Mbethi‐anathi; ĩndĩ atũaa vamwe na Akanaani, ala matwĩe ĩ nthĩ: ĩndĩ ala matwĩe Mbethi‐semesi na Mbethi‐anathi matethethaw’a wĩa wa vinya.
34
Na Aamol malũngĩlĩĩlya ana ma Ndani nthĩ yĩ iĩma; na matyaametĩkĩla matheee mwandanĩ;
35
ĩndĩ Aamoli meevinyĩlĩlya kĩĩmanĩ kya Eelesi, na Aiyaloni, na Saalivimu: ĩndĩ kw’oko kwa nyũmba ya Yosevu nĩkwakĩlilye vinya, mũvaka matethethaw’a wĩa wa vinya.
36
Na mũvaka wa Aamoli waumĩte kyambatonĩ kya Akilavimu, kuma yĩla ĩvianĩ, na kũendeea na ĩũlũ.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21